كذب

حابه افضفض بحاجة هنا وحد يدينى حل او يهون عليا فى اللى انا فى كنت بكلم واحد من على السوشيال ميديا وحبيته واتعلقت بى كنت اعرفه من 3 سنين كل فترة كنا بنتكلم وحد فينا يسيب التانى بس هو كان بيسيب اكتر اكتشفت ان انا اضحك عليا فعلاً وكان كله كلام وكدب انا عارفه دلوقتي انه خلاص وهو مش بيحبنى بعد خناقات ومشاكل كده كتير و حوارات وقالى انه بيحب حبى لى وانه لسه بيحب حبيبته القديمة وبتاع بنات وانه مينفعنيش وكده المهم انا دلوقتي مش قادرة انساه وكل فترة بفتكرو وبعيط وبزعل اوى انا عارفه انه شخص مؤذى وميستاهلش حبى ولا دمعتى بس انا بجد مش قادرة اتخطاه بقالى شهر ونص يعتبر سايبين بعض بعد ما قولتله ان متقدملى عريس وقالى ربنا يسعدك وقالى ان حبيبته القديمة ماتت وبيروح لدكتور نفسى انا طبعاً مش مصدقه اوى الكلام ده بس استوعبت أخيراً ان كل ده كان بيلعب بيا وبمشاعرى يعنى وشوية كلام ووعود كله كان كدب انا دلوقتي مش قادرة امسك نفسى بجد تعبانه جدا من جوايا وكل لما اقول انى فوقت خلاص وان انا تمام برجع تانى احنله وافتكر ذكريات معاه ومواقف وكلام كان فى ايام حلوة والحقيقة هو وحشنى جدا وخايفه اروح ابعتله بس ده مستحيل مينفعش يحصل اصلا لانى خسرت كرامتى اكتر من مرة معاه تعبت ومبقتش عارفه اعمل ايه محدش يقولى اتلهى فى حاجة او اشغلى وقتك لانى شغلت وقتى كتير اوى وحالياً انا بفتكرو وانا بذاكر وعندى امتحان ومنهاره ونفسى اسمع صوته او اشوفه لانه عامل بلوك من كله معادا الفيس بس الصورة مش واضحه خايفه أضعف زى كل مرة لما يبعتلى وارجع تانى فى نفس القرف انا عاوزه بس مينفعش مش عارفه حد هيفهمنى ولا ايه بس فى صراع بين قلبى وعقلى بس كل اللى اعرفه دلوقتي ان اضحك عليا وانا حبيت واتعلقت وكنت فى وهم وبحاول انساه واركز مع نفسى مش قادرة مش شايفه غيره فى احلى منه واحسن منه واشطر بس هو بس اللى فى دماغى

جماعه انا ليه كل ما أعجب ب حد وافتكره محترم اكتشف حاجه تانيه خالص ليه حرفيا للمرة التانيه يحصل معايا كده طب الولاد بيكدبوا ليه بيمثلوا أنهم بيرفكت وأنهم مش بيتكلموا مع بنات والجو ده وفي الاخر تلاقيه عامل فولو ل بنت صاحبتي يعني هيستفادوا ايه

بحاول اتخطي او بحاول اقنع نفسي اني اتخطيت و اني بقيت زي الفل بحاول اكدب علي نفسي و اشغل نفسي علشان مش عاوزه احس انو فارقلي كل درجه دي مش عاوزه احس اني تعبانه بسببو بحاول اعدي يومي و اشغل نفسي بس لما بيجي بليل و اقعد مع نفسي غصب عني بفكر و ساعات بقعد اعيط علي مع اني مش الشخص دا ديما كنت ماشيه مبدأ الي يبعني هبيعو و مش هفتكر حته اسمو من تاني يوم بس اديني اهو دخله علي سنه و مش عارفه اتخطها و تعبانه بس بحاول اقنع نفسي اني اتخطيتو وبكدب علي نفسي

