اختناق

جماعه انا احتارت اوي ومحتاجه اخد رأيكو في حاجه متقدملي شخص كويس وملتزم جدا هو وأهله وكنت فالأول مبسوطه من دا مع شويه قلق من تشددهم دا حاليا بيقول لبابا حرام على كل حاجه، حرام التصوير في الخطوبه ولو اتصورت مش هيتصور معايا وطبعا حرام الميكاب واكيد الاغاني والاختلاط وحرام المسلسلات والأفلام حرام حاجات كتير اوي فاهمين؟ انا في حاجات مقتنعه بيها اه اكيد لازم نلتزم بضوابط الخطبه مفيش تلامس ولا كلام خارج الحدود الشرعيه وكنت هعمل الخطوبه منفصله وهحط لنفسي ميكاب خفيف خالص مش هروح لميكاب ارتيست بس حوار التصوير دا جنني بجد وخوفت من اللي جاي بصراحه حاسه اتخنقت من أولها ف تنصحوني ب ايه؟ بالذات ان كمان ماما وبابا أيدوه وشايفينه صح وبابا بيعلي عليه كمان بيقولي لما هتتكلمو فون هتبقي قدامي هنا وفاتحه الاسبيكر وهشوف الشات بينكو كل فتره ولما ييجي زيارة هقعد فالنص بينكو ف انا بجد على آخري ومش شايفه ان دا منطق بصراحه وعايزه افشكل الجوازه وارفض اي حد يتقدملي اصلا

عندي فقدان هوية رهيب ومش عارف اعمل فيه ايه لا مقتنع بشغلي ولا فاهم فيه ولا قارئ في الدين ولا مثقف ولا فاهم في اي موضوع واقدر اتناقش فيه ولا عندي هواية ومش بفهم اصلا يعني ايه شخص عنده هواية ولا عارف انا عايز ايه من حياتي في العموم مش عارف هخرج من دا ازاي ولا هعمل ايه بس حاسس بطوق على رقبتي خانقني وتقل رهيب في صدري اقسم بالله حاسس هاجيلي نغزة توقفلي ضربات قلبي فجاه وحياتي تنتهي في ثواني كتر التفكر والاحساس الزيادة والمشاعر الزيادة دي اسوا نقمة ممكن تبقي عندك في حياتك انا حقيقي تعبان وافكاري ملخبطة ومش لاقي حل وهفضل اقولها كل شوية اللى بحبها مش ليا باي شكل بس انا متعذب من اذيتي ليها من غير قصد

عيد ميلادي العشرين اول مره مكنش متحمسه  من زمان لعيدميلادي كده مع اني كان نفسي ابقي عشرين سنه بحسه رقم مميز بس بالعكس النهارده كنت مكتئبه ومخنوقه ومش طايقه حد كل ده بسبب الشخص ال دخل حياتي من يوم 1/1//2026 معرفش هو بيعمل كده ليه ومش عارفه اخرتها ايه بس اديني خدت قرار  اني معتش هكلمه من نفسي تاني عاوزه اكون حد احسن علشان انا وصلت لدرجه من اللمراض النفسيه والعقد مكنتش اتمني اوصلها بصراحه عاوزه اظبط جسمي اظبط بشرتي اظبط نفسيتي ابعد عن الاشخاص ال بتسببلي اذي واحب نفسي لدرجه اني مسمحش لحد يأذيها

انا كمان دخلت كليه مش بحبها بس الفرق اني معرفتش اكمل فيها ست سنين و انا لسه مش عارفه اعدي منها ، المشكله ان مبقاش ف مكان تاني ممكن اروحه. و لا ينفع أبدا من مكان تاني و لا ينفع اسيل كل حاجه و امشي علشان مش عارفه هروح فين .. .

