تعلق

انا كنت مخطوبه من سنه ونص وفركشت خطوبتي لأسباب تافهه كل ماافتكرها بزعل اوي لاني كنت بحب الشخص ده ومازلت حاسه اني متعلقه بين ونفسي يرجعلي المهم اني من ساعه ما فركشت وانا بيتقدملي عرسان كتير اوي وانا برفضهم ساعات بيبقى أسباب منطقية وساعات برفض لأسباب تافهه عشان خايفه من حتته التعلق بالشخص واني احبه ومنكملش مع بعض في الاخر متقدملي اليومين دول عريس حساه شخص لطيف ومتفهم وحنين بس انا مش عارفه اتقبل شكله لانه مش وسيم ومش زي النوع اللى بحبه في الرجاله وخايفه اوافق عليه تروح عليا فرص جواز احسن من دي حاسه اني لو استنيت شويه هلاقي الشخص اللى نفسي فيه تنصحوني اعمل ايه

حابه افضفض بحاجة هنا وحد يدينى حل او يهون عليا فى اللى انا فى كنت بكلم واحد من على السوشيال ميديا وحبيته واتعلقت بى كنت اعرفه من 3 سنين كل فترة كنا بنتكلم وحد فينا يسيب التانى بس هو كان بيسيب اكتر اكتشفت ان انا اضحك عليا فعلاً وكان كله كلام وكدب انا عارفه دلوقتي انه خلاص وهو مش بيحبنى بعد خناقات ومشاكل كده كتير و حوارات وقالى انه بيحب حبى لى وانه لسه بيحب حبيبته القديمة وبتاع بنات وانه مينفعنيش وكده المهم انا دلوقتي مش قادرة انساه وكل فترة بفتكرو وبعيط وبزعل اوى انا عارفه انه شخص مؤذى وميستاهلش حبى ولا دمعتى بس انا بجد مش قادرة اتخطاه بقالى شهر ونص يعتبر سايبين بعض بعد ما قولتله ان متقدملى عريس وقالى ربنا يسعدك وقالى ان حبيبته القديمة ماتت وبيروح لدكتور نفسى انا طبعاً مش مصدقه اوى الكلام ده بس استوعبت أخيراً ان كل ده كان بيلعب بيا وبمشاعرى يعنى وشوية كلام ووعود كله كان كدب انا دلوقتي مش قادرة امسك نفسى بجد تعبانه جدا من جوايا وكل لما اقول انى فوقت خلاص وان انا تمام برجع تانى احنله وافتكر ذكريات معاه ومواقف وكلام كان فى ايام حلوة والحقيقة هو وحشنى جدا وخايفه اروح ابعتله بس ده مستحيل مينفعش يحصل اصلا لانى خسرت كرامتى اكتر من مرة معاه تعبت ومبقتش عارفه اعمل ايه محدش يقولى اتلهى فى حاجة او اشغلى وقتك لانى شغلت وقتى كتير اوى وحالياً انا بفتكرو وانا بذاكر وعندى امتحان ومنهاره ونفسى اسمع صوته او اشوفه لانه عامل بلوك من كله معادا الفيس بس الصورة مش واضحه خايفه أضعف زى كل مرة لما يبعتلى وارجع تانى فى نفس القرف انا عاوزه بس مينفعش مش عارفه حد هيفهمنى ولا ايه بس فى صراع بين قلبى وعقلى بس كل اللى اعرفه دلوقتي ان اضحك عليا وانا حبيت واتعلقت وكنت فى وهم وبحاول انساه واركز مع نفسى مش قادرة مش شايفه غيره فى احلى منه واحسن منه واشطر بس هو بس اللى فى دماغى

انهاردة عايزين ناخد رأى بعض فى مشكلة الوجع والتعلق انا كنت الطرف الغير مرغوب فيه في نهاية القصة هي مش علاقة سطحية ولا علاقة عميقة بين الحاجتين كان فالبداية الهدف منها هو حل مشكلة وبسبب الجفاف العاطفى اللى بمر بيه كان سبب كفاية اني أطمع أكثر وأكون أناني واعمل إشباع للجانب العاطفى "اللى انا مفتقده" فبالتالي اتحولت من شخص بيحل مشكلة لشخص عايز شعور معين من الطرف الثاني ومن اللحظة دى اصبحت الطرف المؤذى

انا حد متدين( او دا الي الناش شايفاه) ومليش في موضوع الارتباط وبالنسبالي دا شيء مق-زز وحرام بس طبعا مقدرس اتحكم بقلبي.. بحاول اغض بصري علي قد ما اقدر بس من صغري بحب..ذلك السخص معايا في المدرسه وانا عارفاه من زمان وكنا بنهزر مع بعض لما كنا في ابتدأئي كبرت اعدادي قلت لا مفيش كلام مع ولاد وتلقائي مبقتش حتى ابص للاولاد.. المهم انه كان فعلا عاجبني غير انه شخصيته قويه وكان بيتوتر قدامي كان بيخليني احبه اكتر.. المهم اني عرفت انه سلك طريق سيء ...وارتبط ببنات كتير .ربنا يهديهم مش عرفه اعمل اي او اقول اي صراحه الي حاسس بيا يقول هو بيتصرف ازاي

لو واحده بتحب واحد و مش عايزه تغضب ربنا ف حاجه و قالتله ده و هو بعد عنها و بيكلمها بيطمن عليها و خلاص و لما قالتله انها كانت محتاجه تتكلم معاه هو قالها أنه بعد عشانها و عشان أنها قررت تبعد و مسح الواتس اللي ما بينهم بس ساب ابليكيشن تاني يتكلموا عليه هي متعلقه بيه اوي و هو عادي هو كده ايه عايزه حد يفهمني و يقولي اعمل ايه