انا و واحد كنا قارين فاتحه ف حصل بينا مشاكل وسبنا بعض ف كنت متخانقه مع واحده كده وبعدين اتصالحنا وهو مكنش يعرف دخل قالها لو عايزه تصالحيها روحي يلا صالحيها دي عملتلك كذا وكذا وفضل يولع الدنيا بيني وبينها واتكلم عني وحش وكان قايل كلام عليها مش تمام ف أنا كنت قيلالها الكلام ب حسن نيه عشان تاخد بالها من تصرفاتها ومحدش يقول عليها كده تاني قام هو عرف اني قولتلها وقالها دي كدابه انا مقولتش كده و صحبتي دي سكتت ومردتش وبعتتلي اسكرينات عشان عارفه انو كداب عشان كنت مورياها شاتو وهو بيقول كده عليها ف بعدها بكام يوم دخل كلمني قالي انتي شلتيني من الانستا ليه كويس انها جت منك عشان كنت هشيلك اصلا قولتلو ايوا انا كنت بقلب عالتيك توك شوفت الرد بتاعك ده طالع ترند بس ترند كرينج شويه جدد ف ردودك وبعدين لقيتو منزل كلوز فرند وانا اصلا مش عندو فالانستا بس محطوطه فالكلوز ومنزل صوره واحده وكاتب عليها بنتي قولتلو حلوه بس انا احلا وازاي انا محطوطه فالكلوز واحنا مش فرند عند بعض قالي انا مخدتش بالي وزي م بدأت معاكي حلو هنهي معاكي حلو قولتلو انت امتى اصلا بدأت معايا حلو قالي انا اصلا مش همسك الفون كتير عشان الشغل وكده ومتزعليش وحصل خير قولتلو انت راجل بصورم قالي انا راجل بصورم! وبعدين بعتلو الاسكرينات بتاعتو معاها قالي اه انا قولت كده قولتلو اه م انا عارفه عشان صورمك طافح عليا قالي انا غلطان ان كلمت واحده شبهك ودخلتها حياتي قولتلو الله يرحم لما كنت بتفضل تتحايل علي صحابي يخلوني ارد عليك لما كنت متعلق عندي ف ريكوست الانستا قام سكت وقالي ربنا يوفقك فحياتك بس. انا مغلطتش انا كنت فحالي وهو إلى بدأ ولو علي الغلط غلطت بس اني كنت قيلالها كلامو بس كان بحسن نيه والله عشان محدش يقول عليها حاجه زي كده تاني

انا تعبت والله انت ليه بتعمل كده حتي لو انت مضغوط علي فكرة و انا كمان بس ليه الكذب ليه تفكر حتي لو عايز تبعد و تقعد لوحدك ليه تعمل كده طب لو انا بضغطك قولي عادي لكن ما تكدبش ما تختارش انك تكذب بدل من انك تقولي مثلا ما تتصليش او حتي نحدد وقت نتكلم فيه لكن ما تعملش كده زعلتني و ضايقتني اوي اوي بجد

اعتقد من أسوا اللحظات اللي ممكن تمر علي الاإنسان لحظة أكتشافه قد إيه هو مغفل وإنه كان مضحوك عليه وهنا بقى بتبدي دماغه تسوحه وتخليه يشك في كل ذكری وكل كلمة اتقالتله اللي هو بص يا عبيط بص كل ده كان كدب وأنت صدقت وطلعت ما تهمش اكتر ناس حبيته و اتخلو عنك كانك رماد

احساس وحش اوى انك تبقا مهزوم قدام نفسكً مهزوم لدرجه العجز و الشلل .. الشلل عن كل حاجه وكل حركه و كل لحظه ممكن تفكر حتى فيها وحش اوى احساس انك ديما خسران فى رهانك على كل الناس اللى حواليك خسران مع اهلك و اصحابك و كل اللى حبيتهم ولما حسيت انك خلاص هتبدء تحس بلحظه انتصار ينزل علي وشك الف قلم يقولك انت اتجننت انت عايز تفرح فترجع تانى لنقطه الصفر بكل هزيمه انا حقيقى مبقتش عارفه اقف على رجلى تانى و مبقتش عارفه اكون شخص داعم ل اى بنى ادم حوليا حتى نفسى لا بقى عندى خلق ولا طاقه و لا مجهود ل اى حاجه نفسى استسلم واسيب الدنيا كلها وامشى و حقيقى مش عارفه بعد الخطوه دى هيبقا مصير بنتى ايه وحقيقى كل همى انها متشوفش نفس اللى شوفته و عيشته من تعب ابويا و لا مبالاه امى خايفه اوصل للمرحله دى وتشيل هى الطين زاى ما حصل معايا مش عارفه اطلع من الكابوس دا و مش عارفه اعمل ايه مع شخص مش قادره اثق فيه ثانيه كل كلامة كذب وكل وعوده كذب و كان حياتى معاه كلها مبنيه على باطل

