منذ 10 ساعاتيشعر بـ عاطفي
أنا صيدلي ومع ذلك لا بحب الأدوية ولا بحب الدكارة تمامًا دور البرد أو الكحة أو الاحتقان اللي بيحصل والصداع بحب آببعه كله منغير مسكنات ولا بتاع دا عن علم إن كثرة استعمال الحاجات دي ولو الآمن منها اللي هو الباراسيتامول بيبوظ الكبد والتانيين بيبوظوا الكبد والكلى بعد الاستخدام المطول ليهم وكمان والدي كليته باظت من كتر ما بياخد حاجة اسمها باي ألكوفان (مسكن فيه كمية أوفر من الكيتوفان واللي هي نفسه مسكن جامد وبيبهدل الكلية والكبد) المهم يعني ضرسي واجعني جدًا وخدت حباية سيتال ومتضايق إني عملت كدا وحاسسني خالفت مبادئي ف قولولي بتبلبعوا ادوية ومسكنات والعك دا كتير ولا فبه حد زيي مبياخدهمش خالص تقريبًا..
لو كان الوجع لا يحتمل فأنت عملت الصح لأن وجع الضرس بيسبب صداع أصلا المهم أنه مش كل شوية تاخد وبعدين في مسكنات من الاعشاب ذي النعناع والارونفل لوجع الأسنان الينسون وحاجات كتير مش قصة انك خالفت مبدأك اكتر ماهي قصه وجع والألم بيكون فعلاً صعب بشفا أن شاء الله وحاول تزور دكتور اسنان
لا عادي انا مش باخد ادوية خالص تقريبا. مش عشان سبب محدد، بس بكرهها وبكره الالتزام بيها. فاا عادي مش لوحدك. + لأ مخالفتش مبادئك عادي لأن اصلا مشكلة المسكنات كترها والاستمرار عليها، ف طول ما انت مكترتش منها ولا بتاخدها ع الفاضي خلاص عادي. + الف سلامة على باباك.
بص هو عادي يعني بلاش تأنب نفسك انك اخدت الدوا لان لو الوجع انت مش مستحمله فلازم تاخد و وجع الاسنان بيبقى زباله اوي الصراحه فبلاش تانيب ضميرك عادي يعني حبايه واحده مش هتعمل حاجه غلط لو فضلنا ناخده كتير لكن في الاوقات اللي بيكون فيها وجع جامد اوي و فعلا مفيش حاجه غير الدوا اللي هيخفف الوجع فلازم ناخذ
الف سلامة على حضرتك 🤍🤍 على فكرة بعيدًا عن نصائح غيرك.. اللى انت مقتنع بيه هو اللى هيحصل..
دا رأيك الشخصي ابوس ايدك احتفظ بيه لنفسك عشان لسا بنقنع الشعب ان نظام الطيبات مينفعش