عيبي اني مش بعرف اتمسك بحد وببيع بسرعه مش عارفه دا عيب ولا ميزه بس دا مخليني لوحدي لأني مش فارق معايا حد وبخسر الناس بسرعه مش عارفه ليه انا كدا ومش عارفه الي بعمله دا صح ولا غلط بس عموما بسبب الحوار دا مبقاش فيه حد هما أهلي وكام حد كدا وكفي

في ناس وجودها في حياتك كان لازم يبقى مرحلة… بس إنت أصريت تحوّلها مستقبل ومجرد ما مشيت، اكتشفت إنك كنت واقف مكانك مش ماشي معاهم. الدرس؟ مش كل اللي بيطوّل معاك بيكون رايح لنفس الاتجاه ساعات بيبقا في سكه تانيا بس احنا بنتنازل عن الحقيقه عشان نعيش شويه مشاعر مزيفة مش اكتر

انا ولد وفي حاجه غريبه بتحصل معايا لما بتفرج علي فيلم او مسلسل ممكن يكون شخصية موجوده اتعلق بيها جدا وافكر فيها ايام كتيره بحس بفرحه وانا بفكر فيها ولما بستوعب ان ده خيال ممكن اكتئاب وادايق جامد وبعد وقت طويل ممكن اشوف شخصية جديدة واعيد نفس الدائرة مش عارف ايه ده او في ايه انا تايه

عارفين الناس و خصوصا البنات البتقعد تدعي بشخص معين و كأن الحياه مش هتكمل الا بوجوده . و بصراحه يا جماعه متخيلتش دا يحصل بس انا عرفت ان شخص بيدعي بأسمي مع اني رفضاه . هو اي بيوصل الانسان لكده ؟ هل ده طبيعي ولا ناس دي عايشه فوهم و بتأذي نفسهم و بيعلقوا نفسهم بحاجه مش عارفين يمكن مش فيها الخير . بس بيجي فبالي سؤال انا بحب حد و مكنتش بدعي بيه و هموت عليه اوي زي اسلوبهم كدا يبقا مبحبهوش ولا ايه .

عارفين احساس انكم متعلقين بحد اوي و عايزينه اوي و بتحبوه اوي لكن كل حاجة تمنع انكم تكملوا مع بعض هي اصلا علاقة مستحيلة وانتوا معترفين بده و محشورين في situationship مش مفهومة بس علشان تكونوا مع بعض عارفين بقي احساس انكوا تكتشفوا ان الشخص ده كذب عليكم في حاجة فبقيتوا بتشكوا فيه شك مش طبيعي و مش عارفين ايه في كلامه كان حقيقية و بعدها ده يتبعه موقف غير ملهوش تفسير حرفيا غير انه الشخص ده ممكن يكون بيستغلك مع انه ما استغلكمش عارفين بقي احساس ان انتوا لسة مش عارفين تبعدوا و مش عارفين تكرهوا الشخص ده عارفين بقي كل ده وانتوا عارفين ان الشخص ده مضغوط و طالع عينه بس بردو عايزينه جنبكم و عايزين تبقوا جنبه بس هو عايز يفصل من كل الناس و بيعمل تصرفات مش مفهومة بوست ملهوش لازمة سلام عليكم يا شباب

بلاش تعارف وعلاقات وانك اعجبت ببنت وانك اعجبتي ب شاب ، كل واحد حرفيا بييجي بمشاكله ومتفتكرش انك هتاخد الحلو بس ، ممكن انت تكون بتموت ف واحده وهي بتحبك فعلا بس فالاخر اهلها مش موافقين او انت مش جاهز وغيرك خدها منك او حصل خلاف وسيبتوا بعض ، كل واحد بييجي ومعاه قصته ومش دايما لما تكون متدايق او حاسس بوحده فالحل انك تدور على حد يخش حياتك ، مش هتعرف تشيل حياته وقصته وتهتم بحياته ، كل واحد عباره عن ثقافه ووعي وجزء نفسي ، ف لو شبهك طب ما انت اصلا مش حابب حياتك وبتدور على حد يحلي حياتك تهرب من حياتك وتروحله او حاسس بالوحده ومستني شخص يبقا معاك ، ولو مش شبهك وهتتعرف على حد جديد طب ما الاولى تعرف نفسك وتشوف شغفك اللي ضايع وحياتك اللي بايظه عشان تصلحهم ، دا غير ان بعد الانفصال هي متعلقه بيك وانتي متعلقه بيه ، ومعظم الناس بقا عندها تعلق حرفيا مرضي ، تلاقي حد ايا كان من الطرفين كل التاني يومين بس ممكن يتعلق بيه ويتخيل حياته معاه ونفسه يكون معاه طول العمر .

بحبها وبتحبني بس المشكله في الأهل لازم نكمل دراستنا بعدها اتقدملها .. طب افرض انا جاهز اخطبها من دلوقتي ونتجوز بعد ما نخلص دراسة ، اي اللي يمنع دا ليه ياعمي تسحب منها الموبايل وتخليني اقعد اكلم صورها بليل كأنها قاعده قدامي . والله العظيم بحبها ومش هعرف اسيبها ولا هقدر انساها هتجوزها يعني هتجوزها انا بحبها بعشقها بموت فيها وغير اني بحبها انا عايز اعاملها المعاملة اللي تستاهلها هي متستاهلش حد يزعقلها ولا يتكلم معاها بطريقه وحشه ولا يضربها هي تستاهل كل حاجه حلوه ليه كدا ياعمي مش هسيبها ياعمي والله ماهسيبها وهاخدها يعني هاخدها

