طبيب نفسي

انا عندي مشكله غريبه أوقات كتير بقعد اتخيل حاجات كتير وممكن اقعد بساعات كده واندمج مع الخيال لدرجة ان احس بفرج وازعل علي حسب القصه الخياليه الي في دماغي وتقلب في المزاج بشكل واضح جدا غير كره الاصوات العليه والاضائة العليا وحب القعده علي السرير بشكل مرعب ارجع من شغل اقعد علي السرير في الضلمه القعده مع اهلي مستحيلا وناس كتير بتقولي ازور دكتور نفسي وانا مش عارف هل انا فعلا محتاج اروح لدكتور

بتعرفوا تتخطوا ازااااى بجد والله .. ازاى بعد م حصل حاجه كبيره ف حياة الإنسان يقدر يتخطى ويرجع يعيش تانى كده .. اخيرا وبعد فتره كبيييييره قررت إن اروح لدكتور نفسي بس مش عارفه حد ولا فيه ف المحيط بتاعى اى دكتور نفسي عاوزه حد اونلاين بس يقدر يساعدني ياريت اللى يعرف حد يقول

انا وحدة عندي اكتئاب من اهلي ديمن بحبو اخوية التوم اكتر مني هو اصلن مش بيعمل حجة دا مرة صد جول في المدرسة جبولة ترتة و اعد يول الترتة دي بتعتي انا وخلني اكل حتة بلعفية انا عندي عروسة كبيرة الوحيدة الي بنام في حدنة وبحبها جدا انا بجد عيزة حل ولمة التلهم عيزة اروح لي دكتور نفسي الو انتي بتدلعي وانا البندف وبعمل حجات كتير اوي و هما شيفين الي انا مش بعمل حجة انا كزة مرة فكرت انتحر كتير اوى و انا نفسي حد يهتم فية مشعيزة اكون انا حسة الي انا

هكلم معهم واحول اني متخنش مع بابهم ولو عندي بنت اخلية تحب نفسة وعمرة متخفش مني انا عمري ما قلت لي ماما حجة حتة لما اعمل مشكلة في المدرسة كنت بستنة المدرسة تتكلمة ولمة التلهم انا عيزة اروح دكتور نفسي عشان انا تعبنة الو الى النا بدلعة وديمن بابا باقولي الي انا تخينة انا تعبنة جدا

انا احترقت وانهرت نفسيا من ضغط تالتة ثانوي وضغوطات تاني وبقيت عصبي وطول الوقت ومتضايق ولو في حاجة قدامي ممكن اكسرها رحت لطبيب نفسي معرفش يشخصني شوية يقولي قلق وشويه تاني مش عارف حتى مرضيش يكتبلي علاج لاني 17 سنة وكأني مروحتش ومستفدتش اي حاجة بس انا كل اللى حاسس بيه دلوقتي اني كل يوم اسوء من اللى قبله بقالي 4 شهور في الوضع ده وحاسس أن بدأت تقلب معايا بأكتآب مش عارف اعمل اي جربت كل الحلول وبحثت في الموضوع لكن مفيش اي حاجه نفعت

إمتي الشخص فعلاً لازم يروح لدكتور متخصص علشان يساعده مش مجرد شعور انه مش كويس فعاوز يروح وخلاص يعني ايه المشكلات او الحاجات اللي الشخص لو حس بيها مشكلته عاوزة حد متخصص مش مجرد شعور وخلاص

طيب بما ان المعظم يامتلخبط يا عنده مشاكل نفسية وفي ناس مش عارفة تروح لطبيب نفسي فحابة اشارككم تجربتي انا كنت مدمرة وتايهة وملخبطة اوي وحاسة بالتوهان لحد مقريت كتاب اسمه علاقات خطرة الكتاب دا مكتوب من قبل طبيب نفسي مكتوب بالعامية عشان يسهل فهمه واستيعابه هتحس كانك قاعد مع الطبيب النفسي وبتتكلمو مع بعض وكل متخلص موضوع هتفضل متشوق تروح للموضوع الي بعده هو بيتكلم عن علاقتك بتفسك وعلاقتك بالناس وايه العلاقات المؤذية والشخصيات زي الشخصية النرجسية والعلاقات الزوجية وكل حاجة مهمة في الحياة غير نظرتي لكل حاجة وحرفيا من الكتب الي ممكن تقراها اكتر من مرة

عندي سؤال فكره جت من العدم وطبعا سوداويه بتكبر في دماغك بتعصر عليها دماغك بتصدقها الدنيا بتتقفل في وشك بتنهار بتعيط نوبة هلع بذكر الله مش بقدر اتخطي الفكره بتعب نفسي بيضيق مبفقش بسهوله اعمل ايه عشان اهدي ومفكرش بالمنظر ده انا هموت في يوم والله بسبب الموضوع ده ده ممكن يتكرر معايا اكتر من مره في اليوم وانا معنديش رفاهيه طبيب نفسي انا بتعب اكتر

اول ذكرى اني خسرت دراستي لي اعوام وانا من الاوائل ثاني ذكرى لما طلعو عاملينلي سحر جنون و مرض و كره الدراسة ثالث ذكرى لما لقيت نفسي في عمر صغير عند طبيب نفسي رابع حاجة بعدما كنت قدوة صرت عبرة

مؤخرًا.. نفسي أصبح ضيق جدًّا.. مش طبيعي.. كلامي سريع لدرجة إني باحس كأني شريط بيسف.. ماحدش بيفهم كلامي من كتر ما هو سريع.. ولساني بيتقل في أوقات كتير.. باسقّط حروف كتير برضه.. مش عارف إيه اللي بيحصل! دايمًا متوتر ومتعصب.. مش مرتاح أبدًا.. بانام وأقوم كأني ما نمتش! أنا كنت راسي جدًّا وكلامي واضح ومفهوم ومخارج حروفي تمام.. مش عارف إيه التصرف اللي ممكن أعمله! أستشير طبيب نفسي ولا أخصائي تخاطب ولا أعمل إيه!؟ محتاج نصيحة من حد جرب أو مر بتجربة مشابهة أو عنده فكرة بشكل عام!

بقيت احس اني مريضة نفسية من اللي بشوفه بقيت محتاج للدكتور اوحد معرفنيش اتكلم معه عن كل حاجة من غير مايحكم عليا ومن غير مااقعد افكر او اندم اني حكيت الواحد يعمل اي معندوش ثقه ف اي حد خايفه من اي حد يدخل حياته