بعد ما أهلي غصبوني أوقف علاج وأقعد من الجلسات مبقاش عندي حد احكيله .. من سنين كتير اوي وأنا معزول عن الدروس والمدراس والناس والشارع والهوا النضيف مكنتش بقرب من البشر حتي لما طلبت منهم قطة صغيرة تونسني ف عزلتي ووحدتي رفضوا وقالوا وحشين مع ان هما أوحش بكتير اوي .. طول السنين دي قافل اوضتي عليا ومبحبش اخرج للنور عشان بيوجع عيني ومؤذي بالنسبة ليا هما أهلي قالولي كدا ان النور غلط عليا .. ف قعدت لوحدي طول السنين دي بعد الأيام وبزق ف اليوم عشان يعدي .. فيه تفاصيل أكيد مقولتهاش بس انا أمي غدرت بيا لما عملت مشكلة وكنت هتحبس اتخلت عني وقالتلي ملناش دعوه وكنت لوحدي .. لسة كلامها بيرن ف خلايا جسمي كله لسة ساكت من وقتها مش بتكلم ولسة بحاول استوعب .. مع إني لما بينطلب مني حاجة بعملها بس من ضغطهم عليا وقعت ف دراستي وخسرتها السنين دي كلها .. دا حتي إيد الدكتور اللي كانت هتكون سبب ف إني أتعالج كانت هي الإيد اللي دبحتني .. أنا بس طلبت انهم يبعدوا عني ويسيبوني ف حالي عشان نفسي اعيش ومحدش سمعني ولما ابويا ضربي علي دماغي ب صانية المونيوم خبطني من راسي من ورا غدر بردوا وقعت علي الأرض ودموعي بتنزل وانا مبرق ف السقف ومش قادر اتحرك .. أمي جت وقتها سمعتها بتلومني ومفكرتش تشوفني ميت ولا عايش كل حاجة ف جسمي اتشلت بس انا كنت حاسس وسامع ومش مسامح .. لما فكرت أخرج للناس واعمل علاقات سوشيال عشان علي أرض الواقع حالياً مستحيل انا لسة بجس نبض العالم عامل ازاي ياتري هلاقي فيه حاجة حلوة متبقية ولا كل حاجة انهارت زيي .. قلبي بقي ضعيف اوي مبقاش يستحمل ونغزات مش بتنتهي من الضغط عليه .. أنا حتي لما اتعرفت علي ناس سوشيال كان وحشين ف كل حاجة .. مشوهين محتاجين اللي يساعدهم اسلوبهم وحش وبارد وطريقة كلامهم وعصبيتهم ونفاقهم وكلهم نسخة من بعض بالرغم إني محتاج اللي ياخد بإيدي بس كنت بساعدهم وبسمعهم وبطبطب عليهم بس ف النهاية كنت بلاقي برود وتقل عليا عشان بقيت مضمون والحاجات بتاعه المراهقة دي ف رحت مبلكهم كلهم ورجعت لعزلتي تاني ومبقاش عندي طاقة أساعد حد أو اواسي حد .. ف نفس الوقت انا مش هكدب ولا هنكر انا فعلاً محتاج مساعدة عشان مش قادر اكمل لوحدي شكراً لو قدرت تكمل لحد هنا 💙💙✨