صديق

لازم كلنا نتعلم سياسة البعد أو الفراق و يمكن دي من اكتر الدروس اللي لازم كله يتعلمها انك تعرف تبعد وقت م الشخص اللي كنت فاكره ملكك طلع كداب أو الصديق اللي كنت فاكره اخوك خاين أو الشخص اللي كنت فاكره ضهرك طلع نصاب ده من أكبر الحلول انك تعرف تبعد عن كل شئ بيأذيك و تقول لنفسك كفايه لحد كده انا أعلي انا احسن انا مستاهلش مش انا اللي خسرت هو اللي خسر وقت م تعرف قيمتك و تبص لنفسك في المرايه هي دي اللحظة اللي هتعرف انك عظمت في ناس كان البعد عنهم اسلم حل ليك

مش من النوع البيحب بكبر المواضيع أو يديها اكبر من حقها بس انهارده كنت في مكان، المكان دا كنت بروحه دايما مع اعز صحابي كان اكتر من اخويا المهم احنا بقالنا سنتين باعدين عن بعض فلما روحت المكان دا (كنت مع ماما) كنت متعصب شوية (و انا اصلا مش بتعصب خالص حرفيا) و كنت بتلفت حواليا خايف الشخص دا يجي أو يبقى موجود (علشان المكان قريب من بيته) و مش مركز في ولا حاجة متوتر شوية و كدا و فوقت اول ما طلعت من المكان و بعدت عنه خالص انا كنت ببعد عن المكان دا خالص بالمنطقه كلها علشان مكنتش عايز افتكر حاجة بس اصريت انهارده أننا نعدي عالمكان يعني علشان اشوف هل فعلا تخطيت ولا لا فانا بعد الحصلي دا مش عارف بس بحاول أوهم نفسي أن أنا اتخطيت، و يمكن يكون الوهم دا حقيقه اصلا و شكرا

كنت في فرح حد من صحابي امبارح و بعد الفرح لقيت ان حد بيبعت لعروسه صاحبي من صحابها البنات ان هي معجبه بيا و ان طول الفرح كانت مركزه معايا و انا اتبعتلي الكلام ده من صاحبي بس انا مش حابب اتعرف عليها انا من النوع اللي بحب يكون في مشاعر متبادله بين الطرفين و اكون عارف الشخص اللي قدامي قبل اي حاجه و اتكلمنا من قبل كده خايف اقول لا اعمل مشكله لصاحبي مع عروسته لان دي صاحبتها الانتيم بس لحد الان بتهرب

انا صاحبي دايما واقف علي حيله ومش بينام حتي بعد عدد ساعات شغل كتير لدرجه انه بيسخن ويعيي، بحاول اهديه وانيمه واقوله كفايه وقفه مفيش بردو بيفضل واقف شغال علي رجله مش بيهدي وانا خلاص تبعت مفروض اعمل اي؟

انا من النوع اللي ما احب اقعد فاضي احب اشغل نفسي بشي استفيد منه علشان ما تجيني الافكار الشيطانيه آخر فتره قعدت اشوف نفسي فاضي نزلت اشتغل مع خويي المصري بالماركت وبدون مقابل اقعد عنده من الساعه ٤ اللين الساعه ١٢ جاني اليوم عطاني ٦٠٠٠ يقولي هذا مرتبك طبعا رفضت آخذه لان انا حابب الشي هذا زعلت منه الصراحه حسسني اني شغال عنده

في موقف بسيط بس دايما بيتقالي من الكل اني قماص واحد صاحبي عزمني في المنطقة عنده شاورما وبيبسي وعصير وكل حاجة وكنا بنطلع فيديو كول مع صخابنا هو بيهزر معايا مطلعني فيديوهات بنتكلم عن الطبخ قالي هبعته ليهم على الجروب قولتله دخلني قالي مينفعش في حاجات مش كويسة وشتايم بالام والاب وانت مش بتقبل شتائم دي قولتلو انت بتهزر معايا هزار او،،سخ قالي مش هينفع ممكن هما هيحكو حاجة شخصية مش عايزينك تعرفها انا هعمل جروب دلوقتي اهو غير ده بيننا احنا التلاتة قولتلو لا فكك بس اللي هو كان عازمني وكده معلقتش قالي يلا نعمل الفيديوهات قولتلو لا طلاما ملكش مزاج تدخلني انا كمان مليش مزاج اتكلم عندي حق ولا اكبر دماغي ؟

جماعه معلش ممكن رأيكوا في حاجة دلوقتي لو بكلم حد و الحد دا انا استأمنتوا على مشكله عندي و حكيتهالوا من باب اني واثق فيه انا حصلي مشكله اني قطعت مع اعز صحابي أو بمعنى أصح هو القطع معايا و بعيدا عن التفاصيل حياتي اتدشملت و إلى آخره فبعد لما حكيت للشخص قالي بس فيها ايه يعني دا انا عديت عادي و كملت حياتي و نجحت و فهمت الشخص دا أن انت كدا بتقلل من الموضوع حتى لو هو قليل من وجهة نظرك بس من وجهة نظري فلا و جه انهارده و هو حكالي موقف يعتبر فراق برضه شخص عزيز، و بعيدا عن التفاصيل برضه كنت بواسيه فقالي لا انت مش فاهم و انت وقفت حياتك لما حصلك الموقف دا أما أنا كملت فدي تاني مره كدا استنيت مش عارف ساعتين قولت ممكن يبقى الشخص دا متعصب أو زعلان جيت دلوقتي بعتله و قولتله أن دي كدا تاني مره و كدا فقالي انت مش فاهمني و مفيش حد هيفهمني فقولت طب ما تفهمني و كتبت الهو بعته و قولت اشرح يلا فهمني فقالي أنا قولت كدا علشان بحبك فقولتله يعني علشان أنا بحبك فاقولك أن فكك من الشخص الفارقك دا و كمل حايتك عادي؟؟ و كنت لسا بكتب اهو دا نفس الاحساس الأنا حسيت بيه بس طبعا انت هتقلل من مشاعري و هتقول إن الموقف دا مش ذي دا فقالي خلاص انا هبعد و ملحقتش ابعتله اخر سطر و عملي بلوك و حاجه اخيره أنا قولت للشخص دا و فهمته أن حياتي مش واقفه و انا بعافر كل يوم اسف اني طولت بس كنت محتاج اتكلم علشان مع كامل احترامي للشخص بس هو ايه الهو بيعمله دا

دايما يرجع لنقطة الصفر مش عارف بعمل في نفسي لية كده ، واحد صاحبي تعبني نفسيا كان كويس معايا اوي بعدها قطع معايا شهر وذلني باسراري زي انه قالي انت معندكش أهل وعايش لوحدك ولما عرف اني عندي ارتكاريا وتعبان قالي جربان بتهرش ورن عليا قالي رد نفسي اشوفك تعبان ودي ابسط حاجة أنا مختصر عشان مطولش رغم كل اللي عمله وبقالنا سنة مشوفناش بعض رشحته للشغل وامبارح خليته يجيلي المنطقة عزمتو على كريب وعصير وبيبسي وشيكولاتة انا مختصر محتاج حد اتكلم معاه أو الوقت يسمح

بتعملوا ايه لما حد يبعد فجأه؟ يعمي تكون بتكلم شخص كل يوم وفحأه يبعد او كان فيه اسباب بس كنت مفكراها مؤقته وانشغال بس لا الوضع مش بيتغير عاتبت مره واتنين ومفيش فايظه اعمل ايه ؟ انا مضايقه من الشخص بس في نفس الوقت واحشني

محتاج حل دلوقتي صحبي الوحيد الي بثق فيه و بعزه و حرفيا هو عارف كده و يمكن بعمل حاجات معاه مستحيل حد يعملها دلوقتي هو فجاه مبقاش يكلمني زي الاول و لما كنا بننزل الجيم كان بيكلمني دلوقتي مبقاش يكلمني و ينزل منغيري و اعرف صدفه و بقيت كل ما اكلمه نعمل حاجه يقولي مش فاضي بس بيعملها مع حد غيري و قبل ما حد يروح يقولي كلمه و اساله هو مش الشخص الي لو سالته في اي او متضايق من نحيتي هيرد او يقول بس هو اخر فتره تصرفاته كانت تقيله من نحيتي و كان المبرر انه مبقاش عنده طاقه ليا عشان شايف اني بتنذف طاقته

