عرفت واحد اونلاين ف شهر يناير ده المهم هو اللي كان داخل يكلمني الاول و انا كنت عنده على الفيس كنت شايفه انه شخص محترم جدا لان كليته كويسه و متفوق جدا ف دراسته و تخرجه و كان كليه هندسه و متخرج ب امتياز و بعدها هو بعتلي ف رديت عليه و اتعرفنا و اتكلمنا واتس و ارتبطنا بسرعه اوي و كان مهتم جدا جدا و يبقولي هاخد خطوه رسمي لو لرتاحت و بحبك و بتاع و بصراحه انا ف فترة كنت محتاجه اسمع كلمه حلوة حتي لو كذب صدقته عشان هو كان خاطب مره و سابو بعض ف قولت هو مفيش حاجه منعاه فعلا و جاهز يرتبط بجد و بعدها بحبه اختفي من حياتي و مبقاش بيكلمني عدي شهر و حبته و لقيته فجأه رجع بعتلي تاني عادي و قعد يقولي انا اسف و كنت بس ف مشاكل و كده و انا بصراحه كنت لسه بحبه ف رجعت بردو مكلمناش اسبوع و رجع اختفي تاني من حياتي دلوقتي و مبيردش عليا بقلله يومين اهو المشكله اني لسه مش عارفه اخد الخطوه و امسحه من حياتي ده انا مش قادره امسح الشات حتي لان موضوع اني اتعودت على اهتمام كتير كل يوم و حب كبير و فجأه يختفي و المطلوب مني اني انسى بسرعه كده مش سهل
حطي كرامتك قدام عينك ، صدقيني انتي تستاهلي احسن من كدة بكتيير ، حرام عليكي نفسك ، انتي مش وقت فراغ لحد ، وحرفيا هو بيتسلي
بصي بصراحه وجهه نظري انك تبعدي حتى لو دا وجعك لانك انتي سوا حبيتيه محبيتهوش ف هو مش بيحبك عشان دا مش تصرف حد بيحب حد، و يمكن يكون بيلعب فكره انه كان خاطب مش معناها انه مش بيلعب، م يمكن هو خانها و سابته حتى لو كان قالك سبب غير كدا، احفظي كرامتك و بلكيه احسن مما يبلكك هو و ساعتها هتعاني اكتر و هتكرهي نفسك صدقيني و اسمعي من مجربه.
ده love bombing بالمعنى الحرفي انتي مش بتحبيه انتي عايشة على فتات الاهتمام وعلى امل انه يرجع زي ما كان في البدايات لما كان بيحاول يجذب اهتمامك للأسف هتضطري تضغطي على نفسك وتمسحي الشات وتعمليله بلوك .. اسفة انك بعد ما رسمتي حياتك عليه ترجعي تمسحي كل ده وتبداي من الأول بس انتي حرفيا مش محتاجة غير نفسك وحياتك قبله كانت حلوة
بصي مش هقدر اقول غير ان النهاية مش حلوة بالمرة صدقيني حد قريب مني حصلت معاه نفس القصة بالحذافير واكتر وكان مهندس متفوق ومميز وشغل مميز وكل حاجة حلوه برضو خدي الخطوة الجد بالقطع النهائي حتى لو لسه عندك الاحتياج ماتستنيهوش من أمثاله ربنا يعوض من عنده واقسي على نفسك حبه لانه هيفضل رايح جاي رايح جاي وانت كل مدى تغرزي استغلي انك عرفتي انه بيروح ويرجع واقطعي انت لانه هيرجع ويعتذر ويطلع بحجج تاني وتحسب انها خلاص المرة دي هتظبط تطلع ازفت من اللي قبلها هو بيجيلك لما يكون محتاج طاقتك وحاسس بوحدة اسمعي النصيحة لمصلحتك وبلاها قلة قيمة وكرامة واللي مايحبك يغور هيجي اللي يحبك وانت حبي نفسك وقدريها تقدرك
بصي والله انا كنت عارفة واحد و عمل معايا نفس الحوار و صدقينى انتى بالنسباله زى اللعبة اللى بيلعبها لما يكون عاوز يتسلى شوية و لما بيزهق بيمسحها و بتاجى عليه اوقات عاوز يلعبها تاني فا يحملها ويلعبها و يمسحها و هكذا بقا شوفى انتى عاوزة تكون مجرد لعبة بيتسلى بيها و لا عاوزة تحافظى على كرامتك
حاولي تغيير العلاقة السامه هذي ب علاقة صداقة صحية و جربي تكوني صداقات جديدة خاصة يعني بنات ولكن اسرارك تبقى عندك عشان ما عصير مشاكل بعدها والله يبعدك عن العلاقات السامة هذي
اقفلي الباب دا خالص واعملي بلوك.كمان صدقيني دا فيه حد ف حياته ولما بيسيبه بيجيلك والعكس