عاوزه رأيكم أنا دلوقتي حبيت واحد بس مش حب الحب يعني الشخصيه وطريقه التفكير وانو مريح كده ف كنت بحب اتكلم معاه حسيته ناضج كده وفاهمني بس كنت لسه هعترفله اكتشفت انو كلم بنت غيري وبعدين قالي انها كانت زميلتو وبتاع وانو ندم وسامحته بعد فتره دلوقتي عمل نفس الحوار وكلم بنت وكدب واكتشفت ف انا سبته رجع قالي خدي الاكونتات وانا مش عايز غيرك انا عارفه انو مينفعش اسامح بس هل كده ممكن يكون ندم ولا لا

في يوم والدتي قالتلي أنا عاوزاك تبطلي كلام مع فلان قولتلها أنا عمري ما كلمت حد وفضلت مصرة أننا كلمته و بعدين وقعت في الكلام وقالت إن ابن خالتي هو اللي قالها اني بعمل كده (ابن خالتي في نفس عمري) و عدى الموضوع على خير و بعدين اختي في يوم نسيت اللاب مفتوح و لاحظت أنه بيكلمها و باعتلها علي الواتس و مرتبطين ببعض و من صدمتي فضلت اقلب في شأنهم و مكنش هاممني خصوصية او انها تزعل مني أو اي حاجه و لقيت ان هو اللي قائل لوالدتي ان أنا بكلم فلان ده و فيه بيننا علاقة واختي كمان سمحتله أنه يطلع عليا سمعه زي ده واكتشفت اصلا أن والدتي وخالتي عارفين انهم بيكلموا بعض ابص في وشهم ازاي دلوقتي و هم مسببينلي مشاكل نفسية وفي المقابل هم مبسوطين و كل واحد في حياته مع ان أنا بالشكل ده انضف واحد فيهم واكتر واحد متسببله مشاكل

