منذ 15 ساعاتيشعر بـ مرتبك
جماعه صحابي متخانقين وانا مش عارفه اعمل ايه بجد لأن في واحده بتوريني المحادثه وبتقولي بصي طريقه التانيه و التانيه هي فعلا غلطانه بس انا مش عارفه اكلمها ولا اسيبهم يتصالحو مع بعض مع ان التانيه اصلا مفيش سبب تزعل عشانو اكلمها و اعرف ايه اللي مزعلها ولا اسيبهم هم مع بعض هما صحاب من فتره وانا صحبتهم يعتبر جديد
خليك فاكره أن هما صحاب من قبلك وانك اللي داخله على صداقتهم ف لو هتتدخلي يبقى تهدي الطرفين بس مش اكتر ولا اقل والاحسن انك تطلعي نفسك من الموضوع احسن ليكي انت عشان ميتقالش انك وقعتي بينهم
طب انت حاسه انها ممكن تكون غيرانه عليها منك فعلا ؟
مش عارفه اجيبهالك ازاي بس غالبا ممكن تكون المشكله أنها غيرانه عليها منك ف متوتره أو مش عارفه هي زعلانه ليه المشاكل دي غالبا بتحصل لما حد حد جديد بينضم لصداقه بس دا مش معناه انك حد وحش عموما لو عايزه تبقي صريحه وتسأليها اسألي
متتدخليش احسن قولي للي بتكلمك أنها مينفعش توريكي كلام صاحبتها من غير أذنها وردي عليها ب أن هي اكيد مضغوطه ومعلش وحاولي تفهمي منها هي زعلانه ليه وبس متقوليش اي كلمه سلبيه ليها عن صاحبتكوا