حاسه انى مخنوقه بشكل مش طبيعى مش عارفه اركز ومشتته جداا وعندى امتحانات ولازم اركز على مستقبلى اعمل اى انا كان فى حد فى حياتى وانا غلطت وحاولت اعتذر اكتر من مرة وهو مش قابل اعتذارى وانتهى المشوار ومحدش بقى بيتكلم بس برضو محدش قادر يعمل لتانى بلوك وبنراقب بعض طول الوقت بس هو بيثبتلى عن طريق الريبوستات واللايك انه خلاص مش فارقلوا احناا مع بعض فى كل حته مش قادره اتخطااه ولا قادرة اتقبل الواقع مش عارفه حياتى قبله كانت عامله ازاى حتى فى الجامعه موجود معايا

انا تعبت اوى كل حاجه حصلتلى كانت متعبه وخدت كل طاقتى مبقتش قادره اتعامل مع حد وبقيت مخنوقه دايما انا بحاول اصلح من نفسى واتعامل كويس مع الناس انا لما بشوف اتنين مخطوبين او متجوزين بيصعب على نفسى اوى

عندي كم من الاحباط والطاقه السلبيه وحاسس اني فااشل ومحققتش اي حاجه تذكر مهموم اووي وكل ما احاول اطلع من المود ده وافك يجي في بالي صوت بيقولي اتلم انتا ليك نفس تهزر يافاشل وارجع ادايق واتخنق تاني 🤦🏼‍♂️🤦🏼‍♂️

حاسه اني عايزه اتكلم الحمدلله اني ماحدش يعرفني لانهم كل مااتكلم مع حد ف حاجه دي بيقول انتي انانيه مش بتحبي غير نفسك غيوره وكلام كتيرررر اووي انا البنت اللي هي الصغيره يعتبر قبل الاخير معايا اختي ا،لكبيره دي امي بتحبعا جدا جدا لما قبل ماتتجوز كنت بقول يمكن كل الاهتمام ده علشان عايزه تجوزها ةتفرح بيها ولما تطلع هتهتم بيا انا لكن بعد. ماتجوزت اهتمامها زاد اكتر كل تفكيرها بقي معاها بتدعيله بتعملها كل حاجه حرفيا بتكلمها ف كل ثانيه لو ملردتش ف ثانبه دي تقلق انا بحب اختي والله مش بغير منها بالعكس والله يمكن بدعيلها اكتر مني كل شويه بقى تقولي ادعي لاختك لو مدعتيش منك لله مش مسمحاكي الكلام ده كله وانا والله بدعبلها اكتر مني انا وربي يعلم كذلك بقا مع اخويا الكبير برضو ده بيجي عليا جااامد جامد خانقني ف حياتي من كل حاجه عيزاني اعملها لي برغم انو اسلوب حقير ومتحكم جدا جدا من الناس اللي تخنق اووووي لكن لازم اقول لو قولت لا وادايقه تكرهني وتدعي عليا وحوار بقيت اكره اةووووووي البيت بتخنق منه بقيت عايه اقعد لوحدي دايما مش عايزه حد معايا ابدا الحمدلله بابا بيحبيني بس دايما تيجي عليا قدامه لغايت مايدايق مع اني والله بدافع عن نفسي مش اني مش متربيه وبجحه مش اللي هو بكره ليهم الخير ابدا والله بس انا عندي طاقه وطاقتي بتخلص من حركاته اخواتي الباقين الحمدلله مش نفسه ده كده بقيت اخاف من كل الولاد وف نفس الوقت انا نفسي اوووي اووووي اني اتخطب واطلع من البيت ده من تحكمهم عليا من كلامهم انا من كتر مانا متشابه اني وحشه مش بتكلم وبقيت وحيده كده علطول ف الاوضه لوحدى اعصابي بتقف ايدي شعر بيقع طلعلي الثعلبه دي ف شعري دي للمره التانيه ف السنه التانيه نفسيتي مدمره تعبت اوووووي اوووووي مع العلم انا 21 سنه بقيت اتمني اني اتجوز وابعد نفسي اووووووي اووووي مش عارفه اتكلم مع حد نهائي لما تيتا كانت عايشه كانت تقولها خفي عن البنت لكن دلوقتي تيتا توفت ليها 6 لما انهار من العياط قدامها انا بعمل كده طيب انا مش هعمل حاجه تاني وترجع زي الاول اخويا ده مش عايزه تعصبه او تزعله ابدا ابدا ادعولي ادعولي. بجد محتاجه والله

جست تعبانة مخنوقة مبقاش عندي طاقة تعبت من كل حاجة بجد مهما اعمل مش بلاقي بالعكس بلاقي الاسوء انا مش وحشة بجد حاساني مبقتش عارفه اتعامل مع حد الموضوع بقى صعب بجد بقيت عايزة حد جمبي ديما بس مش لاقيه بجددد

