حالة نفسية

لو انا حاسة بفراغ واكتئاب وحالتي النفسية مش تمام نهائياً وفيه شخص مجهول مستعد يسمعني هل اتكلم معاه؟ خاية اندم بعدين ولكن هو مجهول وانا مجهولة بالنسباله ومش عارفين بعض نهائياً ولا هديله أي معلومات ولا أي حاجة يستغلها ضدي ولكت محتاجة اوي اوي اتكلم مع اي حد عشان مموتش نفسي لأني معنديش حد فاهمني ولا يسمعني وبعدين هبقى اعمله بلوك ولا أي حاجة عادي كده كده بس حساها فرصة اني الاقي حد يسمعني لاني بقالي سنين بعاني

لدي حساسية عالية وتأثر زائد بمشاعر وآلام الآخرين، سواء أشخاص أو حيوانات. هذا يؤثر على قدرتي على تكوين علاقات متوازنة، لذلك أميل إلى العزلة. عند الدخول في علاقة عاطفية تصبح مرهقة، وتعتمد حالتي النفسية عليها بدرجة كبيرة، وعند انتهائها يحدث تدهور واضح. حتى المحتوى الدرامي كالمسلسلات والافلام قد يسبب حالة مزاجية منخفضة تستمر عدة أيام.

انا مش كويسه و مش عارفه ابقا كويسه وحاسه ان مفيش حد هيقدر يساعدنى لا دكتور نفسى ولا غيره انا فى حته وحشه اوى و بجد مبقتش قادوه اتحمل كل التعب دا انا بخاف بخاف من الناس كلها و بخاف من اى حاجه و حالتى وحشه اوى و عشان اهرب من دا بعمل حاجات اوحش

لو في دكتور نفساني يقدر يتواصل معايا يساعدني اكون شاكره جدا بجد بس مظنش ان في دكاتره فالابلكيشن هنا بس بجد بقيت محتاجه فعلا افهم انا مالي وازاي اطلع من دايره التفكير الانا فيها دي عشان حالتي بقت زياده عن اللزوم

دايما كنت متربي ف بيت فيه انك تدي اعتراضك ع اي حاجه دا غلط... انك تعيط دا غلط.. انك تقول انك موجوع غلط.. انك تطلب اهتمام غلط.. زي ما بيقولو كده بيت تربيه عسكريه.. بس للاسف كان بيت اهلي.. بقيت لو اتضايقت او زعلت او حسيت اني مخنوق ضربات قلبي تزيد ودراعي يقف معرفش احركه وساعات كمان رجلي... روحت كشفت عند دكتور قلب قال دي حاله نفسيه وعصبيه ملهاش حل.. ممكن اعرف اعمل ايه بجد؟؟

انا الدنيا معايا بعد الجواز باظت تماما مش عارف السبب فين الدنيا سيئه ف كل حاجه لدرجه اني بقعد بره البيت لحد النوم مش عايز اروح ودا بيتسبب ف ان مستقبلي مبقاش زي الاول لاني مقصر ف كل حاجه حتي المصاريف مبقتش تكفي لاني القعده بره البيت طول اليوم ف اكتر من مكان مكلفه اكل وشرب وكل حاجة لان البيت دايما مفهوش حاجة ودايما الحجه اصلي تعبانه ومش قادره اعمل اكل ولا تروق الشقه وكمان عايزاني اجيب اكل من بره لانها طبعا مكلتش واتكلمت بهدوء وعملت خناقات واحتويت وف الاخر خالص اتكلمت مع اهلها لان الوضع صعب جدا وطبعا علشان موضوع تعبانه دا كشفت وعملت تحاليل عند كل الدكاتره تقريبا وتكلفه كبيره جدا ٤ سنين بعاني وكل دا بحاول اتقي ربنا لدرجه اني فكرت اكتر من مره ادور علي حد تاني يدخل حياتي وفكرت ف جواز عرف اقضي اليوم هناك علي الاقل هلاقي خد يحسسني انو مهتم بالراجل الي عمل مستقبلو من الصفر وبقي حاجة كل دا بقي بيضيع قدام عيني بسبب الحاله النفسيه حتي اني الاقي حد تاني فشلت وقولت احسن مش نصيبي مبقت عارف اعمل ايه الوضع بقي صعب ولا يطاق والتاثير طال نفسيتي وشغلي وحياتي