هو ممكن اكون فعلا محتاج اتعالج !!! مش عارف اتخطي علاقة انتهت من ٩ سنين ليه ؟ علاقة انتهت من ٩ سنين وانا لسه عايش فيها علي امل اني اكملها علاقة من ساعة ما انتهت وانا دخلت في مليون علاقة تانيه مليون علاقة دخلت فيها عشان انتقم مليون علاقة ادخل فيها وانا الطرف المؤذي كل علاقة تنتهي وانا الشخص المؤذي فيها وبعد كل التجارب دي انا لسه متخطتش بعد كل الشخصيات اللي جيت عليها انا لسه متخطتش انا لسه بفكر في علاقة خلصت من عمر يقارب لعمر انسان عاقل مع نهايه كل علاقة كانت بتبقي في جملة مشتركة انت لازم تتعالج هل لو كنت اتعالجت من ٩ سنين كنت هبقي مختلف ؟

دلوقتي انا بحب بنت في اختلاف ف الدين بينا.. وللاسف احنا الاتنين متعلقين ب بعض جدا ومحدش فينا قادر يبعد عن التاني.. ومعنديش استعداد اكسرها بجد لأني فعلا بحبها جدا وهي كمان بتحبني ومع بعض لينا فتره ومستحملاني ف كل حاجة حتى مشاكلي شايلاني فيها وواقفه جمبي.. يعني حتى مفيش حجه اسيبها عشانها.. مش عايز اكسرها وف نفس الوقت خايف افضل معاها تتأذي بسببي

بحاول والله قدر الامكان اني ابعد عن العلاقات المحرمة والله تعبت مش عايزة ادهل فيها و اغلط غلطة انا مش قدها و قلبي هيتكسر بس معرفش يمكن ده اختبار ربنا ليا اني هفضل قد وعدي و كلمتي معاه معرفش بس والله حاولت هحكيلكوا حاجه في ولد كان معايا السنه الي فاتت في درس انجلش و الولد حلو الامانة المهم الولد ده مقضيها نظرات و انا لو ولد بصلي اكتر من مرتين بي قصد بتوتر و كل ما يتحرك لازم عيني تيجي في عينه بكون اتوترت خلاص و هو عمل معايا كده السنه الي فاتت مره فضل باصص مدة و خلاص قولت سرحان و انا مبحبش اوهم نفسي بحاجه انا اخترعتها من دماغي عشان متعبش السنه دي بقى انا غيرت مدرس مادة تانية عشان مكنتش مرتاحه و المادة دي مدرسينها قليلين المهم اتعرفت في الدرس ده على صديقة ليا قديمة و كنا صحاب في مدرسة ما و خلاص بعدنا فترة و رجعنا تاني المهم الولد ده لقيته برضوا فالدرس قعد طول الترم الي فات مقديها نظرات و انا اضايقت و قولت يمكن معجب بالي جنبي و انا اسيبهم الاثنين بقى و بجد مش عايزة اعيش في وهم و من هذا القبيل و مش عايزة اعلق قلبي وخصوصا ان الولد حلو لكن ميعنينيش في حاجه قولت الترم ده اسيب المستر اوف لاين و احضر اون لاين و كنت مرتاحه الحقيقة و مبقتش اشوفه تاني المهم النهارده كان عندي درس نفس المادة الي هو كان فيها السنه الي فاتت انجلش مع نفس المستر و جيت متاخر دخلت لقيته قاعد جمب الباب و بيتكلم مع المستر فالي احنا اخدناه لانه كان سابه و رجع طول الحصه حرفيا نفس الي عملوا و انا اقعد اقول يمكن بيبص على حاجة تانية او على الشباك الي جنبي يمكن مش انا المهم مفيش غيري فالنحية الي هو بيبص فيها اصلا و المشكله مفيش حاجه تلفت نظرة انه كل دقيقه يبصلي لما يتعدل يبصلي لما يكون عادي يبصلي بجد بقى ايه ده و انا صدقوني مش عايزة لا اعجب بحد و ولا حد يعجب بيا و لا انا الفت نظر حد و ولا حد يلفت نظري عايزة اعيش لوحدي لحد ما ييجي وقتها و اتجوز بقى و اطلع مشاعري دي في وقتها مش عايزة لعب العيال ده لانه بجد ضحك على النفس بس بجد انا مش عارفه هو بيعمل كده ليه او هو عايز ايه ولا هو بيحب يبقى توكسك و يقعد يعلق قلوب البنات بيه ولا ايه دنيته في نهاره الزرق ده و مش حابه اقول لماما و اعمل حوار على الفاضي و بحاول مركزش بس بجد انا مضايقة جدا خايفة ارجع اعلق قلبي تاني و اقعد اوهم نفسي بي حاجات الطرف التاني اصلا مش داري عنها و بقعد اطلع مبررات غير انه ممكن يبقى معجب بس انا مش عايزه حد يعحب بيا والله عايزة ابقى في حالي مش عايزة اتقطع و اتعذب تاني اني اسلمت قلبي لحد مش داري عنه اصلا والله تعبت ياريته ما جه الدرس

جالي عريس صالونات و كنت رافضة لاني مش حساه و امي غصبتني اوافق لانه يحترمها و خفيف الدم و انا كنت رافضة اني حاسة انه مستحيل يكون مناسب كزوج و بس وافقت عشان ماما ، تعلقت فيه بس بعدين اكتشفت ان اسباب يلي كنت ارفضه عشانها زادت عن حدها و صارت بشعة جدا و محدش يقدر يتحملها ، بس ما قدرتش ابعد ابدا لاني تعلقت فيه و حبيته ، ف لغاية دلوقتي بلوم ماما لاني حذرتها لو وافقت عليه و حبيته و تعلقت فيه و أكتشفت انه وحش و مقدرش ابعد عنه من رغم الاذى يلي بيأذيه لي ، مش هعرف اعيش بنفسية كويسة تاني ، ف عمري ما رح ارغم بنتي او ابني على حد هم مش شايفنه مناسب

