طبيعي

قالي انت معندكش ضمير ومش بتفهم وانا مش زي الناس انا الطبيعي مشكله من سمعي اعتبر انا فهمت الشعور الناس وانا مش زي اي حد ....يبقي كنت حاسس اي حد كان زعلان انا فهمت هو زعلان كذا واي شعور انا فاهم وهما مش عاوز يحكي وكدا انا مش زي اي حد ...

عايزه اقول حاجه عارفه أنها غريبه بالنسبالي اوي أنا اغلب اللي بينجذب ليا بيكون أصغر مني بجد في الشباب لدرجه معندهمش مشكله يدخلوا ريلاشن مع حد اكبر منهم الموضوع ايزي بالنسبالهم بفكر ساعات هل أنا دماغي شبه تفكيرهم دا سبب ولا دا عادي

انا بحب ريحه البنت بدون برفيوم او شاور لو اتجوزت هكون حابب مراتي متاخدش شاور كتير او متغيرش هدومها كتير مش عارف اي سبب دا بس هل ممكن يكون عادي بالنسبه للبنات او يكون في بنات عادي بنسبالها دا مع العلم انا نضيف جدا

هو ازاى اقدر افهم نفسي اكتر واتحكم فى تصرفات وردة فعلى كمان ازاى أوجهه المشاعر بتاعتي فى مكنها الصح عندي مشاعر كتييير اوى اوفر بس مثلا فى موقف محتاج جديه تلاقيني بضحك فى موقف محتاج انى اكون متعصب اكون عادى ازاى افهم مشاعر مثلا زي مشاعر الحب وما الى ذالك ازاى اكون طبيعي !!!!!

هو طبيعي أن ساعات بيحصل حاجات مثلا حد عزيز مات أو كده بس بتلاقي انك مش بتعيط وشكلك مش فارق معاك مع الوقت تلاقي نفسك في مسلسل أو حد تافهه تلاقي نفسك بتعيط وبحرقه هو ده ايه بجد محتاره جدا حتي اهلي بيقولولي هو انتي بارده كده ليه المواقف اللي مفروض تعيط عليه مش بتنزلي دمعه مع العلم أن انا بتأثر من اقل كلمه وحساسه بس مش عارفه ده طبيعي ولا لا ؟

بتعملوا ايه لو دقات قلبكم بتزيد بجد وبتحسوا انك هيحصلك حاجه من الخوف انا مش عارف اتصرف ولو دي حاله بتيجي لناس ياريت المساعده وضغطي بيوطي كمان وبحس بدوخه انا خايفه ومش عارفه ده طبيعي عادي

مشكلتي إني بقضي معظم وقتي لوحدي، ونفسي يكون عندي صديقة نتكلم بشكل مجهول، نسمع بعض ونشجع بعض ونساعد بعض نعدي الأيام الصعبة. هل ده شيء طبيعي ولا أنا بطلب حاجة نادرة؟ مشكلتي إني بقضي معظم وقتي لوحدي، ونفسي يكون عندي صديقة نتكلم بشكل مجهول، نسمع بعض ونشجع بعض ونساعد بعض نعدي الأيام الصعبة. هل ده شيء طبيعي ولا أنا بطلب حاجة نادرة؟

انا مش بيلفت نظري الشخص ال حواليه بنات كتيره او ليه علاقات صداقات او اخوه او عاديه او اختلاط حته بالبنات مش بيلفت نظري ولا بكون مهتمه ولا مركزه حاسه اني ببقا قرفانه ابص ل ناس كدا بحب دايما الشخص المختلف التقيل ف نفسو ومحدش يقدر ياخد منه كلمه ع بعضها وله حدود مع اي حد بذات البنات ميتكلمش مع واحده ويهزر يبقى تقيل وكلامو بحدود ومحدود ميتعداش كام حمله ع بعضها بحب الشخص ال مش متاح لأي حد يبقى مختلف معايا انا بس يبقى مدلوق عادي يجي يتكلم معايا يميزني يكون متاح معايا عادي مش تحكم بس مش عارفه أشرح يعني اكون انا المميزه ومع غيري شخص جد جدآ وبيحط حدود شايفه انه شي طبيعي أحب دا والشخص ال يلفت نظري يبقى تقيل مع ال حواليه ومعايا مختلف فا دي من وجهت نظري حقي وحاجه طبيعيه وهل فيه ناس زيي ولا انا بس اللي كدا🙂🙂

