امم.. كانت واحدة صحبتي، عرفتها ف تالتة تحديدا ف درس عربي.. كانت هي اللي اتعرفت عليا، كنا واقفين انا وهي وبنت كمان مستنيين المستر يخلص للمجموعة اللي قبلنا، وانا كنت بكلم البنت التالتة وكنا زمايل مقربين يعني بس مش صحاب، وهي كانت واقفة. المهم، شالت sticky note كده كانت ع كتابها وكرمشتها، ف مديت ايدي بتلقائية آخدها منها لأن الباسكت كان ورايا.. وقتها هي جت واتعرفت عليا وكده وقالتلي انها كانت غيرانة عليا حتى قبل ما تعرفني، كانت متضايقة ازاي انا بكلم البنت التالتة دي وهي لأ. كنت بحبها جدا ومهتمة بيها وعمري ما استرخصت لو كنت بجيبلها حاجة ولو بنتمشي لازم اشتري حاجة ناكلها سناك او كده من باب الذوق والحب، وهي ولا مرة عملت كده وانا للاسف مكنتش باخد بالي.. كان فيه ولد معانا في الدفعة وفنفس درس العربي وكان مركز معايا جامد اوي، هتفهموا قد ايه كان مركز لما اقولكم ان من كتر تركيزه مستر العربي لاحظ وكان بيتعمد يقارن درجاتنا واجاباتنا ولازم يسألنا ورا بعض لو بيسأل بالدور حتى لو هيضيع دور ناس ف النص، ومش بيسأل غيرنا وقت شرح الدرس، وحتى وهو بيشرح او وهو واقف عادي مكانش بيبص غير عليا وعليه. ف الواد كان مركز معايا للدرجة اللي تخلي المستر يلاحظ كده، وكمان كنا احنا الاتنين مُفضلينه بسبب تفوقنا.. المهم، حصل موقف، صحبتي دي خبطت فيه، وانا الصراحة انهرت من الضحك وحكيتلها حواره وكده، ومن وقتها وهي اتغيرت.. بقت تيجي دروسي التانية اللي هو معايا فيها عشان تشوفه مش تشوفني، واول م تشوفه تضحك بصوت عالي وتضربني ولازم تعمل اتنشن، حتى لما اقولها اني تعبانة ومتضايقة تقعد تتكلم عليه برضو.. وهو اصلا مكانش بيطيقها بس انا عمري م قلت، ولما كانت تضربني حتى لو بالراحة المحه وهو اصلا متضايق ومبرق عينه وكانه هيقتلها حرفيا. انا عموما مكنتش بحبه ولا كنت بستلطفه اصلا، ف كان عادي بالنسبالي يعني مكانش فارق معايا انها حتى بتروح تحكي لكل صحابنا عنه -رغم انها ماخدتش اذني- وتقحم نفسها ف اي حوار وانه قاعد يبصلها ومركز معاها ومعرفش ايه. انا كل ده والله كنسلته تماما وعادي.. بس جه ف مرة، كنا واقفين تلاتة، انا وهي وواحدة صحبتنا، والتالتة دي كانت على قد حالها شوية ف اتقبل منها اللي حصل، بس صحبتي لأ.. انا وقتها مكانش معايا فلوس اصلا، ف المهم قالوا هيجيبوا قصب وسألوني، فقلتلهم لا نسيت المحفظة، وكنت متوقعة ان حد هيعرض عليا والله وكنت هرفض والله عشان انا مش بقبل حد يدفعلي حتى لو صحاب، ولسه برتب افكاري يعني، لقيتهم اللي هو اصلا ولا هنا حرفيا وراحوا جابوا وشابوني عادي محدش عرض، رغم اني والله ف العادي انا اللي بشتري وبجيب وبعمل.. ومرة كانت هي ناسية المحفظة بتاعتها وعطشت ف نزلت جبتلها مية وسألتها كذا مرة اذا كانت عايزة حاجة تانية وانا هجيبلها عادي.. وقتها اخدت فترة ستوب كده، وبدأت احسب تصرفاتها، وغيرت طريقتي معاها خالص.. بقت تحط اللوم عليا ونتخانق بدل المرة مليون.. وعرفت من طرف تالت انها كانت عاملالي فولدر كامل مخصوص وقافلاه بقفل وحاطة فيه كل حاجة تخصني.. هوس والله.. لما كان مثلا بييجي عيد ميلادها، كنت اجيب هدية ع الاقل ب300 جنيه، وده قبل التضخم كان مبلغ فعلا، وهي لما كانت تجيب كانت تجيب بكتيره اوي حاجة ب70.. وانا عارفة انها مقتدرة.. بعد عيد ميلادي بالظبط اشترت سكين كير وبادي كير ب2000 جنيه.. اللي هو برو وتف؟ وقتها بعدت عنها وكرهتها، وبعدت عن كل صحابي اللي كانوا ف الفترة دي اصلا حتى الكويسين منهم.. العلاقات دي بقت بتسببلي ضغط وقرف والله، تحس انك بتبذل اقصى جهدك واللي قدامك حتى مش مقدر ده..