منذ 7 أياميشعر بـ ضائع
هو ممكن اكون فعلا محتاج اتعالج !!! مش عارف اتخطي علاقة انتهت من ٩ سنين ليه ؟ علاقة انتهت من ٩ سنين وانا لسه عايش فيها علي امل اني اكملها علاقة من ساعة ما انتهت وانا دخلت في مليون علاقة تانيه مليون علاقة دخلت فيها عشان انتقم مليون علاقة ادخل فيها وانا الطرف المؤذي كل علاقة تنتهي وانا الشخص المؤذي فيها وبعد كل التجارب دي انا لسه متخطتش بعد كل الشخصيات اللي جيت عليها انا لسه متخطتش انا لسه بفكر في علاقة خلصت من عمر يقارب لعمر انسان عاقل مع نهايه كل علاقة كانت بتبقي في جملة مشتركة انت لازم تتعالج هل لو كنت اتعالجت من ٩ سنين كنت هبقي مختلف ؟
لو كنت وقفت من 9 سنين وفهمت ليه الجرح ده أثر فيك للدرجة دي، كنت وفرت على نفسك 9 سنين من التوهة، وكنت وفرت على ضحاياك الوجع اللي شافوه معاك.
ده تعلق مرضى شوفلك علاج بدل مانت عمال تأذي نفسك والناس اللي بتحبك
متطلعش حزنك على غيرك، علشان ميتردش ليك في أعز ما عندك، ولو عندك شخص إنتَ أذيته لسه على معرفة بيه، روح صافيه وعيش بضميرك.
مش فاهم بروض اي الفكرة انك تحاول تنتقم؟تنتقم من اي اصلاا ؟واي دخل انك نتتقم من اشخاص بسبب شخص تاني؟معلش في الكلمة دا خلل في المخ عندك
أنت غالي، وعمرك اللي جاي أغلى بكتير من إنك تضيعه في انتظار حد مش جاي، أو في انتقام مش هيبرد نارك، فك الكلبشات دي بإيدك، وادي لنفسك فرصة تتنفس بعيداً عن ضلمة الماضي، عيش لنفسك، ولمستقبلك، وللشخصية اللي جواك اللي لسه عندها فرصة تبني حياة نضيفة ومستقرة.
طول ما أنت عايز تفضل فاكر، عقلك هيفضل يطلعلك صورها وذكرياتها، أول ما تاخد قرار حقيقي إنك شبعت وجع وإنك تستحق ترتاح، عقلك الباطن هيبدأ يغير ملفات التخزين بتاعته، هيبدأ يشوف الذكرى دي ذكرى فعلًا.
اه طبعا كنت هتبقي مختلف