بعتذر لو البوست طويل انا اتعرفت علي حدفي جروب ماده مشتركه بنا تبع الكليه بدا بلطف وحنين وكويس وحبيتو وهو كمان اما روحت اعترفتله بكدا قالي انه بحيبني كان له صاحب مسيحي بيحبو وبيحكلي عنوو دايما صحبو دا. كان ملامحو جميله صحابي شافو صورو فصحبتي كانت عاوزه تتعرف عليه وقولت لشخص اللي انا مرتبطه.بيه بعت رقمه وكان بيكلمها وعدا وقت والدنيا كويسه وهو كان فوق الروعه في التعامل المهم جه في يوم صحبتي بعتت ليا اكونت فيه صور صحاب الشخص اللي ارتبط بيه دا وكان لشاب تاني خالص بنفس الصور وبلوجر اما وجهت اللي مرتبطه.بيه قالي دا هزار وانا كنت عارف انك هتعرفي واسف وبتاع وعتذارات ويكلم صحبو دا ويتخلنق معاه زيبعتلي اسكرينات انه هيخسرو علشان خلي شكلو وحش قدامي بتاع وقالي ان البلوجر دا صحبو المسحي صحاب يعني واما دخلت كلمت البلوجر سبحان لله ان يرد ورد عليا وقالي لا معرفش حد بالاسم دا بعد المرحله دي سمحتو واتعاملت عادي جه في فتره كدا اتغير وقالي ان سال شيخ عن علاقتنا وقال انها حرام دا كان في رمضان اللي فات وان لازم نبعد وبتاع بعدنا فعلا وكان قلبي بيقطع ومهموش وكان بيسال عليا من وقت لتاني واما قطع كلام فجاه دخلت انا اطمن عليه قالي اصل البنت اللي كان مرتبط بيها هو كان مرتبط قبلي علي حسب كلامه جالها كانسر وزعلان وباباها قاله ان هي عاوزه تشوفه وان البنت دي كانت علي مدار علاقتنا بتحاول ترجع وان عاوز يبين ليا الواد الجامد بقي اللي استحاله يجرع لحد سابو وكان بيقولي ان عندو شله في القاهره لللي هي صاحبو المسيحي دا وشابين وبنتين منهم اخت صحبو المسيحي والبت اللي كان مرتبط بيها ادور علي اكونت حد فيهم معندهوش شكيت ان كل دا تحوير من دماغو مش عارفه الهدف ايه اما عرف ان اخويا كان اتوفي في حادثه.حكالي ان حصلو حاجه كدا مع صحبو ونزل استوري ان بيدعي لصحبو وان ياعيني افتكر وكلام من دا وحاسه دا حوار كمان في شهر خمسه اللي فات نزلنا نتقابل كان اول مقابله بينا قالي انتي قصيره اوي وكنا قاعدين عادي حسيتو علق علي جسمي ان تخينه خسي شويه مع ان وزني مثالي بشهاده الكل اطولي شويه مع ان طولي مناسب مع وزني يعني انا 155 سم ووزني 55 كيلو بس انا بحبك علي اي وضع تقبلت كلامه وعادي اتقبلنا تاني في شهر سته وكانت مقابله عاديه نص شهر سبعه سبنا بعض لاسباب تافه بيقول تفكيري مريض معني الكلام وتفكيري اللي خسرنا بعض وانا السبب بسبب تفكيري وكلام من دا مع ان معاملته معاياواللي كانت قذره وانا كنت بتسحمل بعد تالت شهور ورجع كلم صحبتي انو ندمان وظلمني ومحبش قدي بعد محيلات كتير اوي مني ان يرجع واما بطلعت احاول رجع هو تالت شهور في عذاب لحد ما بدات افوق لاقيتو رجع مع ان قالي نفس الكلمه ان خلاص مش هيرجع مع ان حولت كتير وصلنا ان اما كلم صحبتي ندمان وبتاع انا رجعتلو وكان فوق الروعه اما بدات اتعلق بدا يتغير كنت حطيت تاريخو بايو عندي قالي شايلي التاريخ من البايو شكلو مش حلو وكان باعت رسايل قبلها ببرود كدا لاقتني مره واحدة بقوله مش عاوزه اكمل بعتلي كلام ان مش مقدره ضغطو ولا اي حاجه ولا مقدره تعب مامتو وان تفكيري مريض انهرت وقعدت ازلل انو يرجعلي ودا وجعني اوي راح بكل بساطه قالي انا اللي مش بحبك ومش عاوز اكمل قولتله مش بتحبني بجد ونظراتك ليا دا كان ايه قالي كان حب حقيقي للاسف طب في ايه يقول كدا وايه يقول كدا كلامو كسرني وكان صعب روحت بعتله ان هو مش راجل ولا قد الوعد والمسؤوليه وان ربنا هيردله الوجع دا اضعاف وكل حاجه بتترد وقالي انو مش هيرجع زي المره الاولي انا عاوزه يرجع ندمان علشان احس ان كرامتي رجعت مش علشانو هو ولا علشان ارجعله حسسني ان فعلا مريضه نفسيا وان الغلط مني وفي تفكيري وان شكلي وحشي مع ان بشهاده الي في حياتي ان ملامحي جميله ووزني مع طولي مثالي وان حد كويس بس انا حاسه ان ثقتي ادمرت روحت لدكتور نفسي من ورا اهلي بس مكملتش معاه لان مش قادره.اشوف نفسي في الحاله دي انا بكرهه الشخص دا اوي وكنت في عذاب هو كان اول شخص في حياتي وحبيته فوق الوصف حاسه ان دا ذنبي ان حبيتو بجد انا مش بنت وحشه انا كويسه والله بس ممكن اخترت غلط بمثل طول الوقت قدام الكل ان تمام علشان محدش يلاحظ او يسالني

