حابب اتكلم عن الناس اللي في الآب ده ١_الناس اللي عندها مشاكل في العلاقات الاجتماعية سواء اهل او صحاب انطوائيين ومش لاقيين حد يسمعهم او اجتماعيين فبيتئذوا كتير وغالبا بتبقى بنت ماعندهاش اخ او اخوها مؤذي او هي الاخت الكبيرة او احد الابويين مات ولما تلاقوا بنت كدا ي جماعه ارجوكوا ماحدش يقلل منها او ييجي عليها هي محتاجة دعم واحساس الاخ ااجدع اللي في ضهرها ٢-المشاكل العاطفية وده انسان سواء ماجربش الارتباط وبيشوف الناس كلها بترتبط وعنده فضول او حد ارتبط واتأذى او هو المؤذي بس شايف انه اتاذى وفي الحالتين مش عارف يتخطى وده مش بيدور ع حد يقوله ركز في مستقبلك قرب من ربنا انزل الجيم رغم ان كل ده حلو بس هو عايز حد يسمعه ويطبطب عليه ومحتاج يكون مع حد ثقة فعلا ويقوله عادي مش لازم يجيلك تراست اشو في اولاد كتير كويسين او بنات كتير كويسين بس انتي مش شايفه ده دلوقتي ٣_مشاكل الادمان وفي نوعين مخدرات وده غالبا حد عااش معاناه صعبه اوي وفقد الامل في الحياة واحيانا بتوصل لافكار انتحارية والنوع التاني إدمان عادة او الفعل نفسه وانا هنا حد عالج شخص في اخر مراحل المخدرات انه يتعافى وبنصح بان لازم طبيب نفسي في الحالات ده والمشكله ان مين هيروح يقول لاهله انا عندي ادمان او افكار انتحارية وعايز اروح لطبيب والموضوع صعب انا عارف ٤_وبحذر من الولاد اللي بتستغل بنات في الآب ده ماتديش ثقتك لاي حد بسهولة انا عارف انك محتاجه تتكلمي وتفضقضي مع حد بس اتعرفي عليه واتاكدي انه حد يستاهل ثقتك ويقدر يقدملك قيمة او حل فعلا ٥-طبعا تجاهلوا بوستات السوالب وماحدش يدخل يشتمهم عشان الريتش بتاعهم مايوصلش لناس اكتر عامة الملحوظ في الآب ان احنا جيل واعي كل واحد بيحاول يحسن حياته او يغير نفسه للأحسن بس ينقصنا الطريقة او التسويف او فقدان الثقة في نفسنا بنخاف نفشل من كتر مابنفشل وعايزين نفضل في الكومفرت زون انا ١٩ برده نفس حوارات انا تايه وقدامي مليون كورس والمفروض نشوف شغل في الاجازة وادعوا جميعا لدفعه ثانوية عامة او ازهرية لان فعلا بيعانو نفسيا وادعوا لدفعه ٢٠٢٧ اللي لسا داخلة وخايفة وربنا يوفقنا جميعا يارب