تجربتي في الحب كانت كويسة علافتي الاولى قعدت معاها ٨ سنين وكنا بنحب بعض جدا بس في اخى فترة كانت بتتلكك على حجات غريبة وتافهه وفضلت كدا لحد مطلبت انها تمشي ونا وافقت لان تصرفاتها بقت بايخة بزيادة وكنت زعلان ودخلت في حالة نفسية وحشة ومن العدم ظهرت واحدة في حياتي فضلنا مع بعض ٣ شهور بس عايز اقول ان دول احسن ٣ شهور قضدتهم في حياتي خروجات وكلام وحب ونستني اللي كانت في حياتي قبل كدا وحبتها اوي وريمت حياتي عليها وعشقتها لحد مهيا فضلت تبعد وتقول اسباب غريبة انها خايفة تكمل عشان متخسرنيش ومشاكل ونا قدمت حلول لكل المشاكل بس هيا مشيت ومن ساعتها مش عارف احب حد غيرها ونفسي كل شوية اخش اشوفها او اكلمها ودخلت في حالة نفسية وحشة اوي لدرجة اني بقيت موذي لاي حد بيحبني وكذا علاقة دخلت فيها ونا السبب وقتها اني مش عارف احبهم وساعتها انا اللي بمشي وكرهت اي علاقة وخسرت الناس اللي حوالية حتى اهلي ومش عارف اعمل اي

ازاي اخترتوا نفسكم؟ ازاي اختار نفسي واساعد نفسي اني اتغير للاحسن ازاي ابعد الطاقه السلبيه وغيرها من المشاعر السيئه يعني مثلا انا شايفه ان مش مش انا مش فاهمه حاجه ازاي اتغيرت بالطريقه دي وانا كنت حد إيجابي وداعم وملتزمه جدا دلوقتي بقيت بعيد عن كل حاجه قولتها وبقيت اعمل الذنوب واحس انه شئ عادي!! مبقتش احس بالندم لاي شئ مش فاهمه ليه انا عامة اتغيرت للاسواء ومش عارفه ازاي اختار نفسي واساعد نفسي اني اتغير للاحسن وحالتي النفسيه اتحسد عليها "قرف"

عندي مشكلة دلوقتي أنا من بعد نتيجة الثانوية العامة ونا في حالة مش فاهماها سبت الچيم وزني زاد مش عايز اعمل اي حاجة كسول لكل حاجة مع اني ديما كنت انسان مجتهد مش مهتم ب دراسة المعهد يوم فرحان يومين زعلان كل لما انوي اعمل حاجة مفيدة مكملهلش مخنوق من نفسي جامد يجدعان ومش عارف اتكلم مع مين ولا اعمل اي مش فاهم حاجة 🥲

مشكلتي الوحيدة قلة الصحاب مع اني لما بصاحب بدي بكل طاقتي وبنصح بما يرضي الله معرفش المشكلة فيا ولا فيهم ونفسيا بدات بجد اتاثر بالسوشيال ميديا جدا وحالتي بدات تسوء اكتر من الأول طب حلها ايه؟ افضل زي منا ولا احاول اجمع اللي بعدوا ولا اجمع ناس جديدة

نفسي افهم ايه سبب الزعل من غير سبب ببقا قاعده وعادي فجأه الاقي نفسي متضايقه أو زعلانه ومفيش سبب معين أو سبب واضح والشعور دا بيتكرر معايا كتير وعلطول احب اني ابقا لوحدي وف أوضتي ومحبش اتعامل مع حد ولا اتكلم مع حد الحماس والشغف بقو شبه معدومين اي حاجة بعملها دلوقتي بتبقا من غير نفس كدا وبالعافيه مش عايزة اتحرك من مكاني مش عايزة اعمل حاجة مش عايزة اروح كليتي مش عايزة اتعامل مع حد اي حد يتكلم معايا يبقا عايزاه يخلص كلام بسرعه لأني مش طايقه حتي الكلام اهلي ابتدو يلاحظو دا وحاولي يطلعوني من الحالة دي حاولت بس رجعت تاني للي أنا فيه لأني حاسه اني مرتاحه وانا لوحدي ومش عايزة دوشه مش فاهمه ايه الي بيحصلي دا ولا دا تشخيصه ايه بصراحه