منذ يوميشعر بـ ضاق ذرعاً
انا طبيعتي بنت مش بتحب الاختلاط عموما، من صغري وانا كده.فضلت على الحال ده لحد الثانويه وكنت مش بتكلم مع ناس كثير يادوب حتى معنديش صحاب وكده حتى لما تخرجت ورحت الجامعه كانت تفاعلاتي قليله، انا عمري حاليا 23 سنه خلصت تعليمي من وقت قريب ورحت اعيش لوحدي في شقه بعيد عن اهلي عشان مكنتش مرتاحه في اجواء البيت وعلى الرغم ام المكان كان راقي يعتبر والناس طيبين واجتماعيين بس انا مكنتش بتكلم معاهم ومش بنزل من بيتي غير مره في الاسبوع او حاجه لغرض يخص الشغل، يومي ممل ببشاعه بشتغل من البيت على الPc بمرتب ممتاز وساعات شغلي قليله عموما بس بدأت احس بفراغ مثلا كل ايامي متشابهه مافيهاش حاجه جديده، مش روتينيه ولكن ممله وانا عايشه لوحدي مش بعمل حاجه غير اني بشتغل وبلعب video games وبطور لعبه خاصه بيا في وقت فراغي..مش عارفه اعمل ايه صراحه في الاحساس ده
والله انتى كويسه جدا ناقصك بس الاجتمعيات ممكن تجربى حاجه نفسك تعمليها هوايه تلاقى بنات جربى تتكلمى تاخدى تجربه جديده ممكن تسافرى لوحدك مع جروب بنات محتاجه تاخدى خطوه جراءه جديده تتكشفى نفسك اكتر
حابة يكون عندك اصحاب؟
جربي تروحي جيم سيدات وهتعرفي ناس كتير حلوه والله
عدم الإختلاط بالناس ليه مميزات وعيوب من مميزاته إنك بتركزى أكتر على نفسك.. عندك وقت طويل إنتى المتحكمة فيه.. إختياراتك وقراراتك كلها طالعة منك بطولك.. مفيش حد بيشوشر أو بيقتحم خصوصيتك من عيوبه إنه لو زاد عن حده هتحسى بالوحدة القاتلة، هتفقدى الهدف اللى انتى عايشة علشانه، كل يوم هو بداية لأيام كتيرة عدت عليكى فالماضى بتتكرر بنفس الأسلوب والمواعيد والطريقة، لما تكونى لوحدك زيادة عن اللزوم أفكارك اللى جوا دماغك بتتحول لمُسلمات (بدون ماتحسى) يعنى مثلًا لو فى يوم من الأيام وحسيتى إنك مُرهقة بسبب ضغط الشغل عقلك هيكوّن صفة فيكى إنك دايمًا مرهقة وإنتى هتصدقى ده فى كل أمور حياتك فـ لو حبيتى تاخدى خطوة جديدة عقلك هيقولك (انتى مرهقة) حتى لو هتقومى تعملى شاى لنفسك بالمناسبة واضح إن عقلك نضيف جدًا فى الشغل والألعاب، لكن لما يومك يرتبط بالناس عقلك بينسحب فورًا، وبيفضل العزلة عن الوحدة - تقدرى تقوليلى اية الأسباب ؟