صدمات

محتاحة أحكى لأنى مش عارفة اخد نفسي ومحتاجة اتخلص من الشعور دا ..انا بنت ٣١ سنة مريت بحاجات كتير بس عايزة اتكلم خصوصا عن موضوع الاربتاط ..اول م دخلت الكلية كنت حد برئ بيصدق اى حد المهم انى من كتر الكذب الى اتعرضت له بقيت ممكن شكاكة او حريصة من الناس خصوصا ف موضوع الزواج.. ف مبقتش بصدق اى حاجة تتقالى وبفضل ادور ورا الشخص كتير عشان اطمن دا بقى اسلوبي بعد كدا لبست النقاب ف مبقاش متاح الا زواج الصالونات وقعدت مع ناس كتير بس مقابلتش حد مناسب .. بقى بيظهر قدامى آبلكيشنز للزواج الاسلامى ف دخلت فضول المهم واحد بعتلى امبارح وكلامه كله كان قال الله وقال الرسول مفيش حاجة كانت مريبة ف كلامه طلب منى رؤية شرعية ف البيت عندنا خلال اسبوع واننا مكناش هنتكلم الا النهاردة وبس وبعتلى لينك الفيس بتاعه ورقم موبايله اكيد انا مستخدمتهوش كنت عايزة بس اتاكد انه شخص حقيقي.. المهم دخلت ع الفيس عنده لفت نظري اسم بنت عنده من زمان اوى ف سالته عليها قالى انها تعتبر بنت عمه .. النهاردة دخلت تاني الاكونت وحاولت ادور ب تركيز طلعوا كانوا مخطوبين من كام سنة وبينهم بوستات المخطوبين دى لما قولتله قالى دى كانت قراية فاتحة وانه سابها طب هى عنده لحد دلوقتي ليه ايوا مفيش كلام منها غريب دلوقتي لكن ايه الفكرة .. وايه فكرة ان شاب يدخل موقع زواج ويختار بنت منتقبة دا هو حتى مطلبش منى صورة قالى هنعمل رؤية شرعية ..محدش يستغرب كلامى انا عندى مخواف كتير طول الوقت بخاف اتوجع ف بدور ورا الشخص كتير مدام مش،جى من مصدر موثوق.. والمشكلة انى لما نهيت الموضوع دا دلوقتى حسيت بكل مخاوفى القديمة وضيق ف نفسي وقلبي واجعنى وكأنى عايزة ابعتله اعتذرله وانى اتسرعت انا فاهمة ان كل دا غلط لكن انا مبعرفش احكى لحد بشيل كل حاجة جوايا .. انا دلوقتي محتاجة أهدى عشان كدا كتبت هنا

ازاي الواحد يتحرر من الماضي ويبدأ بدايه جديده مع نفسه خاليه من اي حاجه وحشه قد حصلت وكل اخطائه وكل صدماته وكل المشاكل اللي واجهها ويبقي بني ادم ناضج بجد وعلي خلق اوي ونضيف زي الناس اللي بنرتاح ف وجودهم ونحس بجد جمبهم بالونس والأمان والراحة والسكينه ودا بجد عايزه حد يقول مش يهبد اي كلام وخلاص

ازيكم عاملين ايه عندي مشكله كده ممكن تبان تافهه انا حاسس اني لوحدي جدا كميه وقت بيعدي وكميه صدمات في ناس واكيد اخيتاراتي كانت فيها مشكله بس بجد انا وحيد جدا الفتره دي مش عارف اعمل كل حاجه لوحدي يعني مفيش حد بيعيش لوحده

طيب،انا اعاني مما لا ادري ما اسمه اشعر بالتيه حرفيا، عقد وصدمات بسبب قلة وعي الابوين جعلتني احبّ واعيش دور المنقذ انسانة عاطفية جدا وكتومة وشايفين هذا الـ combo بلي يدمّر الانسان، انا عييت حتى قبل ما نعيش حياتي زيّ الناس عشت مسؤولية كبيرة على عمري بحجة انني نولي شاطرة ولكنني كرهت المسؤولية، دوما جسمي في حالة طوارئ ونتخيل كوارث تصرا وخويا صرالو وختي صرالها وابي وامي ونبقى في حالة التوتر لا انا ركزت فدراستي ولا ركزت في مشروعي ولا فحتى حاجة...حسيت روحي ضعت بسبب قرار سريع ،حبيت نرجع انسان سويّة تعرف تقول لا، تعطي وقت لروحها ترتاح وتاكل وتشرب وترقد مليح قبل ما تحوس على لوخرين، مشي كي تغيضها وحدة وهذيك الوحدة تهينها وتتلاعب بيها وتوكسيك تبقى معاها بيسك غاضتها، مشي بيسك وحدة تقلها انا نحبك ونتي صحبتي لعزيزة تبقى معاها وهي تحسدها وتبعها ومنكدتلها حياتها بالسلبية، مشي وحدة تسمح في راحتها على جال الآخرين ولو كانوا خاوتها بيسك سمّحت بزاف حتى ولاو يتكلو وما يحتارموش...مع اني انسانة ايجابية وليلة ونهار نرجع الشغف ونرجع بقوة بصح دوما نفس الشي اللي يدمرلي عزيمتي تسما لازم نلقالو حل...منين نبدا

مشكلة الحب والعلاقات ولا تزال تلك المشكلة حتي النهاية ولكنها تطورت معي ظهور معضلة السوشيال ميديا فااصبح من السهل التعرف والارتباط او مايسمي (العلاقات الالكترونية) حب مزيف كل شخص يحاول اظهار الجانب الافضل به ليجذب الاخر وعندما يتم الجواز وهذا بنسبة 5 في المئة من العلاقات التي تتم او اقل فغالبا ما تنتهي العلاق. ببلوك او Blacklist وان تمت فتحدث هنا العقدة الشخص الذي كنت تراسله ليس هو الذي تعيش معه وتبدا تكتشف اشياء اخري كنت لاترها خلف الهاتف فتبدأ الصدمات. نصيحتي الواقع اجمل واضمن من المواقع والسلام ختام. منتظر رأيكم

الناس فاكرة حياتي كانت سهله عشان بس قولت اني بكون مبسوط وانا وحدي لكن هي كانت عبارة عن كوارث من سجن ظلم لعلاقة استمرت سنين وفشلت وحجات كتير جات ورا بعض لكن بعد دا كله مش هقول وقفت من جديد لأني بفضل الله موقعتش أصلا في أسود لحظات حياتي كنت بضحك واقول ربنا هيحلها وبتتحل فعلا عاوز اقولكم اني شوفت حجات مينفعش اسميها الا معجزات من تدبير ربنا في حياتي والحجات اللي بفتكرها مصايب يطلع الخير كله فيها والدعوات اللي متحققتش اكتشف انها كانت مصايب ربنا صرفها عني عشان كدا لو الدنيا بتطربق حواليا قلبي مش بيتهز لحظة أنا كنت بشوف في السجن رجالة بشنبات جايين في مشاكل تافهه بيعيطوا وانا اللي كان ممكن مخرجش تاني اصلا كنت بضحك من كل قلبي وحاسس ان الناس كلها محبوسه وانا طاير في السما بتفرج عليهم لدرجة اني بعد ما خرجت بحاول اوصل لنفس المستوى دا من الفرحه مش عارف 😂 الصدمات الكتير كسبت منها قوة مش طبيعية مش بتأثر بأي حاجه ورغم كدا محافظ على قلبي لين بفضل الله مش بقسى ولا بتعصب وبعرف اتحكم في غضبي كويس جدا