اتعرفت على بنت اشتغلت عندنا في الشركة في فرع تاني عن طريق واحدة زميلتي البنت عجبتني للأمانة .. اتعرفت عليها وقعدنا شوية نتكلم كتعارف قبل الخطوبة كل دة بمعرفة اهلها واهلي المهم اول اسبوع او اتنين كانو اجمل اسبوعين حرفيا حب ودلع ورومانسية ..على قد م كنت مبسوط على قد م كنت قلقان .. احنا لسة منعرفش بعض اوي عشان اشوف منها كل الحب دة للأمانة شكيت في الموضوع حسيت ان في حاجة غلط .. انا اللي بادرت اه وقولت كلام حلو بس لاقيتها هي بتقول اكتر وبتوعد بحاجات اكبر وكلام رومانسي اكتر اتفقت انا وهي ان خلاص كدة احنا الاتنين مقتنعين ببعض ولازم اروح اتقدملها .. انا كل دة مش واخد بكل الكلام الحلو اللي هي بتقوله انا مستني اشوف الافعال اللي تبين حبها اللي مغرقاني فيه دة 😂 المهم بعد م اتقدمتلها بيوم او اتنين تقريبا فضلنا على نفس شهر العسل دة ويعني بنشوف هنستقر فين وهنكمل حياتنا ازاي .. اكتشفت عيب صعب جدا .. هي بتحب الكلام الحلو الكتير وبتفرض عليا اعمل دة ! .. انا شايف ان الكلام الحلو لو مطلعش مني بمزاجي استحالة يطلع غصب عني حاولت ابطء العملية شوية عشان حسيتها طالعة بينا ع الرابع .. اوقات كانت بتلمح لحاجات مش وقتها احنا لسة ملبسناش دبل .. محتاجة اللي يطمن عليها كل شوية ويكلمها ويقولها كلام حلو كل شوية معرفش دة ايه ولو معملتش دة تتعصب جدا وتعلي صوتها وممكن تجرح بالكلام .. للأمانة كنت حابب انها متعلقة بيا دة يبسط اي راجل .. بس الشئ لما بيزيد عن حده بيتقلب لضده المهم اتصلت بيها وقفلت الموضوع وكلمت والدتها وقولتلها هي كدة استحالة تستحملني ولا انا هستحملها .. ف قفلتها قفلة مش ظريفة بصراحة عشان كنت متنرفز جدا يومها فضلنا كدة فترة عملت بلوك من كل حاجة عشان افوق نفسي بسرعة واكمل .. بعد فترة كلمت زميلتي تسأل عليا عشان تكلمني تاني .. اتكلمنا وكنت مبسوط انها رجعت تكلمني بصراحة .. بس جوايا بردو بيقول ان لا دة مش هينفع في جواز .. المشاعر والحب مش كل حاجة احنا مش متفاهمين قفلت الموضوع لتاني مرة ولسة هي بتحاول تلمح بستوريهات او قات وحاجات مش مفهومة كدة بفكر اديها فرصة بس مش عارف دة صح ولا لا
لو هيا من النوع اللي بيركز وبيتقمص علي الصغيرة والكبيرة فهيبقي صعب جدًا هتستحمل مرة واتنين وهتيجي بعد كده يفيض بيك ونفسيتك هتتأثر، أنا مريت بالتجربة دي بس مع صديقة حرفيًا حتي لو هيا عملتلي شئ بتفرض قبلها إن أدي رد فعل حماسي وأنبهر، طيب مش ده مفروض يكون تلقائي لا أنا كنت أتخنق ساعتها وأتصنع الحماس لحد ما تعبت نفسيًا وبعدت وصل الموضوع لحب التملك شافتني بكلم حد باهتمام تقولي نفسي تكلميني كده وأنا يعتبر مش بكلم غيرها أصلا فالموضوع بصراحة متعب متعب أوي
