أنا اتسبت فجأة بدون أسباب قبل الخطوبة بيومين ومكنش فيه بينا أي مشاكل وكنا كويسين جدا وأول ما اتقدم كان قالي إنه بيحبني من زمان وكان طاير بيا حرفيا ومزعلنيش مرة لحد يوم ما اختفى كدا فجأة اختفى ومبقاش كلمة وعمل بلوك وخلى باباه هو اللي يكلم بابا وينهي معاه وسابني اتجنن بدماغي واي حد بيسألهم بيقولوا مفيش نصيب وخلاص كدا ومحدش اعتذر إلا باباه وبعدها مامته وأخته بيقابلوني يلفوا وشهم الناحية التانية وكأني أنا اللي أذيت ابنهم تعبوا نفسيتي جدا جدا وراحوا خطبوله بعدها بشهر بس واحدة هما اللي مختارينها له ولا راعوا حتى إحساسي وبيقابلوني يبصولي كأني أنا الطرف السيء في الرواية ومحسوش بالذنب خالص!!! ومن وقتها وأنا حياتي متدمرة ونفسيتي تعبانة حتى مبقاش عندي ثقة في نفسي ولا قادرة أفتح الباب لحد جديد وهو مكمل حياته عادي وبيجهز الشقة اللي اختارناها وخلاص قرب يتجوز وحياته ماشية وأنا اللي حياتي واقفة عدى سنة وأنا لسه مآذية وحياتي واقفة لحد ما بقيتش أشك إن فعلا المشكلة فيا أنا أصل إزاي يأذيني ويعيش مبسوط وأنا اللي أفضل تعبانة كدا بجد!