منذ 2 أياميشعر بـ مُرهق
جماعه انا متضايقه جدا احيانا مش بعرف اتعامل مع البشر انا بنت ومش بعرف اتعامل بجد بحس اني بتفهم غلط وف ناس بتكرهك كده بدون اسباب انا بتكلم بلجهتي انا لهجتي مش قاهرواي تمام فانا بتكلم بلهجتي ف الجامعه اغلب البنات اللى موجودين ف الكليه بيتكلموا قاهرواي وكده عشان محدش يتريق عليهم او بيعيشوا الدور انا من البنات اللى بتكلم بلهتجتي اول ما اتكلم معاهم بحس انهم نفروا مني رغم ف الاول كتير بنات كانوا حابين يتكلموا معايا اول نا ورحنا الجامعه جديد دلوقتي نزرتهم ليا بتتغير عشان مش بتظاهر بالتصنع زيهم مش عارفه ليه انا مش بكره حد.واللع بس مش عارفه اول ريأكشن برضو وشي يوحي اني متضايقه بس انا متضايقه فبحس برضو اني كرهوني في نفسي والله بحس محدش بيحبني الا الناس السويه جدا والله بتحصلى حاجات بتبين عكس شخصيتي لكن انا مش بكره حد
طب والله حلو إن طالما بتتعاملى بطبيعتك فكده الناس السوية هى اللى بتحبك.والناس اللى عكس كده بتبعد عنك..هو إحنا عاوزين إيه من الدنيا غير كده خليكى زى ما انتى على طبيعتك متغيريش حاجه فيكى
هما اللي مش عارفين يتعاملو انتي اللي طبيعيه يعني تتكلم بلهجه مش مريحاكي عشانهم طز انا عندي الحوار ده بردو بس انا عشان كنت عايش ف القاهره بس بقعد مع شله من البحيره سويه بقيت انا اللي اتكلم زيهم😂 فعادي هتلاقي غيرهم شبهك او ناس طبيعيه