بعد ما اتظلمت و اتهمت ظلم من حد المفروض انه قريب مني و كان حد يعز عليا و بسببه اتحجزت في القسم يوم و سمعت كلام يجرح أوي و ملقتش حد يسندني و لا يطبطب عليا حسيت إني بطولي الضربة بتكون بتوجع أوي لما تكون من القريب من يومها بقيت مش حاسة بأمان و دائما خايفة و قلقانة من يومها بقيت شايفة إني وحشة جدا و مستاهلش اني اتحب بقيت شايفة إن احس بأمان و اتطمن. دي حاجه كتيرة عليا و كمان اللي بيوجعني اكتر أن انا مش بيهون عليا اجرح حد بس انا بهون عليهم يأذوني و يجرحوني كل ما افكر في أي موقف اتظلمت فيه و حد أذاني فيه بقول لنفسي للدرجادي عمري ما كنت غالية علي حد للدرجادي هان عليهم زعلي و كسرتي