عندي واحد صاحبي و كان صاحبي جدا في اولي جامعه و فضلنا اول صحاب جدا و من تاني سنه بدأ يتغير معايا و بقي لما يشوفني في الجامعه يخبي وشه و يتجاهلني و يمشي و يسيبني و اسلوبه معايا لما اعاتبه واتس كان وحش و كان بيقولي انا اتغيرت و ابعد عني و مش عايز اعرفك تاني و لما سألته انا عملتلك ايه يقولي انا معنديش نشكلة شخصية معاك و انا مليش في حوار البيست فريند فا بقوله بس انا دايما بلاقيك ماشي مع صحابك في الجامعه و بتكلم عادي و بتهزر و انا بتعاملني وحش جدا يقولي لا انا بتعامل مع كل الناس نفس المعامله كل دا تاعبني جدا و خنقني لاني اتعلقت بيه جدا بس بعد كدا اكتشفت انه بيعمل مع صحابه اعمال لوطيه في الاول شكيت بس لما واجهته قالي جايز يبقي عندك حق بس بعدها انكر بشدة جدا الفكرة اني معنديش صاحب غيره و حاولت مع ناس كتير بس هو كان اكتر حد بيفهمني و بندمج معاه و عكس اغلب الناس مش شبهي دلوقتي المشكلة اني دمي بيتحرق كل مرة اشوفه في الجامعه و افتكر معاملته معايا و في نفس الوقت اشوفه مع صحابه بيتكلم عادي و بيضحك و بيهزر و بيخرج معاهم و انا بيخبي وشه كل لما يشوفني بقالنا سنه و نص كدا و نفسيا بتعب جدا لما كل مرة يخبي وشه مع العلم انه بيعمل كدا حتي و انا مش بحاول اتعامل معاه مجرد اعدي من جنبه اتعامل ازاي مع احساس الخنقة دا كل مرة بيتجاهلني بالشكل دا حتي و انا بعيد عنه او لما اشوفه صدفه و لما اشوفه مع صحابه بيهزر و بيضحك و انا بيعمل معايا كدا و عايز افهم هو ليه بيخبي وشه و بيتجاهلني و لو افترضنا انه عشان مش عايزني احتك بيه هو و اصحابه عشان معرفش اللي بيعملوه دا فا هو مستمر في كدا حتي بعد ما انا اكتشفت و واجهته يبقي ليه مستمر في تخبية وشه ما انا خلاص عرفت و ازاي هو مش حاسس بالذنب انه بيعاملني كدا بقاله سنه و نص

اصعب حاجه ان مش ان عدوك يخذلك.. اصعب حاجه ان حد يكون قريب منك وهو دا اول واحد يكسرك غدر الصحاب بيوجع علشان انت ما كنتش عامل حسابه ما كنتش حاطط اي حاجه في العلاقه دي غير قلبك. بس الحقيقه ان مش كل حد بيمشي من حياتك هو خسارة في ناس ربنا بيبعدها عنك علشان يحميك مش يعقبك واحنا كمسلمين دنا علمنا ان احنا نبقي اوفياء قال رسول الله صلى الله عليه وسلم اية المنافق ثلاثاذا حدث كذب واذا وعد اخلف واذا اتمنا خان. يعني الخيانه صفه مذمومه مش ضعف منك انك وثقت سيبك بقي من الغدر ده خالص وخليك انت نظيف القلب علشان ربنا شايفك وهيعوضك باللي يستاهلك واللي شبهك

مساء الخير، انا شاب عندي واحد صاحبي كنا اقرب اتنين لبعض ورغي 24 ساعة وكل حاجة وبعدنا وقربنا كتير بس هو إذاني نفسيا جدا جدا جدا وانا متعلق بيه رغم اذيته ليا وكل واحد يقولي انت ازاي لسة مكمل وانا للاسف متعلق ورغم اذيته ليا قاعد بحاول ادخله شغلي واتكلم عليه لمديري واحاول ادخله بيتي انا مجهز الكلام لو حد عنده وقت يسمعني 🫶

انا مش عارف في صديق ليا فريب مني جدا انا عارف انه عاقل جدا و ذكي و شخص كل ما احتار غي حاجه اروح و اسأله ان رأيه غالبا يكون صح بس المشكله اني عرفت انه اخيرا خب بس ازكي اخواته بيحب شخص بيكرهه ايوه كده بيكرهه طبعا صديقي ده شخص محبوب و بسبب كده ليه ناس مش بتحبه مره واحده حب حد من الناس دي المش بتحبه فيهم نفاق اعمل معاه ايه المشكله انه عارف ان الشخص الهو بيخبه بيكرهه كل ما اقوله غلط يقولي ها اغيره اعمل معاه ايه وهل ده شعور طبيعي ام مرض نغسي ناجم عن صدمه خصوصا اني اعرف صديقي ده من زمان و طفولته ماكانتش الطف حاجه

أنا اتأذيت من أقرب الناس ليا صاحبي اللي كنت بعتبره زي أخويا ودخلته بيتي عمل معايا موقف مش ألطف حاجة دلوقتي أنا كلمت حد معين ع شغل ورحت الانترفيو والحمد لله اتقبلت فعرفت من شخص ما إنه راح لصاحب الشغل وفضل يطعن فيا ويقول كلام مش صح لحد ما اترفضت أواجهه ولا أقطع معاه عشان أنا مش طايقك ابص ف وشه

عندي واحد صاحبي عملي اكتر من حاجة بقت مقصرة عليا نفسيا بعد مكنا أقرب اتنين لبعض بعد وقرب ومرة كان كويس جدا معايا ومرة قل مني ومرة قطع معايا شهر ورجع اعتذر الموضوع طويل جدا لو حد عنده وقت لأن الموضوع طويل حابب احكيه

اتعرفت علي ناس كتيرة اوي في حياتي وكلهم طلعوا فيك وفجأة لقيت نفسي لوحدي لكن انا حابب اتعرف علي ناس جديدة واكيد في ناس زيي ملهاش صحاب لكن نضيفة من جوا والله اتصدمت لما لقيت صاحبي اللي بعتبره اخويا واقرب واحد ليا بيبعد من غير مبرر حتي فقررت اعمل صحاب جديدة

