بسكوته ... بسكوته .. مش عارف ايه اللي حصل عامًة في آخر درج من السلم المائل للغي كنت بشرب شاي من كوب مصنوع من صوت والوقت واقف على رجل واحدة زي طائر نسي اسمه في جيبه الشباك بيضحك من غير سبب والستارة بتتكلم مع ظلها عن سر مش موجود أصلاً لكن الكل بيصدقه مشيت في شارع عرضه فكرة وطوله حكاية مبتكملش كل البيوت هناك مربوطة بخيط مشدود على قلب حد ناسي نفسه قابلت كرسي قاعد على إنسان بيسأله: "هو أنا كنت مين؟" فالإنسان رد عليه بصمت وقع على الأرض واتكسر لجوه الساعة بتلف حوالين السؤال والإجابة بتجري منها زي طفل شايل بحر في جيبه ومش فاهم ليه هدومه تقيلة وفي النهاية لقيتني مش أنا واقف بعيد بأشاور لنفسي ومش برد عليّا.