لا. دا مش. صح. هيجي عليك وقت هتنفجر المشكله. مش عندك. المشكله. موجوده. معاها بسبب غياب باباها خلي في حته جواها واقعه. وصدقني. صعب. من مكانك
قماصه حساسيه مفرطه مزاجيه وعصبيه ... دي بتدور علي اب. مش شخص ترتبط بيه واوعي. تحاول تأدي الدور دا. عشان. دا مش مطلوب منك
اول مرة اشوف حد بيسأل سؤال هو اكتر حد عارف اجابته انت اكيد مش مستنى ردنا، شخص زيك عارف هيستحمل اية وميستحملش اية، والعيب على زميلتك إنها فكرتك بصفحة هى اصلًا اتقفلت وانتهت! مفيش داعى يكون فيه اى سُبل تواصل من اى نوع بأى شكل طالما إنت اخدت القرار بعقلك يبقى بلاش تخلى قلبك وشوية مشاعر تِبعدك عن الطريق وتضلك وتضلل اهلك معاك إنت أكبر من كدة ياصحبى ❤️
متافهمه القصه ومن كلامك باين انك بتحب الرومانسية وبتحب الحرية يعنى مش بتحب الضغط ونت ليه مقولتيش كده من الاول كنت وضحت حدودك وشخصيتك من راى اقعد واتكلم معاها وقالها شخصيتك وحدودك وان شاءلله خير
انا حاسه ان انت قلقان من فكرة الجواز زيادة فخايف من اي طبع يأثر عليك بعد كدا كل البنات بتحتاج كلام حلو واهتمام وتحس انها كل حاجة ف حياة اللي بتحبه بس لو انت شايف انها متسرعه واوفر شوية ف الموضوع فممكن تتكلم معاها لو انت فعلا حاببها اتكلم معاها قولها انك حابب تدي لكل حاجة وقتها ومش عاوز تستعجل حاجة وانك مش هتعرف تقول كلام حلو وخلاص لمجرد انها عاوزه تسمع ده والمفروض ديه حاجة تبسطها انك عاوز تقولها كلام يكون طالع من قلبك بجد مش تأدية واجب وخلاص علشان متزعلش لو شايف انها شخص كويس ومناسب وانت حبيتها اتكلم معاها بوضوح ف كل حاجة مضايقاك شوفها هتتقبل ده ولا لأ
بقا هي بتحبك و عايزاك تسمعها كلام حلو و شايف إن ده صعب عليك علي فكرة ممكن تكون دي ال love lungeug بتاعتها (الطريقة اللي عايزة تتحب بيها) و ده عادي + اكيد جواها فراغ عايزاك تملاه ليها عن طريق انك تقولها كلام حلو او عندها نمط تعلق قلق الناس اللي بتكون كدا تلاقيها بتدي بزيادة و كلام حلو بزيادة
هيا مش ناضجة كفاية انها تكتفى بنفسها ويمكن عندها احتياج لشعور وجود حد بيهتم وكدا فلما اتقدمت اتبسطتت وطالبتك باحتياجها اللى هيا شايفاه عادى ودا الطبيعى ومحسبتهاش بالعقل والمنطق اللى هو لسة محتاجين نفهم بعض.. هيا اندفعت ولسة متعشمة فيك بسبب اندفاعها ومشاعرها والكلام اللى كان بينكو اكيد قلت بحبك او غيره احنا كبنات ااكلام بحبك او عاوزك او مش هسيبك وكدا مش كل البنات بس المعظم بياخد دا وعود.. مش مجرد كلام حلو فانت غلطت برضو المفروض اي علاقة تدخلها توضح من اول يوم والله يفلانة انا مش هدى مشاعر دلوقت على ما نفهم بعض ونتعرف ونشوف راكبين على بعض ولا اي عشان محدش فينا يتأذى ويتعشم وبعدين يتكسر خاطره لو مكملش
طب لو انا شخصيه رومنسيه ازاي هعرف ان البحبه زيي ولا ممكن يبقا بيفكر زيك و يحس انه مش مرتاح وان دي مش طريقته وكده ؟