هي رسالة طويلة شوية انا عندي واحد صاحبي في اولي جامعة اتعرفت عليه في اول اسبوع جامعه لينا و اتصاحبت عليه و كنا بنتكلم بشكل شبه يومي علي الواتس كتير اوي بس مكنتش بشوفه في الجامعه لانه في جروب مختلف عني و فضلنا اول سنه كلها بنتكلم كتير جدا و كنت اول مرة في حياتي اتصاحب علي حد كدا لاني مكنش عندي صحاب الا نادرا جدا و كان هو صاحبي الوحيد في الجامعه و اللي جذبني فيه انه كان كتير اوي بيبادر معايا و هو اللي يبعتلي الاول و ساعات يتصل بيا و كمان انه كان في بينا كميا و انا شخصيتي بالنسبة لاغلب الشباب مش بلاقي حد شبهي خالص و لا في كيميا هو كان الكلام بينا كان بيجيب بعضه و كنا مرتاحين لبعض و اتعلقت بيه جدا لاني محدش كان بيهتم بيا كدا و شبهي في نفس الوقت بس فجأة في سنه تانيه لقيته ابتدا يتغير و كلامه معايا واتس بقي مش بيبادر الا قليل جدا و حتي في الجامعه بدأت الاحظ اني لما بشوفه كذا مرة الاقيه بيخبي وشه و بدأ يتجاهلني و لما واجهته واتس لان دا مكان تعاملنا الاساسي كان يعقد يقولي انت بيتهيألك و انا مش بتجاهلك و متغيرتش و فضلنا فترة كدا لمدة ست شهور تقريبا و كنت بتخانق معاه لاني لاحظت فعلا انه بيتجاهلني لما يشوفني في الجامعه و بعد كدا بقي يقولي في وسط الخناقات انا مش عايز اعرفك تاني و متبعتليش تاني و اقوله انا عملتلك ايه يقولي انا اتغيرت و مفيش مشكلة شخصية معاك فا بقوله بس انا بشوفك في الجماعه ماشي مع صحابك عادي يقوم يقولي انا بتعامل مع كل الناس زي بعض و المهم دلوقتي في سنه تالته انا شكيت انه بيعمل مع صحابه اللي بيمشي معاهم في الجماعه افعال لوطيه لان حصل كذا تلميح قدامي و كذا حاجه و لما واجهته واتس قام قالي في الاول جايز يبقي عندك حق انا مش شيخ بس بعد كدا انكر بشدة و قالي دي عيوبك و مشاكلك انت و بتحاول تطلعها فيا و كلمني باسلوب وحش جدا و قالي ابعد عني خالص و قولتله دي سكه غلط قعد ينكر و قعد يغلط فيا و يقولي دا انت اللي بتعمل كدا و لما شوفته في الجامعه بعدها بيومين كان باين عليه التوتر جدا هو و صحابه و حتي بعد ما قولتله متقلقوش مني مش هأذي حد فيكو (اقصد مش هفضحكوا و اقول لحد من باب يعني اني استر عليهم) بس دا ميمنعش ان دا حرام و قعدت احذره من ان الموضوع دا كبير كان بيرد عليا بمنتهي القسوة و شوية ينكر و مرة واحدة الأقية يقولي ادعيلي و يقولي متبعتليش تاني و اقوله هو اشمعنا انا اللي ماسك في العلاقة دي يقولي البلوك موجود اهو اعمله طب انا عايز افهم هو ليه ميعملوش هو و خلاص ليه بيقولي اعمله انت مش قادر افهم و في نفس الوقت الاقيه ساعات لما اكون مش باصصله في الجامعه بيبصلي نظرات حزن كدا بس لما عيني تيجي في عينه يبص بعيد او يمشي و لما آجي امشي و هو ماشي و نشوف بعض يبص بعيد او الناحية التانيه و يخبي وشه ساعات او يديني ظهره مع اني كتير قولتله اني بتعب من المعامله بتاعته دي بس هو مستمر انا مش فاهم ايه سر التناقض دا و ازاي هو مش حاسس بالذنب انه بيأذيني بكدا مع اني قولتله كتير ان دا بيأذيني و ايه اصلا هو بيعمل كدا حتي كمان بعد ما قولتله اني فهمت ليه هو مستمر في كدا انا مش فاهم حاجه و كمان انا قلبي بيوجعني لما كل مرة بيعقد يخبي وشه لما يشوفني و يمشي و يسيبني لما كنت بحاول اكلمه و احاول معاه و يعقد يعمل نفسه بيتكلم في التليفون كل ما اشوفه صدفه في الجامعه بس في نفس الوقت بيروح يكلم صحابه التانيين عادي و يهزر معاهم انا بتعب جدا لما بشوف كدا و حتي لما قررت اني ابطل و عملتله بلوك من كل حته هو مستمر برضو في انه بيخبي وشه و الحركات دي و انا بتعب منها حتي مش بيبص قدامه عادي كأنه ميعرفنيش لا دا بيبص الناحيه التانيه كل ما يشوفني بس لما اكون مش ببصله الأقيه بيبصلي دا غير كمان اني متعلق بيه جدا لاني زي ما قولت هو الوحيد اللي حسيته شبهي لاني حاولت مع اغلب الدفعه محدش فيهم كان بيفهمني زيه و الكلام بينا بيروح و يجي عايز حل اتعامل ازاي مع احساسي بالخنقة لما الاقيه بيخبي وشه او بيعمل الحركات دي حتي و احنا مش بنكلم بعض و لما الاقيه بيهزر مع صحابه لما اشوفه في الجامعه صدفه و افتكر انه كان بيعاملني كدا و بيتعامل مع كله عادي من غير ما اعمله حاجه و عايز افهم هو ليه بيبصلي نظرات حزن لما اكون مش شايفه ايه سر التناقض دا؟و ليه كان بيخبي وشه و بيتجاهلني و مازال ؟

أنا عندي صديق كنت بعتبره أقرب حد ليا، كنا دايمًا مع بعض ونسند بعض في كل حاجة. فجأة اكتشفت إنه كان بيتكلم عني بطريقة وحشة قدام ناس تانية، وبيضحك عليا في غيابي. لما واجهته أنكر في الأول، وبعدها قال “كنت بهزر بس”، بس أنا حسيت إن الثقة بينا اتكسرت. دلوقتي أنا محتار… أقطع علاقتي بيه نهائي؟ ولا أدي له فرصة تانية؟

عندي سؤال : هل فعلا الشخص اللي بيبقى صاحبك اوي و بيحصل موقف صغير يخليكم أعداء هل فعلا الشخص ده كان عدوك من البداية بس كان مستني موقف يظهر بيه ده و يشوه سمعتك بين النتس لاني حصل معايا الموقف ده

سؤال للشباب بخصوص الصحاب و كده دلوقتي لو واحد صاحبك كان بيفضل يعام فيك في حاجات و بيحاول يساعدك ف الدنيا و فجاه راح قايلك ان هو تعب معاك و ان صحته هو اولي بيها و ان انت صعب و غبي اوي و مش ناضج و مش عاقل و التعامل معاك بقي صعب و كان بيتكلم جد و كان بيعلمك حاجه راح قالك انا مالي بيك متعلم نفسك و اتعلم انت انا اولي بصحتي هل ده عادي ولا انا مشاعري اتفشخت بجد ؟

أنسيت الهوي؟؟ أم خفت الكلامَ أم أعجبك طول الغِيابَ أم انت سئِمت من العِتابَ أم نحن في مهب الرياحَ أم لم يعجبك شهد الكلامَ أم أن عتابي فيه أغتيابَ أم نحن في الحياة محطاتَ والله إنك اعز الصِحابَ ألا تفهمني أم تخشي الفِهامَ؟؟؟ أم تسمع الكلام من أذنٍ وتخرجهُ من جهه الرِثاءَ لم أعاملك كحبيبٍ بل كصديقٍ نسي الصِحابَ أعاتبك من كل قلبي قائلاً أتفهمني ام ترمي الفؤاد؟؟ أم انت لم تعد لي بحاجةً أم اعتدت شُح السؤالَ إني والله لباقٍ عليك كصديقٍ خليلٍ يريد الكلامَ أهل تعلم انك اقل من تُرسل لي؟!! فأين إذا عهد الصِحابَ إني لا ارتجي منك اهتماما أو أن تعيد ليالينا كما الهوي شاء بل أقول لك ونفسي كسيرةٌ أ تود البقاء أن تفضل الجفاءَ؟؟؟ أتمني ان تفهم كتاب مُحبٍ صادقاً لا يريد فيك الا حميد الخِلال ويا خوفي من أخذك العتاب علي غضبٍ وتقول اغضبني عتابِك يا هذا وان تفعل كما تفعل وتقول انا لست حبيبك فلا تنتظر وِصالاً أعاتبك من كل قلبي في قصيدةٍ مطلعها أ نسيت الهوي أم خِفت الكلام؟؟؟؟ ايه رأيكم؟؟