كنت قولت مشكلتى قبل كدة هنا بس محدش قدر يساعدني أو ربنا يكرم اللى نصحونى حتى لو النصيحة مجبتش معاية نتيجة.. بس انا بجد مش قادرة انسا شخص كان ف حياتى خالص مكناش مرتبطين بس كان باين أننا معجبين ببعض وانا كنت بتكلم باحترامى الحمدلله ومكنش فى حاجة وحشة ف شخصيتى بس ممكن اكون قفيلة شوية لأن اكيد هكون حاطة حدود بس كنت ساعات بكون دبش شوية بس والله ماكانت بتوصل أن انا اجرحه أو حاجة بالكلام ليه يعملى بلوكات على كل حاجة بسبب حاجة زى كدة يعنى انا ولا كدبت ولا خونت فى الاول كان بيحكيلى حاجات خنقاه بس كنت بستغرب وبقوله دى حاجات تخص اهلك احنا لسة بنتعرف بتحكيهالى ليه وحسيت انى رخمة فاعتذرت وقولتله احكى ومن ساعتها بجد ببقا معاه فى اى حاجة مضايقاه وبتكلم معاه وبهديه ووالمشكلة انى مش قادرة انسى موضوع ماخدش فترة كبيرة كمان انا مش عارفة انا ليه كدة بجد نفسى انسا ومش عارفة ونفسى يرجع ونفسى ارجعه بأى طريقة بس عدى شهور كتير اوى اوى بجد بس هو اكيد نسينى أو مش عارفة بس انا بجد منستش.. نفسى ارجعه مش حابة اكون بفرض نفسى على حد انا ممكن مكونش ف باله بس نفسى يرجع طول الوقت بكدب على نفسى وبكدب على اللى حواليا انى تمام بس انا مش تمام والله خالص

انا دلوقتي بكلم بنت لكن انا بطلت احبها وبقيت بتجنب الكلام معاها وبتحجج كتير ان انا كنت نايم مشفتش الرساله وهيا بتحبني جدا ومتعلقه بيا ومش هقدر ان انا اسيبها بسهوله عشان انا سبتها مره وهيا ادمرت حرفيا بسببي رجعنا تاني ومن ساعتها وانا عايش بالزنب ده اني يا ريتني كنت سيبتها اول مره وخلاص عشان انا دلوقتي مش عارف انهي معاها خالص اعمل ايه

من كام يوم كنت منزل بوست انى لحد الان مش عارف اتعافى من علاقة دخلتها والبنت مش عارف انساها ومتعلق بيها جدا علاقتى بيها كانت اونلاين ف فى بنت دخلت بتقولى انت مش بتحبها ازاى تحب بنت مشوفتهاش قدامك بقوبها انى شوفت صور كتير ليها وكمان كنا بنتكلم فون بالساعات قالتلى انت متعلق بيها ومش بتحبها انا من ساتتها وانا بفكر فى كلامة لانى بجد مش عارف ان مشاعرة دى اية خصوصا ان دى العلاقة الوحيدة الى دخلتها فى حياتى ممكن اسمع رأيكم

انا عندي ١٨ سنه كلمت بنت من سنه و نص و انا حبيتها و اتعلقت بيها و مكنش في مشاكل من ناحيه اهلها لأني كلمت امها و هي وافقت تخلينا نتكلم من كام يوم امها محبتش علاقتنا انا و بنتها و خلتنا نسيب بعض وانا بحب بنتها اوي و مش عارف اعمل ايه لأني بتعلق بسرعه و من كتر ما انا مش عارف اعمل حاجه و بسبب خنقتي بقيت بشرب سجاير مع اني كنت واخد عهد علي نفسي مقربش منها ابدا انا عارف ان دي مش نهاية الدنيا ولا حاجه بس انا مبقتش قادر اكمل و حاسس اني بقيت لوحدي علشان هي كانت بيتي و حياتي كلها انا بجد تعبت

فيه شخص ف حياتي بحبه جدا جدا يعني وهوا بيحبني اوي وشخص محترم وكده وبيحاول يعمل المستحيل عشان ابقا مبسوطه بس عارفين فيه احساس خوف كده أنه يبعد عني أو مثلا ميبقاش من نصيبي ف الاخر خايفه اوي من دي والله خايفه بجد ساعتها هتدمر مش هعرف احب حد تاني رايكم ايه هوا ناوي ييجي بااذن الله بس هوا عشان لسه صغير شويه ف سنه كده بااذن الله أو 9 شهور ويدخل البيت بس فاهمين خايفه يشوف واحده تانيه تاخده مني ممكن ده من تأثير كلام حواليا وخوف مش اكتر بس فعلا ساعتها هتدمر جامد اوي هوا عموما والدتي عارفه أن احنا بنتكلم وواثقه فيه عشان هوا محترم جدا وقد كلامه واتكلمو قبل كده

محتاج رأيكم... انا نوعا ما شخصية needy، بمعني اني بحتاج اهتمام من الطرف التاني بنسبة كبيرة عن العادي، وانا مقدر ان محدش مطلوب منه يستحمل شخص كده، ف بضطر اخبي الجزء ده مني و اصلا بخاف اكلم حد او اتعلق بحد عشان لو اتعلقت هكون clingy جدا وطبعا محدش هيحب كده... لو حصل ولقيت شخص شبهي هيبقي حلم واتحقق بس هو ليه الموضوع صعب حاليا؟ ليه كلو عايز اهتمام غير محدود من كذا شخص، ليه مش بيكتفو بشخص واحد؟ انا بالنسبالي الاكتفاء بشخص واحد احسن بكتير من ابقي عندي علاقات متعددة، معتقدش ان فيه حاليا حد محتاج يكتفي بشخص واحد بس ومش قادر اصدقها اصلا...

