كان عليا درس اضافي فيزيا انهارده روحت وانا مش عامله الواجب علشان افتكرت ان احنا هنسلموا يوم الحصه الاساسي قولت هروح اقول للاسستن اني ملحقتش اعملوا وخلاص حته حاولت احل الواجب قبل الدرس وضبط المنبه مصحتش علي المنبه المهم روحت ف هي بتفتش في الامتحان وهي اصلا بقالها خمس حصص مبيتفتش المهم كلمتها بهدوء وقولتلها انا معملتش الواجب وهسلموا اليوم الاساسي قالتلي انتي عامله بقا نظام مع نفسك ولا ايه روحت ان مرضتش ارد علشان متخنقش معاها المهم جت مشيت وخلاص و لقيت بنت تانيه بردو قالتلها نفس الكلام راحت قعدت تلقح عليا وتقول واحده مش عارفه تقولي ايه والتانيه مش عارفه ايه لا لما المستر ييجي بقا نبقا نشوف الموضوع ده ف انا اصلا كونت معرفه ماما وماما قالتلي روحي ولو كلمتك رني عليا ف رنيت علي ماما والاسستن دي قعدت تتسنط وتبص عليا وانا بكلم ماما ف الشبكه وحشه في السنتر ف الخط قطع راحت وهي واقفه قدام صف الولاد وكلهمممم بصلي راحت قالتلي هي قفلت علفكره وانا مبتكلمش كده ف انا مرضتش ارد عليها علشان محدش من الولاد يقول عليا قحبه ولا مش كويسه ف قولتلها انا بكلم ماما ولما جت تلم الورق نتشت مني الورقه المهم الحصه خلصت و روحت حكيت لماما اللي حصل وماما مغلطتنيش بس صحابي بيقولولي انتي كبرتي الموضوع مش عارفه بقا انا كبرتوا ولا لا بس بجد طريقه كلامها فعلا وحشه ومش اول مره مره تانيه بردو بقولها يا فلانه انا بعتلك كام سوال علي الواتساب ومردتيش عليا راحت قالتلي انا قافله موبايلي روحت بقولها طب ما تفتحي وتردي علي الاسئله ومش مره واحده ولا انا بس دي مع كل البنات كده المهم انا بصراحه خايفه منها علشان ممكن تسخن المستر عليا ويهزقني قدام العيال في الحصه وانا معملتش حاجه ومش عارفه اعمل ايه
أنا عارف انك بتفضفضي بس ملهوز لازمه تقولي كلمه قحبه كان كفايه مش كويسه
بصي اولا متخافيش من المستر طالما مامتك عارفة ده اولا ثانيا انا مش عارف بصراحة الاجيال اللي جاية دي كلها عاملة كدة ليه كلمة قحبة دي انا واحد مخلص جامعة ومبقدرش اقولها قدام بنت ولو قدام صحابي انا بقولها على استحياء انا مش عارف بصراحة الاجيال اللي جاية دي مين لعب في دماغكم يا بنتي والله ما بهاجمك انا خايف عليكم انتو اتجريتوا ورا التيك توك والخراب ده كله وفقدتوا حيائكم اللي كان مميزكم وسر انوثة البنات في حياءها انا مش عارف انتي ليه اخترتي الكلمة دي بالذات وكمان واضح من كلامك انك لسة سنك صغير مش عارف بصراحة اما انتو بقيتوا بتقولوا الألفاظ دي امال ولاد دفعتكم بيقولوا ايه نصيحة مني لوجه الله يا بنتي متتجريش ورا اللي عايزينكم تبقوا امهات نواشز وبلا حياء ومتتغريش بكتر البنات اللي حواليكي اللي بيقولوا الحاجات دي وحاولي تنصحيهم وتصلحي اللي باظ من جيلكم انا كنت اعرف زمان ان البنت اللي تسمع لفظ زي ده من ولد فدرس كانت ممكن تخرب الدنيا وافتكر ان مرة بنت واحنا في ابتدائي اشتكت في مدرس ان قال لولد ميتين اهلك والمدرس ده اتفصل ربنا يستر على الاجيال اللي جاية
فاهمة انتي حاسة ب ايه ودايما بيكونوا شايفين نفسهم عليكوا مع انهم اكبر منكوا بكام سنة فالاخر فالعموم لو معرفتيش تحلي الموضوع بنفسك خلي مامتك نفسها تكلم المدرس تحكيله اللي حصل وتعرفه ان مفيش فايدة ليهم فالدرس لما هما مش بيردوا يجاوبوا وطريقتهم وحشه وكمان بتهزر على قفاكوا عشان الولاد تضحك متخليهاش تتخطى حدودها معاكي ولو المدرس نفسه مكنش عاجبه الكلام في مليون مدرس غيره غيريه المهم الشتيمة اللي قولتيها دي متقوليهاش تاني خالص ماشي
بصى هو كل اسيست بيبقوا نفس نظام بس مهم انتى متغلطيش هى خليها تغلط تانى لو حصل وساعتها روحى للمستر بامك واشتكى ومعاكى حق بس ماغلطيش وساعتها هتتعدل حتى لو متحاسبتش
الواضح من كلامك ان سنك صغير ثانيا بصي انتي مش غلطانه في حاجه وهي واحده مش كويسه عامة وانها تتكلم كدا ومتردش وانتي حقك تدافعي عن نفسك ومتسمحيش لحد انه يكلمك بطريقة وحشة . وبعدين اهم حاجه في اي درس انك تلاقي اللي يرد علي اسئلتك ولو ملاقتيش ده يبقي تسيبيه احسن ولو هي حكت للمستر والمستر ضايقك بكلمه يبقي بلاها الدرس خالص وغيري المدرس طالما هو هينصفها عليكي وهي اللي غلطانه
انتي مغلطتيش قولي للمستر علا اسلوبها الوحش