صباح الخير طول عمري عايش لوحدي ودي حاجة بقت طبيعية جدا بنسبالي لحد ما ظهرت هي في حياتي .. الوضع اختلف بقيت ببقي عاوز اليوم يعدي علشان اشوفها اعد الساعات اللي انا عايشها من غيرها .. عدت سنين واحنا مع بعض لحد ما اكتشفت في يوم ان كل ده كذب وانها بتخوني مع ولد تاني .. المشكلة ان الولد ده مش احلي مني ولا حتي معاه فلوس عني ولا حتي شغال شغل احسن مني الحمدلله ميتقارنش بيا اصلا لكن الخيانة وجعتني اوي ... مع ذلك اخترت اني اكمل معاها بعد ما وعدتني انها هتتغير وانا علشان بحبها اخترت اكمل معاها ويارتني ما اخترت ... انا كل يوم بفكر انها بتخوني كل يوم حاسس انها بتكلم حد لحد ما جت المفاجأة ماشي في الشارع لقيتها في حضن شخص تاني حاسس اني مكسور وموجوع ومش عارف اعمل ايه 💔

انا كنتواحد عادي والله و ملوش في الارتباطات و الحجات دي بس جه واحد صحبي و كنت بعزه اوي طلب اني ارجعه للاكس بتاعته اكسه كان عندها صاحبه فبعتلها من اكونت فيك من باب اساعد الولد و حاولنا نرجع الامور و نرحع الميه لمجاريها بس معرفناش المهم انا و البنت دي اتكلمنا صدفه والله بعد ما الحوار كان اتنهى و عرفت انا مين بعديها المهم اتكلمنا كتير اوي و كان الحوار عاجبني الي هو اللع اهتمام و هي كانت بترتبط كتير غالبا بس مكنتش مستوعب دا بعد فتره و اخنا بنتكلم حبيتها بعد مواقف كتير محرجه سببتهالي و خلت شكلي عبيط فيها و ارتبطنا فضلنا حبه مع بعض بس كنت بحس ان فيه اهتمام منها ناحيه الاكس بتاعها بس تلاتشيته المهم اني اكتشفت بالصدفه بردو انها شاتمه عليا مت صحابها و متريقه و وخداني لعب ر بتاع متردتش اني ابلكها و عملت دا و كنت مجروح جدا ساعتها فضلت تحارل انها ترجع و انا ضعفت و رجعت بعديها بفتره و بحبها اكتر من الاول حسيت انها بتسلك و شكيت دخلت اختبرتها من اكونت فيك و دا غلط بس لقيتها بتستجيب عديت الحوار و خلاص قولت هاحي على نفسي ان شتء الله تتغير فنفس الوقت دا صاحبي الي كان سبب اني اتعرف عليها اذاني جامد و اتكلم عليا و حوار هيا قربتلي من الحته دي و عرفت ترجعلي تاني قضينا فتره كبيره حب برضو و راحت شتمتني عند صحبتها و الكلام وصلي بس انا كملت معاها عشان بحبها و باعتني و حطتني في مشاكل مع ناس في حوارات تاليف منها و كملت عشان بحبها لغايه ما اكونت غريب لقيته باعتبي اسكرينات و هي بتقول انها لسا بتحب الاكس و انها قد اي بتكرهني و زهقت مني ساعتها انسحي و كان لازم دا يحصل و بلكتها حاولت كتير اوي ترجعلي انا كنت رافض بس حاولت تبقا صحبتي و بعديها اكتشفت انها بتكلم واحد صاحبي من اكونت فيك هنا انا دا كان بعد وقت قصير اوي من بعد ما رجعنا نتكلم قطعت فتره و رجعت تكلمني تاني و كلمتها و حقيقي كنت بعاملها وحش اوي اوي بس قبلت دا بس انا كنت اتاذيت نفسيا منها و من شخصيتي الي بقت في الارض لمجرد اني بحب ظهر صاحبي الجديد الي كان كله بيقول عليه لا و انا كنت قابله حكيتله كل اسراري و كل حاجه و دخلته في حوارات مهمه اوي بالنسبالي صاحبي دا اكتشفت انو دخل كلمها بدون علمي على اساس انه عايز يرةعنا و عرفني دا متاخر و قولتله اني م شعايز دا اكتشفت بعد فتره انهم لسا بيتكلموا و لما عرف اني عرفت جه قالي هنرتبط انا و هيا و بتاع و بتعاملني حلو و انت بتحور ف انا سبته و صاحبي دا كان بيكدب كتير اوي و راخ قالها كلام كلو اذى ليا و يوديني فداهيه و هو مش حقيقي و هيا بلكتني و انا بقيت لوحدي عارف اني غلط افكر كذا و الحوار كلو غلط بس انا تعبت