دايما بتعلق ب الناس بسرعه حتي لما بقول لنفسي اني مش هتعلق بحد و احاول ابعد و مقربش محدش ييفهمني و ف العموم اصلا محدش بيفهمني و مش بعرف انسي حد كنت بحبه ممكن اقعد سنين بدون م انسي ده اكبر سبب تاعبني اني بحس انه كله هيمشي محدش هيفضل

لو شخصك مفضل غائب وانت متعلق به و فور رجوعه طلب منك التخطي لأنه غير قادر على مسؤولية (هي بنت ) ذا يعني ايه؟ بتكرهني لو ايه؟ انا مستعد افعل اي شي عشانها وبعتبرها الكل فذي الدنيا طب لو هي عارفة لي تجبر بخاطري؟

انا عندي مشكلة تعلق كبيرة جدا وصعبه جدا ومبحبش لما حد يقولي فترة وهتعدي وده عشان انتي صغيرة عشان انا بقالي اكتر من سنة ونص. انا متعلقة بمدرسه في المدرسة ومبقتش تديني ومش دايما بتعاملني كويس. ده بجد خلاني مكتئبة ومش عارفه اتعايش رغم صغر سني ( ١٣) وبيأثر على دراستي ورياضتي وبجد زهقت ومش عارفه اعمل ايه. مبحبش اقول لحد الموضوع ده عشان فكرة التعلق بمدرسه غريبة اوي بس انا تعبت خلاص ونفسي اعيش حياة حلوة. لو قعدت اقول تفكيري عنها اد ايه و ف ايه مش هتصدقوا. مشاكلي بتاعت ناس كبيرة وعندي كتير بس دي أكبرهم. الحمد لله بصلي وبدعي بس مفيش تغيير. مبقتش قادرة افتح كتاب ولا اذاكر وامتحناتي خلاص قربت. انا مستوايا مشالله كان حلو اوي وكنت الاول على الدفعة بس دلوقتي خلاص نزلت اوي

انا بقالى عشر ايام مش بعرف انام كويس ممكن انام ساعتين تلاته بس طول اليوم وحاسه بخنقه وزعل كبير حاسه انى مكسوره انا كنت مرتبطه بشخص وهو بقي يهملنى وميحسش بوجوده ومدايقه ومقهوره ع نفسي بجد كان بيحبنى جدا وهيموت ويكلمنى ولما اتكلمنا واتعلقت بي هو اتغير بقي يجي عليا وميسألش ويسيبنى بالشهور انا بجد حاسه انى قليله ومش قادره ابطل احبه كل مره اقول خلاص وارجع بس المرة دى انا موجوعه خالص

أعمل أي لو في بنت حبتها ونا عندي 18 سنه و هي كان عندها 17 سنه و سبنا بعض بعد خمس شهور مع بعض بس قبل ما نربط كنت بحبها اصلا و مكناش بنتكلم و حرفيا بعد ما سبنا بعض أنا مش عارف انسي أي حاجة عمري ما نستها نفسي اكلمها تاني الفكره ان كل سنه بشوفها مره في العيد اجباري و حاولت اكلمها 4 مرات خلال الفتره من ساعه ما سبنا بعض لحد دلوقتي لقيت كلمها تقيل. مختلف خالص عن زمان بس فعلا أنا مش قادر حاولت اصاحب ناس تانيه ولاكن دايما هي الي فبالي أعمل أي بجد (هي سابتني عشان بتقول الكلام بين الولد و البنت حرام ) ونا موافق ع كلمها ده ولاكن احنا مكنش بنعمل أي حاجة غير الشات عمري ما فكرت اقولها حتي هاتي رقمك او اكلمك كول عشان ده بنسبالي حاجه متنفعش قوليلي أعمل أي عشان فعلا تعبت مش عارف افكر في أي واحده غيرها هي خدت كل حبي حرفيا و كل لما اشوفها كل سنه مره في العيد برجع للصفر تاني

انا حبيت واحد من مجرد يوم اتعرفنا علي بعض بصراحه حبيته جدا ف كل حاجة وهو قالي نفس الموضوع حبني وقعد قالي علي كل حاجة كان ييعملها وحكالي كل حاجة عنه وانا حبيته اكثر وف مره قالي تعال نتخيل حاجات وقعد يقول كلام عن علاقه الجن**سيه وانا بصراحه انجذبت بس مقدرش عشان عارفه انه حرام لاقيته اديق مني وقالي خلاص ننام وبرضو فضل يحاول يقنعني ان الحاجه بتزود الحب بيننا انا المشكلة اني اقتنعت وللاڛف حصلت مش مره بس كذا مره بس ففون المشكله دلوقتي لو اتاخر عليا بقعد افكر انه اكيد كان عايز كدا وهيسبني وبعدين لما بتكلم معه بيحاول كذا مره يطمني بس برضو خايفه حاسه ان مكنش ينفع اعمل كدا بقيت خايفه يسبني اعمل اي

احكوا تجاربكم في التعافي من أي مشكلة كانت عندكم او تعلق بإنسان او صفة وحشة او عادة سيئة ادوني خبرتكم في النسيان والعودة للحياة الطبيعيه بعد فقد شخص عزيز عليكم خلونا نفكر سوا في طرق منطقية للتعافي

