هدرت بزاف بصح محتاجة نفرغ اللي فقلبي حاسة روحي مخنوقة عييت في عمري 20 نعاني من وحد المشكلة سببتلي بزاف عقد فحياتي وهي ان صدري صغير صغير حرفيا مش يبان خلاص تعبت من نظرات الناس وهدرتهم فالمناسبات يصراولي اسوء المواقف نجي نسلم على حد بدل مايشوف في وجهي يشوف في صدري وتظل تشووف !! نظرات الناس من بعيد نبانلهم شغل بيزار بزاف 💔 منيش نحيفة لذيك الدرجة وزني 55 نبان نورمال الا هذا مرة وحدة صاحبتي من القراية زارتني فبيت جداتي اول ما شافتني البنت جمدت وظلت تشوف لاسلمت ولاتكلمت انا لأني من زمان يعاملوني هكا تغاضيت دخلتها وريحنا بصح هي مقعدتش مكانتش مرتاحة وراحت بعدها لما رجعنا للقراية (في عام الباك) كنا فالساحة مع ناس ثانيين ايا هي قالت " رحت لدار فلان ولقيت فلانة ..اللي هي انا .. قالت بالحرف مسطحة الله يعفو شي مافيها " قدام الناس فالساحة قدام بنات قسمي ورفعت صوتها!! انا تشوكيت جبدتني بنت عمي بالزربة ورجعنا للقسم وبقينا ساكتين رجعت للدار بكيت بحرقة وهذا مشي الشي الوحيد ناس يتجاهلوني يعتبروني مشي كاينة برك لهاذ السبب رغم اني مش انطوائية نحب نهدر عادي مع اللي منعرفهمش بصح ديما يشوفوني ناقصة كي يذكرو اسمي ديما يجيبو معاها "اييي هذيك شتي كيف جاتها اللبسة؟" قلبي يتحرق جربت نعير الهرمونات وكلش طبيعي ماعرفت من عند ربي بصح تعقدت من هاذ الجيهة مبقيتش نحب نبان قدام الناس عييت 💔