منذ 2 ساعاتيشعر بـ متعب
ايه ترشيحات لاماكن خروجات لوحدك وكلمت ناس كتير ومحدش راضى ينزل يخرج معايا ومعرفش ليه بس كله بيقول مشغول والله اعلم وان كانوا مشغولين او لا انا لا بلومهم او غيره كده كده انا شخص هادى لدرجة الملل فا مش انسب شخص الخروجات فا هخرج لوحدى المهم بعيدا عن كل ده حد يعرف اماكن حلوة للخروج لوحدك فى القاهرة او الجيزة
عادي انزل ادخل اي كافيه حلو كدا أو مطعم و دلع نفسك و اتمشى شويه و رتب الدنيا مع نفسك و كلم نفسك كدا و عيد حساباتك في الحياه ، كنت بحب اعمل كدا بين الوقت و التاني 🤍
ولله يا ابني لما بتحصل معايا مشكله دي بروح السينما لوحدي عادي بنبسط بروح اتمشي في حطه جديده و اقعد اتمشي و اتفرج لاكن برجح جدا الخيار الاول لاني خيار تاني كان بيحسني أن خروجه كانت هتبقي احسن لو معاك حد تهزر معاه بس حاول علي قد ما تقدر تبعد عن الحاجات او الاماكن الي بتحتاج ناس يعني علي سبيل مثال الكافيه مثلا الحاجات الي فيها العاب الي لو انت راجل انت ممكن تنزل قهوه عادي و تقعد مع أي مجموعه عجباك يعني مثلا تقولهم استذانكم بس اقعد معاكم ساعتين دول علشان صاحبي فكسه بس و انا زهقان مش عايز اقعد في بيت و هكذا مفيش راجل هيرفض عموما في قهوه احنا ياما قعدنا مع ناس منعرفهاش
لما بلاقي نفسي كدا بنزل وسط البلد اشتري حاجات واتمشي واروح تاني وساعات كتير اوي بحب انزل حديقة عابدين بحسها هادية ومش دوشة (معرفش دلوقتي بقت ازاي بقالي فترة مش بروح) والمكان حواليها حلو اصلا للتمشية بقعد فيها واقرأ حاجة او اقعد كدا وخلاص معملش حاجة اشم هوا واتفرج على الناس عامةً خد نفسك ومطرح ما رجلك توديك امشي قعدت فترة ادور على اماكن انزل فيها لوحدي بس كنت بحس اني تايها اوي ف عشان كدا بقيت برتاح للخيارين دول اكتر حاجة
جرب تروح ورش رسم أو أي حاجه من دي مش هتبقي لوحدك اوي و هتنبسط أو خد أي كتاب و سناكس و روح أي حديقه
اي مكان مناسب للخروج لوحدك عادي يعني