هل حد بيعاني هنا من بوردن لاين ازاي اتاكد ان فعلا عندي اضطراب دا انا بزعل بسرعه و ردود فعلي بتكون اقوي من الموقف و عندي تعلق شديد ف الحب و حبي مخلص بس بتعب من الإهمال و بكون حساسه أضعاف مع الشخص و ديما بفكر ف الموت زعلانه فرحانه الفكره مبتخرجش اصلا باذي اللي بحبو و باذي نفسي وقت الغضب و بندم بعدها و حجات تاني كتير

من حوالي سنة اتعرفت على شخص هو اصغر مني سناً ف اتعرفت عليه و نيتي اني اساعده عشان يكون شخص احسن و هو كان عنده مشاكل عاطفية و دراسية و ساعدته ف حلها او في تخطي نقط معينة و من يومها و هو اتعلق بيا اوي و انا متعلقتش بيه و لو اختفيت يوم ولا يومين يقلق عليا و يبعتلي انا مش عايزه ازعله ولا اوجعه بس حرفيا هو دلوقتي بقا شخص غير مريح ابدا و علطول ناقم و علطول بيشتكي و زعلان و كل م اكلمه اتشحن طاقة سلبية بسببه و انا مش قادره على ده بجد انا عندي مشاكلي و حياتي كفايه اللي فيها ساعدوني المفروض اتصرف ازاي

حالتي النفسيه لسنين ماكنتش احسن حاجه بسبب اول حب في حياتي عدي علي العلاقه اكتر من ٩ سنين بسببها دخلت في علاقات كتير واذيت ناس كتير في مشاعرهم عشان ارضي نفسي عشان اعرف اتخطي واحسس اللي قدامي باللي حسيته لحد ما جت اخر بنت اتعرفت عليها في الشغل اعجبت بيا واعترفتلي بدا مكنتش حاسس بمشاعر نحيتها لاكن قررت ادخل في العلاقه قعدنا مع بعض شهر ودخل علينا شهر رمضان ف بقينا شغالين الشفت 14 ساعة يوميا اخر ١٥ يوم في رمضان بسبب ضغط الشغل كنت قاعد معاها ١٤ ساعة يوميا يدوب ارجع البيت انام عشان اصحي اشوفها تاني ولقيت نفسي اتعلقت بيها ومشاعري اتحركت نحيتها لقيتها شبهي في كل حاجه تفكيرها زي حتي في اللي اتعرضت ليه زي وكانت بتعمل زي لحد ما اتعاركنا كذا مره وبعدين سبنا بعض وانا اللي سايبها الا اني اكتشفت ان هي اللي سيباني لأن مكنش في مشاعر نحيتي اكتشفت لما جيت اواجها انها بتقول نفس الردود اللي كنت بقولها بتتصرف نفس التصرف اللي كنت بعمله بتضحك لما كنت متضايق وانا بحكيلها اني عندي مشاعر نحيتها نفس ما كنت بعمل وساعتها كنت بحس اني باخد حقي من البنت اللي كانت سبب في اني ابقي كدا لقيتها بتعمل كل حاجه كنت بعملها واكتشفت اني مبقتش عارف اتخطاها لحد دلوقتي مش عارف افكر مش عارف اعمل حاجه حاسس اني عايز اكلمها مخي مش قادر يتخطاها مش عارف اتخطي انها هي اللي سيباني لأن كل دا مكنش فيه مشاعر نحيتي اساسا وكانت بتتسلي زي ما كنت بعمل مش عارف افكر ولا اعمل ايه كنت عارف ان دا هيتردلي بس مكنتش عارف الاحساس اللي كان اللي قدامي بيحسه

لو حد عنده مشكلة في التعلق زيادة لحد مش مستاهل لمجرد انه اتعامل كويس(طبيعي) ياريت ينصحنا 🙏🏻 مش عارفة اكتب ايه تاني 🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

عندي مشكلة بصراحة وهي اني لما بحب بكون عندي استعداد اعمل اي حاجه عشنها يعني مثلا خارجين عنيها جت علي اي اي حاجه لبس او هداية او اي حاجه بجبها ف وقتها وحتا لو مش معاية فلوس بحطها فدماغي واجبها طيب فين المشكلة المشكلة اني مش بتحب هي بتحب الي بعملو عشنها ولو مره قصرت بحسها متغيرة انا الموضوع ده اتقفل من كتير معاية بس الفترة دي حبيت بنت وللاسف لقتني بعمل نفسي الموضوع وديما عايز افرحها خايف اوي تكون الغلطه بتتكرر سعدوني اعمل ايه

كنت مرتبطه بحد وقعدنا سوا سنه و٧ شهور وكانت علاقتنا كويسه بس بعد كدا كان بيخصل مشاكل كتير والحاجات الي بنيت علي اساسها فالعلاقه اتغيرت والشخص دا طلع مش مناسب ليا حاولت اشرحلو كتير الحاجات التوكسيك ف علاقتنا وحاولت امشي بس هو كان بيتمسك بيا اوي وبيحاول علشاني بس مش كفايه لحد ما عرفت انو بيخوني وفالاخر سابني علشان واحده تانيه واحنا سوا كان بيدعي حاحات كتير مش ف شخصيتو وبيكدب عليا ف حاحات كتير علشان كان عايز يحتفظ بيا بس فالاخر اما بدات اعرف حقيقتو سابني وكنت عايزه الموضوع ييجي منو لاني استنزفت وكنت مش عايزه احس بالذنب دلوقتي انا حسه اني خسرانه حاجه وعندي شعور فقد مؤلم رغم ان عارفه ان مش هينفع لاني برفض الاسخاص ااي من النوع دا بس هو مثل كتير شخصيه مش شبهو لحد ما اتعلقت بيه

ازاي بتتخلصو من التعلق بالذكريات؟ ، ازاي مخليش الحاجات دي تأثر عليا، ممكن اتأثر ب صورة ف فترة معينه او برفيوم او اي حاجة لها علاقة ب فتره معينه عدت ومش عايزا افتكرها، الموضوع بيخليني اقعد افكر كتير بياخد من طاقتي وبحس اني دايما أسيرة الذكرى بجد

عارف النفس اللي بتاخده كدا وزفير سمعت فيديو لقارئ بالصدفه واغرمت بيه والله ربنا يباركله بقالي كذا يوم معنديش طاقه لاي حاجه من الشغل للفطار للنوم ومن الكليه للفطار للنوم وحاجه قمة الغم ف اللهم عفوك

فكرة أن الواحد يستوحش شخص كان معاه ومتعلق بيه جدا ومشاركه كل تفاصيل حياته وخروجات وضحك وهزار ودلوقتي مش عارف يكون معاه وبينهم بلوكات دي صعبة 😑.......