لو فيه حد انا و هو كنا أصحاب فترة كدة و بعدين مشاعره اتحركت بس انا بطيئة ف الموضوع ده و قبل ما اعرفه كنت اعرف حد كدة بس سبتنا بعض وانا مستحيل ارجع لاني اتأذيت جامد و لقيت اني م بحبه بعد كل ده بس الشخص اللي انا و هو اصحاب كان دائما بيعبر عن مشاعره بشكل صريح زيادة بس انا عارفة أنه طبعا حرام بس برضو خايفة من فكرة أنه يعرف اني معجبة بيه اصلا لا يأذيني نفسيا زي الشخص اللي قبله و اخر مرة رفضت ده منه بشكل اوفر لدرجة اني جرحت كرامته و قالي أنه م عايز مني حاجة تاني و بعد شهور كلمني أو فتح كلام عموما وانا زي اللطخة كدة معرفتش اكمل الكلام😂 المهم أنه بدأ يتقفل مني وانا حاليا واحشني جدا لدرجة أن قلبي. واجعني بجد بس م قادرة اخد اي خطوة تجاهه بس حقيقي حبيته و م عارفة اعمل ايه

استاذه زلابيه احب اقول لحضرتك انك سبت فراغ كبير ومستحيل يااصحبي حد يملاه انشاء الله تشوفي رسالتي مهو ده الوقت الي بتبقي فيه مش كويسه بس احب اقولك اني جنبك وقت ما تحتجيني انتي عارفه هتلقيني فين مهو انا بصرااحه مهنش عليا اعمل الي قولتلك عليه 🤷🏼‍♂️ ربنا معاكي ويوفقك في امتحانك اصبح ويريح بالك وقلبك يا انضف حد عرفته في حياتي 🤍

حاسه مستغربه تفكيري .هحكيلكم و قلولي. هو تعبان دكتوره كاتبله ادويه ويارب تعمل مفعول ميحتجش عمليه.. و بينزل شغله ٧ يرجع العشا بيبقا زهقان و حتي معندوش نت اسبوعين. بيقولي اقترح يعمل ايه علشان يغير موده وكدا انا مش عارفه انتم اي اقراحتكم.. متضايقه علشانه بس انا موقف ده فكرني بصحبتي الكنت مبحبش حتي اشوفها تعبانه او زهقانه لدرجه كتبتلها ليسته حاجات تعملها وكنا عيشره سنين بعدنا وهي خذلتني

اتقالي من شويه لو كان عندك الشخصية دي في بيتكوا مكنتيش هتكلميني جماه صح موت بس بتوجع مووت ( شخص يصاحبني وميحسسنيش اني محتاجه اهتمام من برا ) لو كنت اعرف امثل ده بجد مكانش ده بقي حالي بس بتلاقي نفسك في دوامه سببها تافهه موت

كنت بحاول ابحث عن صديق محترم من نفس سني انا عندي 16 يشاركني نفس اهتمامي في اي نشاط انا بعمله و اهم حاجه يكون محترم مش عارف اجد الصديق ده الس ممكن اعتمد عليه و احكيله حاجه عني و ميستغلش ضعفيي

لو انا عندي تعلق قلق اقدر اتعافي اذاي مع نلسي من غير دكتور محتاج صديق او صديقه يكون جمبي افضفض اللي جوايا ويسمعني من غير ما يعتبني علي اي حاجه يسمع مني بس او اي حد عنده تجربه يفدني او نصيحه ليه

انا شخص معروف في شارعي و حتي الناس في الجامع عارفين مجرد مراهق طيب محترم لكن في نفس الوقت حاسس بالوحدة محدش مهتم يعرفني اكتر كشخص أو حتي كصديق بقيت معتبر ده شئ طبيعي مش علشان انا مقتنع علشان اعرف اعيش طبعا مش قصدي اعترض انا بس مش عارف احدد هل ده عادي ؟

جماعه فيه حد عرفته بسبب الشغل وحرفسا كنا بنتكلم كل يوم بقالنا بتاع خمس شهور بحس اني بغير عليه ساعات وبحب اكلمه بس كل ده واحنا صحاب بس حصل سوؤ تفاهم دلوقتي وبكلمكوا وانا بعيط ومش عارفه ليه بجد ال حصل انه بتصل بيه كذا مره مش بيرد ولما رد رد بطريقه معجبتنيش ف قولتله هكلمك لما تفضي سلام وقفلت قبل مايقول حاجه كده انا قفلت في وشه؟ هو راح قالي شات انا يتقفل في وشي؟ وقالي ادام رديت عليكي وقدرتك وانا مشغول وانت مقدرتنيش وقفلتي في وشي معتش تبعتيلي تاني وانا قولتله ماشي مين غلطان؟ جماعه انا كنت بدأت احس اني معتش ليا شغف ولا طاقه للعلاقات بس هو معاه كل حاجه اتغيرت وبجد حسيت انه جوايا لسه مماتش وبحس

انا قضيت احلى سبع شهور مع احلى بني آدمه حبيتها من قلبي بجد لدرجة اني عملت حاجة انا عارف انها غلط واني سيبت بنت كانت معايا عشان بس اروحلها وكانت مفيهاش غلطه نسيتني كل حاجة كنت بخاف اني اخسرها كانت أكبر مخاوفي كنت معتمد عليها في يومي ودائماً هى جنبي بس جت هى كانت رايحة مصيف السنة اللي فاتت ف عايزه تلبس مايوه وانا قولت تمام بس يبقى شرعي عادي قالتلي لا انا عندي مايوه عادي زي الشرعي بس شورت مش بنطلون ف ساعتها حصلت مشكلة كبيرة وقعدت كتير وبسببها سيبنا بعض وبعد م سيبنا بعض كنا بقينا صحاب يعني بس حصلت خناقة معايا انا واحدة من اعز صاحبتها راحت هى اتكلمت بطريقة مش كويسه في انا غلطت في تربيتها وان روحي انتي خلي ابوكي يربيكي وانا عارف اني غلطان بس كنت مضايق ساعتها وهى بعديها بيوم او في نفس اليوم بعتت ماسدج فيها كلام البنات ده وان لما بنت تكسر بنفسك والكلام ده انا مردتش عليها زي مهى اتكلمت لاني مش بحب الشغل ده وقلبي مكانش مطاوعني اني ارد أصلا وبعد كده حصل بلوكات وما زالت إلى الآن البلوكات موجودة وهى ارتبطت بعد فترة من انفصالنا وانا لحد دلوقتي مش قادر اني احب حد غيرها منكرش اني اعجبت ممكن بكذه بنت بس هى كانت بالنسبالي الاحلى والاساس وانا قعدت كتير عقبال معرفت اتخطى وكان معايا واحد صاحبي كان شاهد على كل ده وكان جنبي بعد م سيبنا بعض و كده وفضل واقف جنبي لحد م بقيت اني عارف اتعايش وانساها فترة كنت بخش من وقت لتاني اكونتاتها انستا ونيك توك اشوفها واطمن عليها من ريبوستاتها اه كنت كتير بطلع موجوع لو كان في ريبوست مش عاجبني زي حب او غيره بس كان عادي هى من شله من تلت أشخاص هى و اتنين تانيين صاحبي اتعرف على واحدة منهم عن طريق جروب انا عملته وارتبط بيها والتالته كان دايما في خناق بيني وبينها وصاحبي ساب البنت ديه ورجعوا تاني مرتين ولا تلاته بس هما لسه سوه إلى الآن انهاردة صاحبي اللي كان جنبي في كل ده قالي انا خارج انا و كذه اللي هى البنت بتاعته انا قولتله تمام يحبيبي انبسطت وفرحتله اتفاجئ أنه واخد واحد صاحبنا معاه قولت عادي يمكن صاحبته مش عايزه اني اجي عشان مهما كان انا الاكس بتاع صاحبتها وعشان صاحبتها متزعلش منها صاحبنا يكلمني يقولي انا عايز الكوتش كذه بتاعك عشان رايح معاه وكده قولتله تمام يحبيبي اتفضل كل ده وانا في دماغي أن صاحبي هيخلي صاحبته تجيب صاحبتها عشان صاحبنا اتفاجئ انهاردة أن الشلة التلاته كانت موجودة اللي هى الاكس وصاحبة صاحبي والبنت التالته مع صاحبي و صاحبنا التالت اللي هو عزيز علينا برضه بس محضرش حاجة يعني انا اعرفه من حضانه بس مكناش قريبين من بعض اوي لحد من قريب و دلوقتي هو يعتبر اقرب منه عني بعد كل اللي كنا فيه سوه والمشكلة أن ده حصل من غير ذنبي يعني انا مقصرتش معاه ك اخ و صاحب عشان يخلي بعد كل ده حد تاني اقرب ليه عني وديه يمكن وجعاني اكتر حاجة اكتر من الخروجه وكل ده فكرة أنك تبدلني ب أفعالك ديه وحشة انك تقول لا انت وانت وتعمل عكس ده ف انت كده بتكسرني اكتر من اي حاجة لانك فاهمني كويس جدا اكتر من اي حد ف هما خرجوا و كل حاجة وانا لما شوفت الصور على الاستوريهات حسيت اني قلبي اتكسر مية حتة وحسيت اني موجوع جامد اوي وان المفروض صاحبي يراعيني ويراعي مشاعري ولا سألته أصلا قولتله ايه ده كذه كانت معاكو قالي اه لقيتها جت قولتله ماشي معرفتش اقول ايه وانا من جوايا زعلت جامد منه وحسيت بكسره وانا اساسا مع كل اللي حصل انا بحبها جدآ ومش قادر بس بحس اني كرامتي تمنعني اني اكلمها بعد الفترة ديه كلها وأنها عاشت من بعدي عادي انا بنصح الكل واجي عندي ومقدرش اني اتكلم انا بجد موجوع انا بجد محتاج النصيحة ومحتاج اعرف اعمل ايه

