لو ليا واحد صاحبي قولتلو مرة تعالى اعزمك في البيت أنا بحكي لماما عنك تحب تاكل اية قالي وهو انت شايفني جعان؟؟؟ ومرة قالي مش معايا فلوس قولتلو عايز كام قالي هو انت شايفني شحات؟؟؟ ومرة من 7 شهور جبتله حاجة من بلبن قالي وحشة وانت لية تدفع انا معايا اكتر مش كفاية معاك اندرويد وانا معايا ايفون؟ ومرة اتصل بيا بعد امتحان قالي طمني عليك قولتلو الأمور تمام بس انا تعبان قالي مالك قولتلو عندي ارتكاريا وتعبان اوي وباخد 7 أدوية ومعدتي واجعاني من كتر الأدوية راح قالي جربان يعني وقاعد بتهرش انا فرحان فيك اوي وانت بتهرش وشديت معاه جامد قالي بهزر ولا انت هتقف على الواحدة؟ ومرة تانية اتصل بيا يرغي قالي انا رايح بيت جدي قولتلو كويس قالي وانت هتعمل ايه قولتلو ولا حاجة قالي اكيد في البيت لوحدك لانك متوحد أو هتسهر على القهوة للفجر لأن ملكش أهل يسألو عليك زعقتله قالي انت بقيت مقرف وبتقف على الواحدة، هل كل ده طبيعي؟
ده عنده نقص و بيطلعه فيك انطره ابلاكاش
لا ده مش طبيعى نهائى إقطع علاقتك بيه وربنا يعوضك بالأحسن
في ناس كده يبنى بياخدوا طاقتهم من غيرهم اغوذ بالله بجد ابعد عنه مش هيجيلك منه غير الوحش
علاقة توكسيك بتوجعك ابعد عنه
اخلع منه منغير متعرفه اي اسباب وعلفكرا دا مش هزار وهوا عارف جدااا وعارف كويس اوي انه مش هزار بس بيرميه تحت البند دا جرب انت كده تقوله نفس الكلمتين وشوف هيعمل اي وقوله انا بهزر يعمي انت هتقفلي ع الواحده ولا انت مق.رف شكلك ولا اي
متقولش صاحبك بس
بص في ناس هزارها تقيل كتير اوي لكن لو مش متقبل الهزار ده قوله استمر في هزاره ابعد طبعا سلامتك النفسية اهم
قله الزوق وقلة الادب عمرها مكانت هزار ومتسمحش لبه انو يضايقك حتى لو اخر صاحب عليك نفسيتك اهم والصاحب اصلا مش حاجه غير انكو تعدلو مود بعض وتعملو ذكريات كويسه سوا مش مطرين بقا تكلمو مع بعض عشان عيال بقا ولا هو من اهلك فمطر تستحمله ابعد عنه طبعاا
ليه في ناس فاكره القفش ده هزار وبتستعمله حبل جذب وشد والمشكلة انك بيبقي صعب عليك تبعدهم عن حياتك
هو شايفك طيب وبيستغل طيبتك وده من اسوء انواع البشر فكنت هقولك تعاتبه بس واضح انو ميستاهلش ده وهو عارف انو بيجرحك وبيضايقك وشايفك احسن وره عشان كده بيعمل معاك كده لازم بجد تبعد
بص ده لو دل على شئ يدل انو مريض نفسي لان الاشخاص الي بيتعامله مع الناس كل شويه بمود ويعملوهم على مزاجهم للاسف بيكونو مرضى وانت مش مطر تستحمل ده وحتى لو كان كويس زمان فالاخر هو اتغير ولازم تبعد عنه
بص انت اولاًلازم تقتنع انو شخص بيغير منك وده ممكن يخليه ياذيك فاي وقت كفايه انو بياذيك نفسيا طلاما ببدخل يكلمك فده سهل اعمله بلوك ومتتعاملش معاه ولو حصل واتكلمتو عرفه انك متحبش ان يبقى ليك صاحب ذيه وانك عايزه يبعد عنك
عاجبني اوي أنه حافظ رد واحد و بغير اخر كلمه😂
حد يعرف اغير اعدادات الابلكشن لي عربي ازي