انا حاليا في تانيه ثانوي ومن كام سنه كنت في مدرسه لغات لحد تالته اعدادي ونقلت لمدرسه حكوميه في أولي ثانوي وانا حاليا في تانيه ثانوي كلامي مش علي السن دلوقتي كلامي علي أن وانا في في اللغات صاحبت ناس كتير وفضلنا مع بعض كام سنه حلوين يعني كتار يعني المهم في الكام سنه دول ساعات كنت بشوف منهم تنمر وتريقه وشتايم والكلام ده وكنت بقول خلاص عدي عادي ده هزار ولا كأن حاجه حصلت كان بيشتموا كل الشتايم اللي اي حد تيجي في دماغهم ولما كنت اجي اهزر معاهم واحد منهم كان يقولي انت هتصاحبني ولا ايه انت عبيط وهتخيب والكلام ده وكنت باخد الكلام ده هزار بس من جوايا انا مكسور فعلا وكنت بتذل بطريقه بشعه اوي منهم وكنت بحب واحده وكنت عايز اكلمها وهي كرفتلي قعدو يطلعوا عليا اسم وسمعه وحشه وعادي عديت الدنيا ولا اي حاجه حصلت مفيش مشكله بس في الثانوي جيت وغيرت الدروس وغيرت الدنيا المهم روحت لدروس تانيه قابلت برده ناس من مدرسه اللغات اللي انا كنت منها وكنت قايل أنهم هيطلعوا نضاف بس طلعوا اوسخ من كده بكتير برده ودايما بيقعدوا يتريقوا عليا ويتحظوا عليا وانا ساكت وباخد الموضوع بهزار المشكله ان انا مبحبش اضايق حد مني ولا ازعل حد مني لان انا واحد غلبان ومليش في المشاكل وانا واخد قرار أن شاء الله أن انا في تالته ثانوي ناوي احاول ابقي لوحدي لان نفسي صعبت عليا من كتر الاهانه والذل والتريقه والكلام ده كله فا عايز نصايح اعمل مع صحابي ايه بالظبط ؟