بوست مهم و بجد محتاج كل راي حتي لو نفس رايك اتكتب بس هيفرق انا ليا واحد صحبي يعز عليا اوي انا و هو 23 سنه يعني مش عيال في فرق نضج واضح هو ناضج اوي و شاف اكتر مني و انا بالنسباله مشوفتش حاجه اوي و احنا صحاب بقالنا سنه و نص بس بقينا قريبين نيك لبعض فا المهم ان انا لو قاعد مع حد انا حرفيا مش ببطل شكر فيه و قد اي هو مغيرلي حياتي و حرفيا مبعرفش سيرته تيجي قدامي غير لما اخلي الي قدامي يستغرب ان في شخص كامل كده و برضو ممكن اتضايق لو مثلا لقيته نازل مع حد من صحابنا احنا الاتنين و مقليش مثلا فا ممكن اتخنق منه و بسبب الحوار ده بقيت اخاف الناس تفهمنا غلط او الحاجات بتاعت الجيل ده عشان الوضع بقي صعب و في نفس الوقت خايف من كتر النفخ فيه يفرقع في وشي و يزهق و يبدا يبعد واحده واحده فا هل الي بعمله ده عادي اي صحاب اتنين قريبين من بعض بيعملوه ولا انا محتاج اراجع نفسي ؟

اخر فتره بقيت لوحدي حرفيا لدرجه اني بقيت بهرب للشغل عشان انسي ومقعدش لوحدي معتش حد في حياتي و بقيت لوحدي شاب لسا عنده ٢١ سنه حياته كلها معطله ومش عارف يعمل اي عمتا حابب افضفض مع حد ونبقا صحاب

انا كنت صديقة لشخص وكان عزيز عليا مرة كثير وكنا نحكي ونتكلم وكنا مرة قراب بس تركنا مانحكي مدة بعدين رجعنا صح نحنا كنا رفقة بس بنحس في اشي يعني بيناتنا انا هيك كنت حس من الكلام بس ما بعرف وبعدين كان معي في السناب وكنا نحكي نحكي فجا بطلنا نحكي شي يمكن شهر بعدين محاني منو ماصار في تواصل ابدا حتا في الحياة الواقعية لما نلتقي صدف ما يسلم ويحكي وانا هاد الشي كثير مدايقني واشتقتلو الصراحة ومش عرفانة ليش يعمل هيك بدي رايكم 🤷🏻‍♀️

اخواتى وحبايبى اللى فضهرى انا قعدت مع صاحبى فسكن من يومين بالظبط دا تالت يوم ليا هو قاعد فشقه ملكه مش بيدفع ايجار ورافض كل الرفض ياخد اى ايجار منى حاولت معاه بكل الطرق ورافض تماما اقدر اعمل اى اعوض بيه دا عشان محسش انى متقل عليه ( ممكن ادفع باقه النت والكهربا ) اقدر اعمل اى تانى ؟

محتاج اخرج من موضوع الانطوائية ده و يبقي عندى صاحب حتى يسمعني و نتكلم مع بعض لانه انا وحيد و جربت كل الطرق و مش لاقي حد محترم نبقي اصحاب و كده هل فى حل للموضوع ده ياريت لو حد يقدر يساعدنى بعد اذنكم ؟؟

انا و واحد كنا مرتبطين وهو قدي ومعايا ف معظم الدروس وهو شغال ف كافيه وبيخلص شغل الساعه سته الصبح المهم كان فالشغل وبيكلمني و قالي معايا اوردر ثواني وهكلمك فضلت مستنياه لحد سته ونص الصبح ومكلمنيش نمت تاني يوم الساعه تمانيه بليل قالي مبتساليش ليه قولتلو هو مش انت الراجل ولا ايه يعني مش فاهمه انت المفروض الي تسال عليا قالي شكرا وسكت بعدها بيوم عملي بلوك المهم رنيت عليه بعد الدرس عشان يجي ياخد الحجات الي هو جايبهالي ف كان واقف وسط صحابو بس كان قدامي ومكنتش شيفاه ف اول م رد قالي هو في بينا حاجه عشان اجي اقابلك قولتلو تعالى مش هخطفك وانا كل ده فكراه لوحدو مش وسط صحابو وصحابو عمالين يبصو عليا انا وهو يضحكو وبعدين فضل يقولي انا مش هاخد الحجات الي جبتهالك وانتي قولتيلي انا مش راجل وكده حاولت افهمو أني مش بنفي انو مش راجل انا كنت بسالو عشان متعصبه من الي هو عملو بس مرضاش يسمع مني وبعدين لقيت صحبتي بتقولي صحابو عمالين يبصو عليكو ويضحكو وانا مكنتش شيفاهم اصلا لو كنت شيفاهم كنت هزقتهم كلهم ومشيت عشان كده هو خد لقطه علي حسابي انا لأن محدش من الدفعه قدر يكلمني أو قدر ياخد نظره مني وفمره كنت معديه من جمب شله ولاد لقيت واحد بيشاور عليا والتاني وشوشو ف ودنو راح قالو ايههه دي كانت بتكلم فلان ابن فلان زي الي هو بيتريق عليه وكده بس انا مبصتلهمش حتى ومشيت قولولي دلوقتي تنصحوني ب ايه اروح اهزقو ولا خلاص اسيبو كده معلومه بس هو قالي انو مش عايز يعرف حد عشان سمعتي وكده وهو اصلا متدين شويه وكان كويس معايا اوي ف اني اعرف بالصدفه أن في ناس تعرف اني كنت بكلمو دي حاجه غريبه شويه

اتمنى ان اجدك مرة اخرى لو ترى منشوري الان 😊 افضل صديق 🫰شكرا على استماعك لي لا اعرف ما سيجلب مستقبل لاكنك شخص راىع يا عمر و لم اكن لاجد شخض مستمع افضل منك .هناك اشخاص مستعدون ليستمعو لك بلا مقابل . انهم ملاىكة

يا نهار أبيض دي قصة عجيبة.. أول مرة عرفت يعني ايه اكتئاب كان عندي 22 سنة لما تعرضت لخيانة بشعة من أول حب في حياتي.. خانتني مع صديقي ولما اكتشفت دا حسيت إحساس كان أول مرة أحسه، حسيت إني بتعامل مع العالم من جوا غرفة زجاجية كدا سامعهم وشايفهم بس انا في مكان مختلف عنهم، بالظبط بالظبط زي ما يكون فيه قزاز شفاف حاجز بينا.. بعد كدا عرفت ان دا بسبب الصدمة العنيفة النفس بتعمل كدا كرد فعل وقائي.. بس ساعتها طبعا ما كنتش عارف.. قعدت كدا عشر شهور باكل وبشرب وبنزل الشغل وبتعامل مع الناس بس أنا مش موجود كل حاجة حواليا عادي والناس عاديين والحاجات اللي بعملها بتتعمل عادي بس انا فعلا مش موجود.. اللي هو مش مثلا بعمل الحاجة وانا مش حاسس بيها أو بتعامل من غير مشاعر، لا أنا حرفيا مش موجود أصلا ما جيتش.. عرفت بقى بعد كدا وقريت عن الحاجات دي وذاكرت علم نفس كويس والحمد لله فهمت.. بس فعلا حاجة صعبة وإحساس ربنا ما يكتبه على حد يارب

