كان نفسي اكون حد منصبه كبير وكلمتي بتمشي ساعتها هخلي بحر ربنا كله ببلاش اصل بجد ده مش حتى حديقة حد زارعها فهقولك ماشي لا ده بحر! ليه ادفع علشان اقعد على البحر ليه منزلش من بيتي فجأة كده واكون مش مرتبلها واحود اقعد على البحر واقعد اعيط مثلًا حتى لو سعر التذكرة مش كتير تقيلة على قلبي اوي اني لازم اقف علشان ادفع حتى لو مش هيقلل من فلوسي حاجة الفكرة في المبدأ نفسه في حاجة تانية مستفزة اوي اللسان اللي بيبقى على البحر لو حد عارفه زي اللي في مطروح مثلًا بيبنو لسان كده داخل لنص البحر وكل كام متر كده لسان لو انت حبيت مثلًا تنزل البحر وسط اللسانين دول تيجي تبص يمين تلاقي حيطة كبيرة وتيجي تبص شمال تلاقي حيطة كبيرة طب ليه!! بعد كان المنظر يريح نفسيتك بقيت تحس انت في بحيرة صناعية طب ليه بتعملو كده في بحر معروف انه من احسن بحور العالم انا بس لما ابقى معايا منصب ساعتها مش هخلي حد يحتكر البحر ويخلي لكل فرد رسوم حقيرة لازم يدفعها علشان يقعد عند حاجة ملك للجميع الاول كان لازم تحجز شمسية الموضوع كان ممكن يمشي عادي وكان ممكن تدخل لوحدك كده تنط في البحر وتخرج كان ممكن تروح الصبح بدري اوي تقعد تشم الهوا على الشط وتمشي دلوقتي لا عايز تلمس الرملة يبقى أقل حاجة تدفع 50 جنيه حاجة تحرق الدم وتخليك قاعد مخنوق ومحاصر