طب عمرك حسيت انك لازم تعيش حياة انت مجبر فى كل لحظة فيها يعنى انت عايش حياة مجبر عليها مجبر على انك تبر اهلك اللى سابوك ومش بيحبوك ومجبر انك تعامل اهلك كويس عشان متبقاش قليل الاصل ومجبر ان تتجوز عشان اتخنقت من بيتك وفى نفس الوقت انت مجبر انك تتقبل الشخص اللى هتتجوزه عشان انت حاسس بالنقص

دى حياتنا واحنا اللى فى ايدينا نتحكم فيها فى ايدك تحب حياتك وتخليها مثاليه والعكس بس بحس ان نو شغف اللى هو خلاص انا اتعودت!!

انا طرف تالت ف حياتي ، فيلم وبشوفه وبضحك عليه وبتأثر بيه ، لكن هل المتفرج له يد ف تغيير الاحداث؟ ابسلوتلي نوت

الي انت قولته ده دي حياتي الفتره دي حاسه اني بتفرج على حياتي مش عايشاها او حاسه اني ماشيه مع الطيار زي ما بيقولو مش قادره اقول ان مشاعري خلصت بس ممكن مبقتش قادره أجادل في حاجه او اعافر حتى لحاجه معنديش اي فكرة ايه الي وصلني لكده و معرفش برضه هطلع منها ازاي

علشان محاطين بشويه بشر محبطين محدش فيهم بيحاول يكلف خاطره حتي ويدينا دفعه او يشجعنا بكلمه حتي أقرب الناس

بحس انه ديجافوو وانا البطلة وتدور الأحداث حولي بص هو عادي تقريبا اغلبنا بيحس بكدة بس حاول علي قدر الإمكان تعمل حاجات جديدة وتمسك زمام الأمور