يجدعان انا الاسوء حياتي سيئة وفقط اريد الحديث قبل 16 يوم قابلت هنا شخص لطيف وتكلمت معه حول كلشيء واي شيء لكن من لا سبب بلكني مو هنا النقطة النقطة هي اتمنى اجد شخص اتكلم معه فعلاً بجد انا زعلان

صباح الفل مبدئيا اسف اني هطول والكلام طويل اوي من 2000 كلمة وبعتذر لاني تعبان نفسيا اوي ومحتاج اللي يسمعني البوست نفسه مش هيقبل القصة كلها عشان كده هحط جزء هنا وجزء في الكومنتات. ليا واحد صاحبي اقسم بالله كان اكتر من أخ وكان بينا رغي بطريقة مش طبيعية يعني هو قبل الشغل يتصل من اول ميطلع من باب البيت لحد ميوصل وفي الشغل يتصل وبعدها يتصل وانا في شغلي برضو نفس القصة ولو راح يجيب حاجة وهو في الطريق يتصل ده غير الشات طول اليوم. بداية معرفتي بيه كانت خناقة وقال عليا اسوء كلام في الشغل قدام كل الناس في الجروب بسبب انه عايزني اغير من طريقة شغلي وانا مش مقتنع بوجهة نظرو عمل كده بعدها كان بيحاول يقرب وانا اصد وهو يقرب لحد متصاحبنا. وقت الامتحانات عندي كان ناقص مادة اشيلها واعيد السنة كنت مرعوب اقسم بالله كان عارف مواعيد الامتحان وكان يتصل بيا قبل منزل من البيت ومرة في القطر ومرة قبل وبعد اللجنة فبقى في قرب بينا مش طبيعي والكلام مكانش بيخلص الا لما حد ينام ولو حد زعلني أو زعلو كنا بناخد موقف معاه وممكن نقاطعه والله كان بيتصل بيا يقولي يعني اية انت متسألش انا شيفت امتى بكره او لية مكلمتنيش غير مرتين بس النهارده لدرجة اني قاعد بقلب في الشات مستغرب من كلامي معاه دلوقتي ازاي وكان زمان ازاي. بعد كل ده بدأ يتغير معايا فترة بدون اي سبب ولا مقدمات انا كنت بعزه جدا جدا لدرجة أن أمي كانت تقولي ابقى اعزمه في البيت بما أنه قريب منك للدرجة دي. زي مقولت في يوم وليلة اتغير 180 درجة نهائي ومن غير اي سبب جه في يوم قالي تعالى جيم بيس لعبت معاه عادي على الموبايل لاقيتو قاعد متعصب قولتلو مالك قالي مرهق فضل بعدها يرد على قد الكلمة وقالي اشغل نفسك بحاجة غيري وقطع معايا 3 ايام بعد مكنا 24 ساعة رغي فون وشات ومكنتش متخيل أنه يعمل كده. ولما اتكلم قالي بعدها بيس ومفتحش كلام وقولتله احنا على طول مع بعض واكتر من أخوات ازاي تتغير كده معايا قالي عشان مخك صغير قولتلوا يبني عيب لما تقول كده لو حصل مني حاجة وحشة قولي انت طلع منك واحد اتنين تلاتة قالي ولا اي حاجة هو كده. فضل بعدها فترة يرجع زي زمان من رغي ومرة يكلمني وحش لدرجة أنه اتصل الفجر قالي اقسم بالله العظيم بكرهك وعمري محبيتك قولتلوا يبني انت ازاي متغير كده قالي عشان مش عايز اكلمك قولتلو انت حر بعدها اتكلم وقالي متيجي نخرج قولتلو ماشي يخويا جابلي حواوشي وانا جبتلو من بلبن وقعدنا على القهوة قولتلو عرفني انت بقيت متغير كده لية ده احنا كنا اقرب اتنين لبعض واللي بينا مكانش قليل انت عملت معايا اللي معملوش اخويا ودلوقتي انت حد تاني راح قالي انت ازاي تدفع انت بلبن قولتلو انت قايلي أن عندك التزامات ومع ذلك جايبني نخرج فطبيعي مخليكش تدفع حاجة انت وراك انا الحمد لله معايا فلوس بابا وماما بيدوني مصروف غير اني شغال في مكانين واصلا عايش لوحدي بيفيض مني كل شهر ومش عايز اكلفك راح قالي يالا تكلف أية انت موبايلك وحش وانا معايا ايفون ا وقعد يقولي على أسرار ليا انا زعلت وقلبت وشي قالي عايز تع*يط عادي معنديش مشكلة وفتحت شنطة بلبن قالي في اية ياض انت مح**روم للدرجادي قولتلو متكلمني عدل بقى قالي هو ده اللي عندي انت عيل مت**وحد اصلا قولتلو هو انت زعلان وكل ده عشان أنا اللي دفعت قالي اه هو كده بعدها كان المفروض اروح 11 ونص عشان المترو لاقيتو 10 ونص بيقولي يلا نقوم انا مش قادر وفي وسط الطريق قالي مش عايز اعرفك تاني ولا تكلمني قولتلو انا يكررها عيب يا ابني كده والله قالي انا حر فركبت المترو وانا مش مصدق ازاي الشخص اللي كنا اقرب اتنين ورغي 24 ساعة بقينا كده وعشان مكونش غلطان بعتلو رسالة قولتلو اسف حط قلب وسكت وبعدها قطع شهر بعد القطع شهر كلمته اعرف منه الاسباب كلمني وحش جدا جدا عملتله بلوك راح اتصل كتير جدا وقالي فكه ده انت انسان مريض رفضت وفكيته من نفسي بعد اسبوعين وقعد يعتذر وسكت وبعد اسبوع قالي أنه ساب الشغل وعيط فيه واتخصمله وكلمتو على القد وقولت لمديري في الشغل ده أشطر مني هاتوا وقالي هحاول وبعدها قالي أنه نازل مكان تاني ولو المكان اللي أنا اتكلمت فيه هيجيبو هيشتغل الاتنين مع بعض، لاقيته بعدها كان بيطلب مساعدة في شغل اني امسكله سيستم وكده وكنت بوافق عادي وهو كان بيكون عنده امتحان أو حاجة وطلبت منه رقم شخص هو كلمه عشان اطلب منه حاجة في حدود الشغل راح قالي "يلا ياض من هنا بطل صياح ومش هديك حاجة" وقطع معايا اسبوعين كاملين وبعدها طلب مني مساعدة في الشغل كلمتو بنفس الأسلوب راح شتمني وقفل في وشي. في الفترتين اللي قطع معايا فيهم، اخويا خطب وهو اختفى وكان قاطع معايا، وقعت في قلب الشقة وأغمى عليا لأني عايش لوحدي وقومت من نفسي وهو معرفش اي حاجة غير بعدها دكتورة مادة معينة زعقتلي في الفون وبسببها قعدت اعيط وسافرت يومين ورا بعض مكلتش لقمة فيهم ودخلت البيت عيطت وخدت إجازة من شغلي ومعرفش لانه كان قاطع معايا، جالي ارتكاريا وعرف بعدها بفترة لما رجع واتصل تاني بعد امتحان وقالي صوتك متغير قولتلو تعبان عندي كذا وكذا ولاقيتو قالي انت جربان قاعد بتهرش واتصل بيا مردتش قالي عشان خاطري رد انا نفسي اوي اشوفك وانت بتهرش وبتتوجع وشديت معاه قالي بهزر ده انت نكدي ومقرف وبقى بعدها يسأل عادي على تعبان عندي اية. جيت في رمضان قولت لنفسي يا واد خليك كويس واعمل بأصلك قولتلو انا بحكي لامي كتير عنك انك اخويا وحبيبي تعالا البيت اعرفك عليهم هي واخويا وتفطر قالي اشمعنا البيت هو انت شايفني جعان؟؟ وانا مش هخش بيوت ده انت بعيد عني ساعة ونص قولتلو انا جيت لك مرتين عشان متزعلش عاملني بالمثل قالي مفيش مثل ومش جاي في حتة وبطل صداع لاني مش بدخل بيوت انت لو ساكن جنبي هخش بيتك غير كده لا ولاقيتو جاي يكلمني يقولي كنت سهران مع صحابي في الوقفة وقعدو يشربوا خش*يش وخمو**ر وانا فيب بس رغم انه كان ممكن يجي يقعد عندي وياكل وبعيد عن القرف ده برضو وهو كان فاضي وانا فاضي.