السلام عليكم. انا مشكلتي غريبه شويه وعاوز رئيكم انا مليش صحاب ولما كبرت بقا نفسي يبقا ليا صحاب . المهم. بشوفهم يخرجو ويتصورو مع بعض بس ممكن حد يسقل ويقول طب صحابك بتوع الاعدادي و ثانوي فين انا كنت بمشي معاهم كانو بيبعدو عني في الابتدائي و الثانوي و الاعدادي برضو فا خت قرار اني مصاحبش وفضل لوحدي اروح دروس لوحدي اعد في مقعد في المدرسه لوحدي مع اني كنت نضيفه جدا و شكلي العام مش وحش حتا لو عرفت حد كان بيبقا معارف مش اكتر وكنت بخاف اصاحب بقيت بحس اني كائن غير مرغوب فيه لما دخلت الكليه صحبت واحد مفيش احن منه وعاملني احلا معامله بس من كتر الي انا عديت بيه كنت بخاف يبعد عني بحس ان غير مرغوب كا العاده بس ده كله كان وهم ولقيته عكس كده وحد وحده حبيته اكتر وتعلقت بيه جامد بزات انو جه في وقت صعب عليا جدن كنت بتعالخ نفسي بسبب موضوع تاني وكنت حاولت الانتحار اكتر من مره بس هو وقف جمبي وقفه راجل لدرجه من كتر ما بقيت احبه بقا بي النسبا ليا اخ واب وام وكل حاجة بقا هو عندي ونا عنده في البيت الي كان بيفرقنا دخول الحمام حتا اللبس كنا بنشاركه مع بعض الناس بدئت تتكلم علينا حتا لو كان بيحصل بنا مشكله انا بنخاصم بعض ساعة كان ديمن يكلمني اتعب يجي يشوفني لو ملقتش معاه فلوس اديله كل الي معايه انا كان عندي هوا ياكل ونا افضل جعان عمري مخليته يحاسب وحنا خرجين حتا لو هدفع كل الي معايه انا اضحي عشانه اجبله اغلا الهدايه وغيره وغيره بس ده مش الموضوع انا بوريكم اد ايه انا كنت نبيل وكريم حتا علقت صرته عندي في الغرفه الجماعه فكروني اهبل في البيت بس اول مره الاقي صاحب حتا كنت بغير لو عامل حد احسن مني وبدايق وزعل وزعق معاه وقله انتا مش بتعتبرني اخ ف هو يسبت العكس ولله انا لو اعت اشكر فيه من هنا للسنه الجايه مش هيكفي اعمل ايه صحبي الوحيد ونا ما سدقت كلب ومسك عضمه فا لازم أكون كده غصب عني والله بدئت المشاكل تزيد بنا وهو كان بيزعل ويخاصمني بي الشهور وفضل اتحايل عليه يسامحني حتا لو هو الي كان غلطان وعدي عشان بحبه ونتصالح بس انا معملتي كانت بتبقا زي ما هيا بس هو لا بدا يتغير وحده وحده زهق بقا ما كتر السكر مش حلو بيجيب المرض فا زعل بعد ما اتصالحنا حصل مشكله تنيه و كا العاده حاولت اصالحه ورحتله البيت كانت المقابله زفت حاولت الطف الجو وبرضو ولا اكني عملت حاجة بعدها كلمني بقيت زي الاهبل وي ما سدقت و المشكله الي بعدها بقا من غير اي سبب اكل شرب بات عندي وفجأة بعد ما روح لقيته مش بيرد و اخر ما زهق رد عليا قلي روح شوف مصلحتك كانت الصضمه بي النسبه ليا اعت ٣ ايام من غير اكل ولا شرب وزعلان لدرجه سبت البيت وكده المهم كل يوم كنت ابعتله رساله لحد ما رد وقلي خلاص حصل خير حاولت اعرف هو كان زعلان ليه مقلش و المعامله قلت اكتر كمان اخر مشكله بقا كنت تعبان وجه شافني في البيت انا طبعن بحب اهزر معاه اخويا وحبيبي بقا وبزات جاي يشوفني اعت اهزر معاه فجأة قلي هروح لقيته زعل بعتله بعتها اعتزرات كتير ولا كان بيرض عليا ولا عاد بيعبر ممكن مسح رقمي كمان ممكن امه الي بقت بتسقل عليا المشكله دي بقت ابل رمضان بي ٢٠ يوم ولسه مش بيكلمني اخويا قلي ده ندل بس انا مش شايف كده اخويا قلي كده عشان مسقلش فينا مهما كان احنا بنا عيش وملح هل اكلمه يوم العيد بس لو مردش هتعب ولا انساه ورجع زي منا بلاصحاب حتا معدش معايه فلوس انتم ايه رأيكم