الفترة اللي فاتت بقيت بحس بضغط كبير، ولقيت نفسي بهدى شوية لما بكون سايق لوحدي. الطريق بيخليني أفكر بهدوء وأفصل عن كل حاجة حواليا، حتى لو لفترة قصيرة. ساعات بحس إن العربية بقت المكان الوحيد اللي أعرف أرتاح فيه وأرتب أفكاري. مش عارف إذا كان ده طبيعي ولا لأ، بس الموضوع بقى مهم بالنسبة لي. هل في حد تاني بيحس بنفس الإحساس ده مع السواقة أو العربيات؟ وإيه اللي بيخليكم ترتاحوا فيها؟"

جماعه في حاجه غلط أنا صليت استخاره لموضوع كده بس و لا حسيت بحاجه و لا شوفت رايه ولا اي حاجه و لا في اشاااره مش فاهمه المفروض أن ده طبيعي و لا لا بس انا علي الموضوع ف أنا مش عايزه لأسباب من عندي يعني ف دي حاجه تأثر و لا لا

تعبت جدا من كتر ما بحاول اعمل صحاب ومش عارف نفسى الاقى حد يسمعنى واسمعه ، معقول كل العلاقات مقدر ليها انها تنتهى يوما ما ، وان الناس كلها فترات فى حياة بعض ناقشونى فى الموضوع دا ، اوقات بلاقينى بفضل العزلة عن البشر وانى افضل ساكت متكلمش هو دا طبيعى ؟!

انا عندي سؤال لي بحس اني مينفعش اقول لحد لسا معرفوش انو مثلا معاه حاجه حاجه غاليا او كدا وبحش انو هيتكبر عليا هيشوف نفسو علي يعني بحس ان المديح لازم يكون بحساب اوي بس لو حد اعرفه او اعرف انو مبيعملش كدا مبيبقاش عندي مشكله اني امدحهم عادي مش عارف هو ده طبيعي

عندي مشكلة مش فاهمها ومش لاقي لها تفسير… بحس إن الحاجات اللي شباب جيلي بيستمتعوا بيها مش بتلمسني خالص. لما بنزل الكلية أو الكورسات، بحس إن أغلب الناس سطحية، هزار كتير وضحك على حاجات مش شايفها تستاهل. ببقى مش حابب أضحك ولا شايف سبب للجو ده. الغريب إني دايمًا بارتاح أكتر مع ناس أكبر مني بكتير، ممكن ضعف سني مثلًا. بحس معاهم إن الكلام أعمق، المواقف أشيق، وبيسمعوا لي وبيحترموا رأيي. إنما مع شباب جيلي بحسهم أصغر مني في التفكير وتافهين شوية، وده مخليني مش مهتم أعمل نفس الحاجات اللي بيعملوها. حاسس إني عديت المرحلة دي بدري، أو يمكن عمري ما كنت فيها أصلًا. فمش عارف… هل دي مشكلة عندي؟ ولا فعلاً في سطحية حواليا؟ ياريت حد يفهمني أنا كده طبيعي ولا في حاجة محتاجة تتغير.

هاي ، هل يوجد احد لديه مشكلة اذا احب فتاة او معجب بها ... يريد ان يعرف عليها كل تفاصيل ، مثلا انا اعجبتني واحدة ، لم اتكلم معها الا بعد ان عرفت حسابها بمفردي و اسمها و لقبها و مكان سكنها و كل المعلومات ، وكيف تتصرف او تتكلم وطريقة تحدثها مع الناس و معاملتها اليهم ، وايضا لدي غيرة قوية ، حتى لو نظر اليها احد بالخطأ سينضم الى قائمة الاعداء 💀 اخبروني من قبل انها مشكلة سيئة او مرض وانا اراه طبيعي

حاجه غريبه بس انا بحس ان كل البشر مرضى يعني متحاولوش تقنعوني ان في بني ادم سليم 100% ف فكره بقا ان احنا نحاول نبقى شبه الناس علشان ده الطبيعي ف الناس دي شخصيا مش طبيعين او مثلا لما حد يقول مثل و يقول زي الانسان الطبيعي.... مفيش انسان طبيعي 100% ف احنا ازاي بنقرر ان ده العادي او ان ده المفروض يحصل؟؟؟