انا في سكن جامعي ومعايا صاحبي في السكن وبيقعد يكلم بنات كتير ويشغل tiktok بصوت عالي وانا كل ما اكلمه يقعد يضربني ويشتمني ومش عارف اعمل اي بجد معاه وهو بيشرب سجاير ومش بيذاكر خالص وجيب جيد جدا بالغش واقوله علطول الغش حرام يقولي ملكش دعوه انصحوني بليز ومش

مش عارف ابدأ منين بس انا صُحبتي شبه معدومة او ب الأصح يُقال عليهم زملاء دراسة يكفي اني دلوقتي قاعد من الميدترم و في البيت ممكن تفهموني اني مقصر بس الظروف اللي مريت بيها تهدم الجبل ف انا لجأت للبرنامج دا نظرا لعدم وجود اصدقاء ليا اسولف معاهم و حتي عندي صحابي اتنين سوشيال بحبهم و بيحبوني اوووي بس همه احيانا بينشغلوا مع صحابهم برضو ف انا عايز حد اشارك معاه وقتي و يومي ممكن تفهموا تقولوا اي العبط دا بس كلنا لجأنا للبرنامج دا علشان فيه حاجات كتير مينفعش تتحكي برا البرنامج

أنا عندي 21 سنة وبحس بجفاف عاطفي جامد جدًا، فوق الطبيعي بكتير حياتي الاجتماعية شبه معدومة، عندي صحاب بس بنخرج بالعافية مرة كل شهرين أو تلاتة، فباقي الوقت أنا لوحدي. أمي منفصلة عن ابويا وأنا عندي سنتين، وده خلاني متعود أقعد لوحدي أغلب الوقت حتى في رمضان 2025 قضيته لوحدي2026 كنت هقضيه لوحدي بس امي مكانتش شغالة وقعدت عمري ما دخلت علاقة حقيقية، وكل تعاملي مع البنات في حدود الشغل بس، وكمان بيبقوا أكبر مني بخمس سنين على الأقل، غير إن شغلي في الكورة تقريبًا رجالة (حوالي 95٪)، فمفيش فرصة أصلاً أتعرف على حد غير الرجالة عندي معارف كتير جدًا، موبايلي فيه أكتر من 2000 رقم، بس كله شغل أو مصالح مفيش حد أقدر أتكلم معاه براحتي أو أحكيله عن مشاعري أو يومي يعني لو احتجت حد في شغل هلاقي، بس لو محتاج أفضفض… مفيش. ببقى محتاج اهتمام جدًا، نفسي ألاقي حد أشاركه تفاصيل يومي، أحكيله اللي مضايقني، نهزر ونضحك سوا… بس ده مش موجود في حياتي خالص. لما بعمل حاجة مهمة زي تحاليل أو حتى يوم عادي، ببقى نفسي في حد أكلمه فيديو كول وأحكيله، بس مفيش الأوبشن ده عندي. كلمة “بحبك” أنا تقريبًا اتحرمت منها، ومحتاج الحنية والاهتمام بشكل كبير جدًا. عيد ميلادي بيعدي عادي، شوية “كل سنة وإنت طيب” وخلاص، ممكن هدية من أمي بس… مفيش إحساس إن في حد مهتم أو فاكرني بجد. بحس دايمًا إني لوحدي، ممكن أسافر وأرجع ومحدش يسأل عليا. موبايلي أغلبه شغل، وممكن أيام تعدي من غير رسالة واحدة شخصية كلها رسائل شغل جربت قبل كده أدخل في علاقات معرفتش من الناحية المادية الحمد لله مرتاح شوية، بدخل حوالي 8000 جنيه ومش بصرف كتير لان معنديش التزامات والأكل والشرب في البيت بس الفلوس مش معوضاني عن الإحساس اللي جوايا بصراحة أنا تعبت… ساعات بعيط لوحدي بالليل، نفسي ألاقي حد في حياتي يهتم بيا، يسأل عليا، يشاركني يومي… نفسي ألاقي شريكة حياة بجد، بس مش لاقي، خصوصًا إن كل شغلي رجالة.

بتأذي جدا لما حد يبعدني ويقربني بمزاجه شوية يخليني كل حاجة وشوية يخليني ولا حاجة شوية صديق وشوية اخ وشوية غريب اتعاملت مع ده اني بعدت بقيت بارد معاها وهي برضو مش بتحس وبلقح عليها احيانا وبرضو بتعملي ليكات مثلا على الاستوري أو كدة

لو ليا واحد صاحبي قولتلو مرة تعالى اعزمك في البيت أنا بحكي لماما عنك تحب تاكل اية قالي وهو انت شايفني جعان؟؟؟ ومرة قالي مش معايا فلوس قولتلو عايز كام قالي هو انت شايفني شحات؟؟؟ ومرة من 7 شهور جبتله حاجة من بلبن قالي وحشة وانت لية تدفع انا معايا اكتر مش كفاية معاك اندرويد وانا معايا ايفون؟ ومرة اتصل بيا بعد امتحان قالي طمني عليك قولتلو الأمور تمام بس انا تعبان قالي مالك قولتلو عندي ارتكاريا وتعبان اوي وباخد 7 أدوية ومعدتي واجعاني من كتر الأدوية راح قالي جربان يعني وقاعد بتهرش انا فرحان فيك اوي وانت بتهرش وشديت معاه جامد قالي بهزر ولا انت هتقف على الواحدة؟ ومرة تانية اتصل بيا يرغي قالي انا رايح بيت جدي قولتلو كويس قالي وانت هتعمل ايه قولتلو ولا حاجة قالي اكيد في البيت لوحدك لانك متوحد أو هتسهر على القهوة للفجر لأن ملكش أهل يسألو عليك زعقتله قالي انت بقيت مقرف وبتقف على الواحدة، هل كل ده طبيعي؟

عندي واحد صاحبي اوقات كتير بيروحني معاه من الشغل بما انه معاه عربية وانا بيتي في طريقه واحنا بنخلص شغل اغلب الوقت متأخر فانا عايز اعزمه على حاجة او اجيبله هدية بس مش عايز حاجة شكلها بايخ او مصطنعة يعني عشان بحس اني كرينج بالحاجات ديه اي اقتراحات؟

السلام عليكم انا عمتا لسه جديد في البرنامج بس حبيت اقول حاجة واخد رائيكم فيها انا من النوع اللي لو صاحبتك بكون معاك زي الاخ وهزار وكده بس من فترة صاحبت حد وكل هزاره بيبقي شتايم وكده فاتجنبته وبحاول ابعد وهو بيحاول يقرب فا معرفش اعمل اي وده زميلي في الجامعه. والسلام ختام

يا جماعه المفروض اتعامل ازاي مع احساس الوحده انا حاسس اني لوحدي اوي ونفسي يبقا عندي صحاب بجد وياريت لو جروب ونخاف علي بعض ونبقا سند لبعض ونطمن بعض ياريت لو حد حاسس بنفس الي انا فيه ده يقولي اهو نلحق بعض

