هتبقى حاجه غبيه اوي لو فضلت اقولك قومي صلي عشان ربنا والكلام ده كله وانتي اصلا فاقده الشعور اتجاه الصلاه ومش حاسه بقيمه حاجه دلوقتي بس يبنتي والله لو خدتي راي مليون واحد هنا مفيش حاجه برضو هتساعدك عشان انتي مش مساعده نفسك اصل كلنا عارفين ان الصلاة جنه ونار، الفاصل الوحيد بين الكفر والاسلام فانتي في ايدك الزتونه كلها بتسالي دلوقتي يبقى جواكي خير وخايفه من ربنا فمتخليش الخير ده يتمحي بتجاهلك خدي شويه نصايح ممكن تساعدك: اتوضي كل لما تدخلي الحمام خلي حاجه الصلاه قدامك دايما حطي روايح على سجاده الصلاه بتاعتك تعلق في دماغك وتفتكريها دايما بالصلاه اكتر من كدا محدش عنده حاجه يقدمها ومفيش حد هيبقى خسران غيرك فقومي الحقي دنيتك واخرتك عشان هي بتخلص في ثانيه ربنا يصلحك

باين في كلامك اوي انك فعلا متشتته و عشان ترجعي تصلي تاني محتاجه تعملي حاجتين اول حاجه شوفي حد يجاوب علي الاسئله اللي في دماغك عشان يرجع عندك سبب انك تصلي قوي تاني و الحاجة التاني الصلاه زي العاده هيكون في الاول هيبقى في مقاومه بعد كدا هتتعودي و تحبي الصلاه انتي بس محتاجه تبدأي حتي لو هتصلي صلاه واحده في اليوم و معلومه جانبيه لو حالتك النفسيه مش أحسن حاجه الصلاه هتحسن منها أحسن حتي من اليوجا أو التأمل و لو اشتكيتي لربنا هتبقا كمان زي جلسه الثريبي و الاهم من كل ده كل شئ في الحياه توفيق حتي العباد عشان كدا ادعي ربنا يعينك علي العباد و في دعاء مشهور اوي الرسول قال عليه و هو اللهم أعني علي ذكرك و شكرك و حسن عبادتك و ربنا يوفقك و يهدينا ويهديكي للاختيار الصحيح و أن شاء الله بعد شهر من دلوقتي تكوني انتظمتي في الصلاه أبشري ربك كريم 🤍

اسمعي مناظرات دكتور ذاكر نايك أو احمد ديدات

اسمعي الشيخ سيمر مصطفى وهتدعيلي والله دا روح قلبي دا ♥️

ارجعي لربنااااااا بسرعه، سيبك من الناس دي، لما تدرسي دينك صح ابقي اقعدي مع الناس الملحده،. لكن إحنا أصلا جاهلين بديننا وضعاف الإيمان نقوم نضعفه أكتر

دا شيطان متخلهوش يتملك منك استغفري ربناا كتير و سبحي كتير و استعيزي من الشيطان كتير

انا حاسك في رينج ١٦ سنة صح؟ دا ديما السن اللى بنبدأ نفكر فيه واللى بيحدد هتاخد انهى طريق مالطريقين كانت اصعب فترة في حياتي يوم اؤمن ويوم لا نصيحتي متختاريش دلوقتي عشان اختيارك هيكمل معاكي مدى حياتك، وانتى لسه صغيرة قراراتك مش هتبقى مبنية على اسس صح، حتي لو اخترتي اليمين هترجعي تشكي بعدين قضي وقتك فى السيرش واسمعي هنا وهنا بحجة الفضول، وحطي تارجت لنفسك انك هتقرري بعد سنة كاملة من البحث، ساعتها ضميرك مش هيانبك عشان هتكوني عملتي اللى عليكي ومشيتي ورا عقلك مش شهواتك ولا كلام الناس، وساعتها اختيارك هيكمل معاكى عمرك كله

و اهم حاجه اقرائي قرأن

ربنا يهديكي و يثبتك و يهدي جميع المسلم

صلي ركعتين لله و استغفري ربنا و سبحي كتيير اوي