صباح الخير. في موضوع كده أنا كنت محتاج فيه مساعدة. عشان أنا ما بقيتش يعرف اتصرف ازاي في الموضوع ده. انا بشرف سجاير بشراها. يعني كتير قوي قوي قوي. وكل ما اجي ابطل. او عاوز ابطل يعني. علي نفسي بشرف سجاير اكتر. يعني بطريقة فظيعة. فانا مش عارف فاهمت ايه? انا عايز حل. مش مش حل اللي هو حل قطعي. لا انا عايز حد يساعدني يقول لي يعني من اللي شربوا سجاير وبطلوا هم عملوها ازاي? لان انا كنت بحد شوية يقول لي انت بطلها شهر ومش هترجع لها تاني وبطل حاجة في حاجة ليمن انا جربت كل الحلول اللي ممكن الواحد كعزيمة واراضة اللي الواحد يعملها. انا قاس حد يجيب لي علاج بقى مثلا يعني يقول لي على علاج. يقول لي على حاجة هو بياخدها مثلا قريته في السجاير بتاع. حاجة بديل لها. عشان انا زي ما كنت ممكن اشرب علبتين ونص وعلبتين في اليوم. عدت عليها فترة وكنت باجبر نفسي اشرب تلات اربعة خمس سجارات بس في اليوم. وزي ما كنت بشرب آآ علبة في اليوم لقيت نفسي بشرب نص علبة. ده اكبر انا اللي بكبر نفسي. وآآ عدت عليها شهر كامل ما حطيتش سجارة في بوقي. اليوم الواحد وتلاتين في الشهر رحت اشتريت علبة سجاير. خلصتها بعد الفطار. ده رمضان اللي فات ده. فآآ انا محتاج حل للموضوع ده يعني. حد كده يكون شرب سجاير وبطلها خالص مش بطلها شوية ورجالها تاني لأ بطلها خالص يقول لي هو عمل ايه حقيقي والله لان هي مدمرة الواحد مدمرة الواحد جدا كسدر بقى وكجسم وكفلوس وككل حاجة يعني اللي بيشرب سجاير هو عارف هو انا بتكلم في ايه فمشكورا يعني حد كده يكون شرب سجاير قبل كده ماشي وقاعد فترة كبيرة بيشربها فترة كبيرة من السنة ولا سنتين لا اربعة وخمسة وستة واللي بيشرب السجاير بالعشر سنين والكلام ده حد يجي يفيدني يقول لي انت عملت ايه وبطلتها ازاي وشكرا يعني
قصدى اكياس النيكوتين .. مش سجاير بس بتدى جسمك احساس انك دخنت لحد ما تستغنى عن السيجاره و تنساها
بسم الله عليك دلوقتى كمان حقولك حاجه ممكن تشوف ثيرابيست مش لازم هنا ممكن عل النت كتير موجودين وفى مجانيه كمان صحيح هم عل السلم بس بينفعوا كلنا فى فترات كنا كده ما عدا فمتضايقش نفسك الدنيا ربيع والجو جميل مش فاكره الباقى ربنا يحفظك
ممكن تتريق علي كلامي دا او تاخده ب استهتار انا طليقي كان بيشرب بشراهه جامده وراح لدكتور قاله كل م تحس انك عاوز تشرب كول حته بصله هو كان ولله بيقولي كدا تقريبا بتسد نفسك انك تشرب حاجه والله واعلم بس جرب وحط دايما في جيبك بنوبني او لبان كل م تحس انك خلاص الهي نفسك وربنا يبعد عنك القرف دا
جارى مات بالسجاير ابن ابن جارى مات بالسجاير الواد خالد الحلاق مات بالسجاير عمو احمد النجار مات بالسجاير اوه وشعرهم بيبقى ابيض كمل شرب بقى متخافش عفوا
بص زي ماقولتلك هتجيب فيب نيكوتين 50 سولت صلي ع النبي ركز معايا اللي يقولك كبسولات ولا برشام النيكوتين اوعي تجرب الكلام دا لأنك متعود علي جرعة معينه من النيكوتين اللي بتخبط في الدماغ ، والبرشام دا مبيعملش كدا . وسعره غالي ع الفاضي هتنزل محل فيب تقوله عايز بود اكسليم ( اي نوع مش هتفرق ) وتجيب ليكويد توكيو نيكوتين 50 سولت والطعم زي ما تحب بقا فواكه لو بتحب السكريات وتوباكو لو بتحب طعم السجاير اوعي تجيب نيكوتين اقل من 50 عشان مترجعش للسجاير المهم انك هتاخد نفس الخبطه بتاعت النيكوتين اوعدك هتبطل وهتكره ريحة السجاير ( عن تجربه ) وساعتها تبطيل الفيب هيبقا اسهل لأنه ضرره اقل بكتييير من السجاير حتي لو كملت فيه المهم متأنبش ضميرك متهتمش بالموضوع اوي عشان ميأثرش علي حياتك
جربت تقلل سيجارة واحدة بس كل يوم
قلل بالتدريج يعني اذا بتشرب علبتين كفاية علبة وهكذا وفيه تريك بسيطة عقلك لما يجي يوزك قول حاضر هقوم اشرب دلوقتي حاضر ومتشربش يعني بالبلدي متفاومش الإحساس واقنع عقلك انك هتعمله بس انت مش هتعمل كدة نصيحة متقطعش مرة واحدة ابدااا ابدااا ابدااااااا
لو بتبطل مرة واحدة يبقى بسبب كدة بترجع اصعب لان ان بتسحب نسبة نيكوتين كبيرة مرة واحدة ابدا تدريجى بالبطىء يعنى بتشرب علبتين اشرب علبتين وقلل سجارة كل يوم ومتسيبهاش فى العلبة شيل السجارة دى كل يوم ارميها كانك شربتها خلاص وخلى عندك ارادة هتقدر باذن الله
جرب الفيب نيكوتين 50 سولت هتبطل سجاير وكدا كدا الفيب تبطيلها سهل
هو يعنى ايه مجعبد فى الدنيا ؟ تاتى حاجه فرفش كده ايه تموت دى ازعل عادى وعيط أما تتمنى الموت لا شلالالالا
هجرب حاضر
ممكن تجرب ديزرت