بجد موضوع الصحاب ده طلع متعب اوي والوحده متعبه اكتر بقيت اتخنق من كل حاجه ومن اتفه حاجه مباقش عندي اي طاقه جتى اتكلم مع اي حد كل حاجه بقت متعبه بقى في كمية ضغوطات من كل النواحي بجد الدنيا طلعت صعبه اوي ياريتني فضلت طفله

جماااعة، عايزة اسأل عن حاجة.... هو طبيعى اى اتنين صحاب الشخص التانى يبقى عايزك ما تتعاملش مع حد ولا تتكلم مع حد غيره ولو انت اتلكمت مع اى حد عادى تلاقيه زعل واضايق... بجد الموضوع دا مضايقنى اوووووى انا بحب اتعامل عادى مع الكل وما احبش انو حد يجبرنى انى ما اتعاملش مع حد اصلا وخصوصا اننا صحاب ودا ما يمنعش اننا قريبين من بعض يس ما تقوليش ما تتكلميش مع حد.... يعنى انا وانتى معروفين اننا صحاب وبننزل سوا وكل حاجة ف مش من كلامى مع حد تانى او انى اهزر مع حد تانى كدة يعنى ما بقناش صحاب "بجد جو الصحاب اللى اكأنهم مخطوبين دول بيجيب خنقة والله 🫠"

ليه دايما بعد اي خروجه مع صحابي برجع البيت و احس اني مخنوق اوي و أن في حاجه كابسه علي نفسي ؟؟ الموضوع دا بيحصلي كتير رغم اني ممكن اكون فالخروجه مقصي وقت حلو جدا و استمتعت و ضحكت و مكنش في اي حاجه بس اول ما اخش البيت و ابقي لوحدي زي ما اكون بكتئب فجاه و ابقي عايز اعيط .. معرفش ليه هل دا بيحصل مع اي حد هنا ؟؟

El wehda haga wehsha awy ya gma3a nefsy akhrog menha ashan bahes b el malal menha had ye2oly 3ala tare2a aksar beha el wehda de w el malal da ashan zhe2t meno awy w mesh tay2o khalas tany

فكرة ان الحياه غير عادلة حاجه خنيقة جدا، الحمدالله علي كل شئ بس ليه يبقا في ناس بتعاني في حياتها عشان بس تنجو بس تقدر تعيش لبكره و ناس مرفهين تماما. ليه طفل صغير بيلعب بلعب الي ابن خالتو ادهالوا و طفل تاني اللعبه الي يشاور عليها تبقا عندو؟ ليه بنت مراهقه تكون شايله هم مصاريفها و تنزل تشتغل من سن صغير في حين معظم البنات الي في سنها مش شايلين هم حاجه و بس مستنين مثلا أوردر شي إن يوصل؟ و حاجات تانيه كتير، ليه؟

السلام عليكم انا مبقتش احس اني تبع البيت ده يعني دايما لما بقعد ف البيت صاحي اكتر من ساعتين بتخنق اوووووي ازعاج وإهمال و ناس سلبية جدا و يريت كل واحد ف حاله لا ده بيتدخلو في حياتك يحسدو بس انا بحبهم والله وعارف أن في حاجات مش قصدهم بس اخويا الصغير همجي اوي في اكل ونوم وأسلوب يعني عاوز يتعامل معامله الغنم بس نعمل اي بقا بحاول استحمل ابويا ربنا يصبرني عليه يعني بصراحه مزعج اوي و في شوية صفات متتعاشرش و الناس مبتحبوش و لا يطاق بصراحه يعني بجد والله بقيت اروح البيت عشان اريح وانام بحس اني اتخنقت تخيلو كدا المكان الوحيد للراحة ف يومك مش عارف ترتاح فيه يمكن امي واختي هما اللي مصبرني شوية تعبت والله نفسي اقعد لوحدي كدا متعاملش مع بني ادمين

أنا مخنوق قوووي المشكله ان حبيبي عاوزني اني مكلمش اصحابي واصحابي دول وقفوا معايا ف مشكلي كتير وزي اخواتي انهرضا بقوله فكنا من اصحابي قالي فكك مني وقفل وشي وارن يكنسل عليا اعمل اي