فانا في واحدة كنت بنتناقش معاها النهاردة علي الذنوب وكدا وكانت بتقولي يعني في شيخ بيستنكر يعني بعض البنات المنتقبه اللي بينزل صورهم أو ايدهم أو النقاب المتدلع يعني وبيلفت شوية من حلاوته يعني الهم قولتلها اه بس ليه كل حاجه هتمشي مظبوط يمكن هي بتجاهد من جواها قالت لا مفيش حاجه اسمها كدا لازم تعمل قول يمكن هي بتعملها خطوة خطوة قالت لا الحجات دي بتجي مرة واحده او عمرها ما بتيجي... المهم الموضوع فجأه اتحول بقي عليا وانا بقول لا ماانا بردو لنا غيرت لبسي كان خطوات من نفسي قالت لا دا انتي باباكي اللي جبرك ودا والله ما حصل ... وبدأت بقي تحكم عليا اني بسمع اغاني كتير اوي وكدا ومستحيل ربنا يوفقني قولتلها يمكن انا يجاهد في حته تانيه مين عارف ... تاني حاجه الشخصيه دي مش بتقبل النصيحة ابدا ولا النقد كان نقاش غريب فعلا مش عارفه هل انا كلامي فعلا صح ولا ايه انا شايفه طول ماانت بتحاول وترجع وتحاول تاني وكدا دي في حد ذاتها حاجه كويسه حتي لو مش باينه للناس
كلنا بنجاهد نفسنا
كلامك انتي الصح وسيبك من الي بقول بتيجي مرة واحدة، كلنا بنغلط ونقع ونقوم ونقع ونرجع نحاول تاني، عمرها ما كانت بتبقى مرة واحدة، بس سيبك منها هي مش بتدور عالصح هي بتجادل بس المهم انها ترد وتحاول تغلطك، كلامك انتي منطقي اكتر ويدخل العقل وفعلا مفيش اهم من ان الشخص يفضل يحاول ويتقدم حتى لو بخطوات بطيئة، والرسول صلى الله عليه وسلم بيقول أَحَبُّ الأعمالِ إلى اللهِ أدْومُها و إن قَلَّ
فكك منها عموما طالاما بالفكره دا لكن نقطه المنتقبه اللي بتطلع تتصور و تتمايل دي صح فعلا ودا مش ذنب قليل او حاجه تتعدي لان دا اساءه وهيا مهما كانت واخداه بتدريج فهيا المفروض تلتزم بيه و تفهم انه للعفه والوقار كاني كد بقولك انا مش متعود ع الصايم فا هشرب حاجه بسيطه من الوضوء هتقوليلي وقتها كد دا اسمه استهبال هقولك اصل انا اول مره اصوم و بجاهد نفسي! فا في حجات مينفعش مفهاش خالص
كلنا بنجاهد نفسنا مفيش حد خالي من الذنوب مكنش ربنا عمل لينا حساب ولا خلق نار و جنه لو هتبقي ملتزمه اوووي ي فاسده كلنا بنقع و نقوم تاني الشاطر الي يقع في الذنب و يعرف يرجع تاني بس دي لو وقعت مش هتعرف تقوم ليه عشان هيا موقعتش قبل كدا ف هتكون وقعه قويه مفيش حد خالي من الذنوب اكيد مش كلنا غلط و هيا الصح الناس الي زي دي احسن حاجة انك تبعدي عنهم بجد النقاش معاهم متعب و في الاخر هما صح مهما كان هيا غلط ريحي دماغك