انا عديت بموقف كدا كنت حابب اشركو معاكو انا بيا اصدقاء كتير في الجامعة و منهم صحبي و اخويا كنا مع بعض في كل حاجة بس كان فية تصرف انا مكنتش بحبة و مستحرمة الصراحة صحبي دا بيروح يقول لزميلنا المسيحي انت كافر في وشة علطول و يعك في كلام كتير حاجة زي كدا من وجهة نظري شيفها غلط كبير اوي علشان كدا هو بيشوة صورة الاسلام او بالمعني الاصح بيخلي اي حد ياخد فكرة عننا وحشة نصحتة كتير و قولتلة غلط اللي انت بتعملة دا مش انت اللي تكفر و تحلل انت مش رجل دين حتة رجالالدين ملهمش صلاحية يعملو حاجة زي كدا و يوم لما شديت معاة علشان افهمة غلطة و علشان ميوقعش في مشاكل بعد كدا قالي كلكو اساسا مش مسلمين و كفار و انا بحكم العيش و الملح مردتش احطة في مشكلة و سيبتة اية رأيكو في شخص زي كدا

ليه واحدة فجأه تقرر تسيب حد كانت بتحبه و كمان عاوزه يتقبل فكره انهم يبقوا صحاب بس و يتعمل عادي بجد والله انا حتا معرفش عملت ايه عشان دا يحصل و اكلم الي حوليا عن الي حصل يقولولي حاجات زي خلاص محصلش حاجه ركز في حياتك و لا أكن فيه حاجه حصلت

السلام عليكم يا جماعه بحس ان في المجتمع في اي دوله الاخلاق الحلوه بقت بتخلي صاحبها الناس الي في سنه مش عارفه تتعامل معاه و مش لاقي حد عنده اخلاق ولا طموح حلو مش لاقي صديق يحتويني يسال عليا

انا حد بيحب الهزار جدا ودمي خفيف وعندي قبول الحمدلله .. ذوقي في الكوميديا مش منتشر الكل بيمشي ورا الترند واي حاجه مشهوره لكن انا بحب حاجات من اللي هي اعماق الريلزات دي .. المهممم انا طبيعي محتاج حد يونسني في حياتي من بيست فريند او صاحبة او اي حد يفهمني وانا التواصل بيني وبين اي حد الكوميديا اللي محدش فاهم دماغي فيها اصلا . هو حوار تافهه عارف بس بجد انا محتاج حد مريض نفسي في الكوميديا زيي 😞💔

مليش حد ف العلاقات لدرجه ان لما قربت الاقي حد يشبهلي اتكلم معاه شويه التطبيق دا قام حاظر الشات 🥲 ....................................................

انا كنتواحد عادي والله و ملوش في الارتباطات و الحجات دي بس جه واحد صحبي و كنت بعزه اوي طلب اني ارجعه للاكس بتاعته اكسه كان عندها صاحبه فبعتلها من اكونت فيك من باب اساعد الولد و حاولنا نرجع الامور و نرحع الميه لمجاريها بس معرفناش المهم انا و البنت دي اتكلمنا صدفه والله بعد ما الحوار كان اتنهى و عرفت انا مين بعديها المهم اتكلمنا كتير اوي و كان الحوار عاجبني الي هو اللع اهتمام و هي كانت بترتبط كتير غالبا بس مكنتش مستوعب دا بعد فتره و اخنا بنتكلم حبيتها بعد مواقف كتير محرجه سببتهالي و خلت شكلي عبيط فيها و ارتبطنا فضلنا حبه مع بعض بس كنت بحس ان فيه اهتمام منها ناحيه الاكس بتاعها بس تلاتشيته المهم اني اكتشفت بالصدفه بردو انها شاتمه عليا مت صحابها و متريقه و وخداني لعب ر بتاع متردتش اني ابلكها و عملت دا و كنت مجروح جدا ساعتها فضلت تحارل انها ترجع و انا ضعفت و رجعت بعديها بفتره و بحبها اكتر من الاول حسيت انها بتسلك و شكيت دخلت اختبرتها من اكونت فيك و دا غلط بس لقيتها بتستجيب عديت الحوار و خلاص قولت هاحي على نفسي ان شتء الله تتغير فنفس الوقت دا صاحبي الي كان سبب اني اتعرف عليها اذاني جامد و اتكلم عليا و حوار هيا قربتلي من الحته دي و عرفت ترجعلي تاني قضينا فتره كبيره حب برضو و راحت شتمتني عند صحبتها و الكلام وصلي بس انا كملت معاها عشان بحبها و باعتني و حطتني في مشاكل مع ناس في حوارات تاليف منها و كملت عشان بحبها لغايه ما اكونت غريب لقيته باعتبي اسكرينات و هي بتقول انها لسا بتحب الاكس و انها قد اي بتكرهني و زهقت مني ساعتها انسحي و كان لازم دا يحصل و بلكتها حاولت كتير اوي ترجعلي انا كنت رافض بس حاولت تبقا صحبتي و بعديها اكتشفت انها بتكلم واحد صاحبي من اكونت فيك هنا انا دا كان بعد وقت قصير اوي من بعد ما رجعنا نتكلم قطعت فتره و رجعت تكلمني تاني و كلمتها و حقيقي كنت بعاملها وحش اوي اوي بس قبلت دا بس انا كنت اتاذيت نفسيا منها و من شخصيتي الي بقت في الارض لمجرد اني بحب ظهر صاحبي الجديد الي كان كله بيقول عليه لا و انا كنت قابله حكيتله كل اسراري و كل حاجه و دخلته في حوارات مهمه اوي بالنسبالي صاحبي دا اكتشفت انو دخل كلمها بدون علمي على اساس انه عايز يرةعنا و عرفني دا متاخر و قولتله اني م شعايز دا اكتشفت بعد فتره انهم لسا بيتكلموا و لما عرف اني عرفت جه قالي هنرتبط انا و هيا و بتاع و بتعاملني حلو و انت بتحور ف انا سبته و صاحبي دا كان بيكدب كتير اوي و راخ قالها كلام كلو اذى ليا و يوديني فداهيه و هو مش حقيقي و هيا بلكتني و انا بقيت لوحدي عارف اني غلط افكر كذا و الحوار كلو غلط بس انا تعبت

حاسس انى وحيد جدا ومليش حد افرح معاه او ازعل معاه او حتى اتخانق معاه حرفيا الوحده اكلتنى وبقيت حاسس انى هعيش وهم وت لوحدى يعنى كان نفسي يبقى ليا اهل يحبونى ونتجمع كل فترة ونقضى يوم مع بعض كان نفسي يبقى ليا صحاب ونخرج نفطر مع بعض او نتسحر مع بعض ولكن يبدو انه كتب على قلبى الوحده والفراق

انت مش فاهم انتوا رجعتوا بس احنا مرجعناش انتوا رجعتوا حبايب يعني بقا فيه بحبك ووحشتيني واول صباح الخير ياحبيبتي واخر تصبحي على خير ياروحي وشكلك حلو اوي النهارده وخليني اشوفك عشان وحشتيني ومشاعر اكتر بكتير وغيرتك عليها وغيرتها عليك وحااجات كتير عمرك مهتفهم انا جوايا اي بس انا معاكي انتي وبنتكلم كتير بردوا مش فاهم احنا بس رجعنا اصحاب يعني ازيك وعامله اي وبس، بيبقا جوايا اقولك وحشتني ومبقدرش اقولها وحتى لما بقولها مش بلاقي عليها رد دا حتى الريأكت عندي بقا 👍🏻 او🤍 انما طبعاً عندها غير عارفه هيتقال انا تافهه وعقلي صغير بس انا قولتهالك قبل كدا هي دي انا ودي طريقة حبي اصلا انا عارفه ان كلامي مفيهوش فايدة ومش هيصلح حاجه انا بس عيزاك تعرف اني كنت متعشمه فيك اوي😭💔 شوفت الفرق بقا