ممكن يكون اللي حصل ده ليه اثر عليك بس هل فكرت ان ممكن يكون ده خير ليك؟ صدقني ربنا مش بيعمل حاجه وحشه لعبده ابدا يمكن خسارتهم دي خير ليك وانت مش شايف ده لحد دلوقتي ربنا قال( وعسى ان تكرهوا شيئا وهو خير لكم )يمكن كانوا صحبه مش شبهك ولا يقدروك وربنا بعدهم عنك عشان يحميك ويعوضك بناس احسن منهم بعدها او حالا او بعدين ويعم يمكن ليك صحبه ف الجنه منتظراك خليك دايما عارف ان قيمتك مش من حد ولا من قبول حد ليك قيمتك من نفسك ومن قربك لربنا واللي يسيبك عمره ما كان يستاهلك من الاول اصبر واحتسب وربنا هيجبر بخاطرك وهيعوضك باللي يقدرك

يعني ناس بالبجاحة والاذة دا ينزلوك ويقولوك مش حابينك وانت الزعلان عليهم؟ دا يابختك والله انك عرفت حقيقتهم وانك مبقتش صاحب لناس زيهم انت اكيد احسن منهم

طب و مستاهلين تبقى تتذكرهم ؟ رغم الموقف الصعب الي حطوك فيه مش مستاهلين تبقى تتذكر الالم الي تسببولك فيه في مواقف تكسر الانسان اكتر من هذا الموقف في الي يتعرضون للتنمر و يكبرو بعقدة في حياتهم بسببو و في حالات متتفسرش خالص يعني ببساطة موقفك دا هيكون بسيط بالنسبة لاشخاص انكسرو اكتر منك و الصحبة تكون بالمواقف لذلك هم مكانوش صحابك من الاساس و لما تحب تصاحب اعرف مين تختار الصاحب الحقيقي هو الي يبقى جنبك في الفرح و الحزن.... و المصايب 🥲🤍

متخليش موقف زي ده يخليك تشك في نفسك الناس دي بس مكانوش مناسبين ليك مش أكتر إنت شخص كويس جدا ووجودك مش حاجة تتتكسف منها أبدا ف متفكرش ان العيب فيك وان شاء الله هتلاقي ناس أحسن بكتير يقدروك بجد🤍