انا متعلقة بشخص كنت اواعده كان بيديني اهتمام كبير وبعد غترة حدث سوء فهم سمعني كلام كثير ولما حضرته وفكيت الحضر بعد عني هو الصراحة مكتش حبه في الاول بعد ما بعد تعلقت فيه كثير شو الحل اروح احكي معه وانزل من نفسي ام اتجاهل الموضوع لأنساه وحسب

السلام عليكم. انا مشكلتي غريبه شويه وعاوز رئيكم انا مليش صحاب ولما كبرت بقا نفسي يبقا ليا صحاب . المهم. بشوفهم يخرجو ويتصورو مع بعض بس ممكن حد يسقل ويقول طب صحابك بتوع الاعدادي و ثانوي فين انا كنت بمشي معاهم كانو بيبعدو عني في الابتدائي و الثانوي و الاعدادي برضو فا خت قرار اني مصاحبش وفضل لوحدي اروح دروس لوحدي اعد في مقعد في المدرسه لوحدي مع اني كنت نضيفه جدا و شكلي العام مش وحش حتا لو عرفت حد كان بيبقا معارف مش اكتر وكنت بخاف اصاحب بقيت بحس اني كائن غير مرغوب فيه لما دخلت الكليه صحبت واحد مفيش احن منه وعاملني احلا معامله بس من كتر الي انا عديت بيه كنت بخاف يبعد عني بحس ان غير مرغوب كا العاده بس ده كله كان وهم ولقيته عكس كده وحد وحده حبيته اكتر وتعلقت بيه جامد بزات انو جه في وقت صعب عليا جدن كنت بتعالخ نفسي بسبب موضوع تاني وكنت حاولت الانتحار اكتر من مره بس هو وقف جمبي وقفه راجل لدرجه من كتر ما بقيت احبه بقا بي النسبا ليا اخ واب وام وكل حاجة بقا هو عندي ونا عنده في البيت الي كان بيفرقنا دخول الحمام حتا اللبس كنا بنشاركه مع بعض الناس بدئت تتكلم علينا حتا لو كان بيحصل بنا مشكله انا بنخاصم بعض ساعة كان ديمن يكلمني اتعب يجي يشوفني لو ملقتش معاه فلوس اديله كل الي معايه انا كان عندي هوا ياكل ونا افضل جعان عمري مخليته يحاسب وحنا خرجين حتا لو هدفع كل الي معايه انا اضحي عشانه اجبله اغلا الهدايه وغيره وغيره بس ده مش الموضوع انا بوريكم اد ايه انا كنت نبيل وكريم حتا علقت صرته عندي في الغرفه الجماعه فكروني اهبل في البيت بس اول مره الاقي صاحب حتا كنت بغير لو عامل حد احسن مني وبدايق وزعل وزعق معاه وقله انتا مش بتعتبرني اخ ف هو يسبت العكس ولله انا لو اعت اشكر فيه من هنا للسنه الجايه مش هيكفي اعمل ايه صحبي الوحيد ونا ما سدقت كلب ومسك عضمه فا لازم أكون كده غصب عني والله بدئت المشاكل تزيد بنا وهو كان بيزعل ويخاصمني بي الشهور وفضل اتحايل عليه يسامحني حتا لو هو الي كان غلطان وعدي عشان بحبه ونتصالح بس انا معملتي كانت بتبقا زي ما هيا بس هو لا بدا يتغير وحده وحده زهق بقا ما كتر السكر مش حلو بيجيب المرض فا زعل بعد ما اتصالحنا حصل مشكله تنيه و كا العاده حاولت اصالحه ورحتله البيت كانت المقابله زفت حاولت الطف الجو وبرضو ولا اكني عملت حاجة بعدها كلمني بقيت زي الاهبل وي ما سدقت و المشكله الي بعدها بقا من غير اي سبب اكل شرب بات عندي وفجأة بعد ما روح لقيته مش بيرد و اخر ما زهق رد عليا قلي روح شوف مصلحتك كانت الصضمه بي النسبه ليا اعت ٣ ايام من غير اكل ولا شرب وزعلان لدرجه سبت البيت وكده المهم كل يوم كنت ابعتله رساله لحد ما رد وقلي خلاص حصل خير حاولت اعرف هو كان زعلان ليه مقلش و المعامله قلت اكتر كمان اخر مشكله بقا كنت تعبان وجه شافني في البيت انا طبعن بحب اهزر معاه اخويا وحبيبي بقا وبزات جاي يشوفني اعت اهزر معاه فجأة قلي هروح لقيته زعل بعتله بعتها اعتزرات كتير ولا كان بيرض عليا ولا عاد بيعبر ممكن مسح رقمي كمان ممكن امه الي بقت بتسقل عليا المشكله دي بقت ابل رمضان بي ٢٠ يوم ولسه مش بيكلمني اخويا قلي ده ندل بس انا مش شايف كده اخويا قلي كده عشان مسقلش فينا مهما كان احنا بنا عيش وملح هل اكلمه يوم العيد بس لو مردش هتعب ولا انساه ورجع زي منا بلاصحاب حتا معدش معايه فلوس انتم ايه رأيكم كنت عاوز احكلكم كمان بس مين هيقرء كل ده أصلان

انا بكرهني اوي لما بحب و بتعلق و بتبهدل بكرهني و بكره حبي للي بحبهم و بكره اني ابين حبي ليهم و بكره وجع قلبي لما بيسبوني بكرهني علشان بحبهم و بكره احساس الفقدان اللي بيبهدل قلبي معاهم

ممكن شخص يخبرني ليه مش راضي يخلي المنشور دا برايڤت؟ ممكن حد يتعلق بشخص علشان كلمه عشر ايام بس تقريبا او نقول أسبوعين مثلا اصل مش معقول كدا بصراحه اكلم شخص اسبوعين و مقدرش اتخطاه اكتر ما كلمته حد فاهم حاجة؟