السلام عليكم انا ليا واحده صاحبتي اتعرفت عليها في تالته اعدادي المهم في اولي وتانيه ثانوي كانت بتسألني في الامتحانات وبديها الاجابات عادي بس هي بقت بتشوفها حق مكتسب ودي حاجه بدأت تقرفني لان في تانيه ثانوي كان بيبقي نماذج نفس الاسئلة بس متلغبطه اما المقالي مختلف ف لقيتها بتقولي بدلي الورقة بقولها ورقة ايه بتقولي ورقة المقالي حليلي بتاعي وزعلت مني اني مرضتش احللها انا اصلا مكنتش لسه لا خلصت الاختياري اللي في التاب ولا المقالي عشان احللها وهي اصلا مبتذاكرش وزادت فيها انا والله عادية مش اللي هو دحيحة ولو حد طلب من سؤال وانا حلاه بقوله عليه عادي بس هي بتطلب الامتحان كله وبحللها المقالي كمان كأني داخله امتحن مرتين ومره كنت قولتلها لا دخلت برقم اخوها الصغير وبعتت لنفسها علي الواتس وبتقول لنفسها ان انا مصحباها مصلحة وبتحذرها مني المهم اني عرفت انه رقم اخوها انها كانت لما موبايلها باظ بتكلمني من رقم اخوها ف لما بعت الاسكرين دخلت اسيرش علي الرقم لقيته متسجل ب اسم اخوها ده فدخلت علي الواتس لقيته نفس الرقم ومعرفش هي ليه عملت كده لحد الان المهم ان السنادي انا تالته ثانوي وامتحاناتي خلاص كمان 11 يوم وهي علطول بتبقي ورايا في اللجنة فمردش عليها لو سألتني ولا اعمل ايه عشان انا بتشتت اوي وخايفه اتشتت واتوتر ومعرفش احل وشكرا واسفه جدا لو طولت🙏🏻💗
شكلها بنت مش كويسة هي مش هتفيدك لو انتي جبتي درجة مش كويسة عرفيها انك هتحلي الاول و بعد ما تخلصي لو في وقت وعايزه تغششيها هتغششيها مش عايزه تشوف حد غيرك وقولي كده بكل بجاحة عادي اللي زي دي علاجهم التعالي عليهم
متغششيش تاني صدقيني، من غشنا فليس منا، ف ولا هي ولا غيرها ولا اي حد، وتالتة ثانوي مش هزار، دي زي ما هتحدد مستقبلك المهني والاجتماعي، ف هي ممكن تشيلك ذنوب جارية عشان اجابة سؤال اديتيه لحد خلاه يدخل مكان مش من حقه وناس تانية اجتهدت فعلا هي اللي اتقرت واتحرمت من احلامها. وبالنسبة لصداقتك معاها ف دي صحوبية مصلحة من ناحيتها ف ابعدي عنها ارحم.
سيبك من البت، تالتلة ثانوي رينا يعينا كلنا
هتدخلي الامتحان ب سدادة ودان وهتقوليلها انك متوتره وده عشان الدوشه وهي لما تنده عليكي كانك مش سامعه حاجه هتزعل منك بس في داهيه معرفة الناس دي خساره وانتي غلطانه انك سيباها في حياتك كل ده
I hope u get worst