كُل حاجة حوالينا بقت واضحة جداً الحقيقة . عارفين مين بيحبنا ومين لأ ، مين بيتمنى لينا الخير ومين مش طايق يشوفنا بخير ، الحقد بقى يبان ، الكدب بقى يبان ، كُل حاجة بقت باينة وواضحة ولو كُنا بنعدّى ونكبر دماغنا فدا بنعمله بمزاجنا ، لكن إحنا لا عُبط ولا سُذّج .. إحنا فاهمينكو كويّس أوى .

جماعة هو لو انا اتضايقت من شخص ف شغل لسة ريحاه جديد و طبعا هو تبع المدير ف لقيته بيقولي أن الشخص ده لسة جاي من شهر مع العلم أنه قديم يعني بيكدب و حصل بيني وبين شخص غيره مشكلة و لقيته ع الاكونت غير تاريخ بدايه شغله بدل من سنتين لا ده كتب بداية من الشهر اللي انا روحت فيه ومعملش كده غير بعد ما انا مشيت من المكان ... ف حاسة أن ده بإتفاق من المدير مع الشخصين ف هما قاصدين يوصلولي ايه بالظبط ؟؟؟

كنت بحب ولد من 3 سنين كنا سوا و كان كويس جدا معايا مش هلاقي يعني احسن من كده المهم حصل مشاكل بعدنا و بعدها هو رجع تاني يكلمني بس انا رفضت و كنت انانيه بعدها بكتير حبيت اني ارجع أكلمه ف بعتله و اتكلمنا و قالي أنه لسه بيحبني و انا كمان بحبه و عايزه كل حاجه ترجع و هو كمان عايز كل حاجه ترجع المهم كنت حاسه في حاجه غريبه ف أسلوبه ف كلامه ف كل حاجه و قولتله كده بس هو قالي لا ده طريقتي اصلا انتي الي نسيتي و كلام كده المهم بعتله فولو ف موافقش ابدا يقبله ف قولتله ليه قالي كلهم ولاد و مش هينفع ف انا مسكتش دخلت بالاكونت الفيك و عرفت مين الي عنده و شوفت الناس الي عنده طلعوا عالم غريبه بنات و لاد جروبات و ناس قليله الادب و طلع بنات كتير اوي صحابه و بيحبوه و بعدها قعد يقولي ليه دخلتي ف الحاجات دي ليه انتي مش شبهم اخرجي انا هخرج من كل ده و هظبط كل ده و نبقي سوا سبيني يوم واحد و هظبط كل ده صدقيني انا عايز أخرج منهم اصلا علشان زهقت من الناس دي لكن أنا مسكتش دخلت و شوفت و عرفت أنه مرتبط ببنت منهم و البنت دي بتحبه و هو من كلامها أنه بيحبها و انها بنت بلده يعني من سوريا و أنه هيختارها و أنه حبيبها انا اتصدمت المهم هو عملي بلوك من الاكونت الغريب ده و طلعني من الجروب و فضل يسكتها و يقولها أني مهوسه بيه و هو بيحبها هي وانا ماضي و جه قالي أنه بيقولها كده كذب علشان يعرف يخرجها من كل ده و يخرج هو و كلها يومين و هيمسح كل حاجه و يبعد عن كل ده و يبقي معايا بس انا مش قادره غيرانه أنه معاها و اتصل بيا امبارح يفهمني بس انا مش عارفه اصدقه قالي اني انا غبيه اني دخلت و عرفت كل ده و قالي كله كان هيتصلح بس انا بوظت كل حاجه خايفه اوي يكون بيكذب عليا و هما بيحبو بعض بجد طب لو بيحبها ليه مخليني كده جنيه و عايزني اساعده و ليه قال عليا كلام وحش معاها و العكس و قال عليها كلام وحش معايا انا مش فاهمه حاجه انا فتحت من شويه لقيته شايل كل البنات ما عدا هي و هو كمان نفس الكلام