الشيطان بيحاول يزينلك الأشكال دي قدامك عشان يحسسك ب كدا ويحسسك انك مش انثي عشان يخليكي تنتكسي ( الشيطان يعدكم الفقر ويأمركم بالفحشاء ) ومتنسيش ان قدرك عن ربنا أعظم منهم بكتيير ، كمية الأحاديث اللي بتتودعهم بالعذاب مخيفه بجد ( ايما امرأة استعطرت فمرت علي قوم فوجدو ريحها ف هي زانيه ) والكاسيات العاريات اللي لا يجدن ريح الجنه وغيرهم كتير ( ولا تبرجن تبرج الجاهلية الاولي ) وخليكي عارفه ان فطرة المرأة الحياء وحبها للستر خارج المنزل ومع غير المحارم ، يعني كل دول منتكسين عن الفطرة أصلا وانا ك راجل بشوفهم مقرفين رغم ان عادي ممكن واحده مش محجبه بس أخلاقها كويسه ، بس تفيد ب اي الأخلاق وربها غضبان عليها ، وحبي نفسك وكل فترة حطي ميك اب في البيت وتزيني ل نفسك ، ومتاح ليكي جزء من العوره امام والدك واخوكي ولكن ميكونش اللبس ضيق اوي او بيظهر مفاتنك وبس كدا ودايما ادعي الدعاء ده ( يا مقلب القلوب ثبت قلبي على دينك) أسأل الله ان يرزقكك الثبات

ممكن تلبسي الوان عادي وتغيري في استايلات لبسك عادي ممكن تبقي شيك وانتي منتقبه وبلبس فضفاض متخليش الشيطان يضحك الزينه مكنها البيت مش الشارع والانوثه في الأسلوب مش في اللبس .

لا بالله عليكي خليكي زي ما انتي، الجمال مش دايما جمال خارجي، الجمال الداخلي احلي بكتير.. بنت محترمة متدينة عندها اخلاق وحياء احسن وافضل واجمل ميت مرة من بنت بتظهر مفاتنها، انتي احسن، استعيذي بالله من الشيطان وافتكري ان الاخرة خيرٌ وابقى

لأن مش كل الناس عندها فهم انت لو لبستي كويس ناس هتتكلم ودول شوية حيوانات مينفعش تسمعيلهم اصلا ولو لبستي لبس مش كويس هتلاقي الي بيتكلم ينصح او الي بيتريق ف انت ع صواب ف المفروض متلتفتيش للي بيتريق عموما ربنا ينتقملك منه هو بني آدم مش بيفهم وخلي عندك معلومة ان الناس كدا كدا هتتكلم سواء كان الواحد كويس او وحش سيدنا موسى طلب من ربنا أن يكف ألسن الناس عنه قاله يا موسى هذا شئ لم أكتبه لنفسي فمابالك بينا احنا الناس تكلمت ف حق ربنا وقالو ليه ولد وليه صاحبة مش عاوزاهم يتكلموا علينا احنا واحنا لا شئ يعتبر وبعدين زعلانه ليه هو الموقف يضايق بس يكفيكي شرف انك بنت عفيفة ومحتشمة والحيوان التاني دا هتشوفي زيه كتير ربنا يهديهم مش هنقول غير كدا

ده مش تكلف في الهدوم ده ألتزام بأمر الله فيكي + خروجك من البيت يا يكون حسنات جاريه يا يكون عكس ذلك اختاري انتي ، و احنا كشباب و الله للاسف عيوننا بتيجي على كل من هب و دب و هما في الاخر البنات تقول ما تغض بصرك ولا تقولك اصل انا بلبس لنفسي مش لحد و الله العظيم ده بيسبب فتن كتير لشباب من غير ما اقول تفاصيل ، الله يعينك و يثبتك و اصبري ( و من نهى النفس عن الهوى فإن الجنة هي المأوى ) اللي ماشي و بيطاوع هواه آخرته وحشه

اعملي اللي انت عايزاه في بيتك او في غرفتك لو مكسوفة تلبسي قدام اخواتك مع ان في حدود عادي تلبسيها قدام محارمك وتعطري في بيتك عادي وحطي مكياج في بيتك وفي اوضتك لازم يكون ليكي ساعه لنفسك وده دينيا لان ده اللي يعينك على الالتزام وبره ماتبصليوش الدنيا زينة كده كده واختبار وافتتان الكل بيجاهد بس تقدري تكوني حتى وانت لابسه لبسك الشرعي مهتمة بنفسك داخليا بدون مايكون في ريحة برفان يشمها كل الشارع معطرات الجسم للبنت بس اللي تقرب منك تشمها ولما تقعدي مع بنات في مكان خاص وتكشفي النقاب والجوانتي تكوني مهتمه بجلد ايدك وبشرتك ومثلا حاطه كحل وهاتي لبس اللي مش محجبات البسيه لنفسك وماتعشيش سن اكبر من سنك البسي بيجامات مش لازم عبايات ماما شبعي نفسك جوه البيت علشان بره البيت تكوني مكتفيه وتكسري الحته دي جواكي

بصي يا اختي اولا ربنا يثبتك دلوقتي ربنا فرض علينا اوامر لكل جنس بناءً على شهوته ومعلش حاولي تفهمي كلامي على قد ما تقدري دلوقتي ربنا قال في كتابه العزيز وقل للمؤمنين يغضوا من ابصارهم طيب ليه يارب ؟ علشان ربنا عارف واعلم ان دي شهوة الذكر الي هي النظر طيب ربنا قال وليضربن بخمرهن على جيوبهن طيب ليه يارب؟ لان دي شهوتك في الدنيا ان البنت بتحب تبان جميلة وبكامل زينتها فهو ده اختبارك في الدنيا وعايز اقولك حاجة شكلك في الحجاب مش احلى والا ربما مكنش خلاه اختبار ليكي انتي شكلك احلى بشعرك وبزينتك بس ربنا قالك ده لمحارمك بس واتمنى تكون رسالتي اتفهمت صح وربنا يثبتك وفي الاخر عاوزك تعرفي ان اي حد يتمنى زوجة متدينة

سبحان الله والله يعني انت ربنا يبارك فيكي ربنا رزقك بنعمه حرم منها ناس كتير متسلميش ودنك للشيطان عشان دا مدخل من مداخله انت و الله أحسن من كل الي انت شايفاهم متزينين دول ربنا رزقك حياء وعفة شديدة يا ريت كل البنات زيك يبنتي والله انا كشاب بحييك والله ربنا يبارك فيكي وفيمن رباكي

لا عادي تمتي انثي لأن في راجل جميل الله يرحمه قال لأختي حاجة عشان ينقعنها بالحجاب لو معاكي جوهرة ؟ هتخبيه من الناس ولا وانتي ماشية فالشارع هتظهريه فشعرك ده جوهرة فشوفي انتي بقي

طب والله انا كرجل بشوف البنت المنتقبه اكثر قيمه وجمال من البنت العاديه وكمان جمال عيونهم مبين انوثتهم اكتر بكتير بلاش تسمعي كلام حد او تبقي زيهم انت كده مميزه والله