جدعان كنت ف جروب برزنتيشن لكذا مادة هما نفس الجروب ف كل المواد المهم ان انا اما باجي اقولهم نعمل حاجه محدش بيعمل معايا وعشان عليها درجات بضطر اعملها لوحدي ف الاخر ابحاث اسايمنتس اي حاجه الا البرزنتيشن بزن عليهم نعملها وبعملها بوجع القلب المهم ان اخر برزنتيشن فضلت حرفيا ازن عليهم واحزق عشان نعملها وف الاخر عملوها بطلوع الروح لما كلمت صحبتي اللي معاهم ف السكن تقولهم المهم يا جد ان ف الاخر البرزنتيشن دي محدش منهم جه فيها وراحت عليهم نومه المهم اني غيرت الجروب وروحت جروب تاني ومقولتش لصاحبتي هي متضايقه فشخ دلوقتي واما قولتلها اما تعبت وزهقت قالتلي محدش طلب منك تعملي حاجه كنتي قولي وهنعمل معاكي قولتلها محدش بيعمل حاجه وبطلب ومحدش بيعمل بس هي شايفه اني غلطانه وكان لازم اقولهم برضو قبلها عشان البرزنتيشن بكرا وانا لسه قايله اتصرف ازاي او اعمل ايه واصاحلها ازاي
خلاص ونتي كمان متسيبهاش بس متخليش الموضوع دا يأثر عليكي وعلى دراستك خلاص امتحاناتك مش باقي عليها غير شهر
هتعملي ايه اللي حصل حصل. ويعتبر دي اخر سنة وهتبقى غريبة من تاني حاولي معاها بس متجيش على نفسك
كنتي عرفتيها انك سبتي الجروب خليهم يعرفو ازاي يعتمدو على نفسهم بس مش مشكلة دلوقتي اعتذري لها وقليلها اي عذر فكسان زي اعذارهم اللي كانو يقولوها كش هتخسري حاجة اهم حاجة بقيتي في تيم كويس
بصي انتي تعبتي عشان الموضوع ده وده واضح جدًا، ومش غلط إنك تزعلي لما تحسي إنك شايلة لوحدك. بس برضه لازم تفصلي بين شغلك ومشاعرِك تجاههم… لو محدش بيساعدك، اعملي اللي عليكي عشان نفسك ودرجتك وبس. واللي حصل مع صاحبتك ممكن يكون سوء تفاهم مش أكتر، حاولي تكلميها بهدوء من غير ضغط وتفهموا بعض. أهم حاجة دلوقتي تركزي على شغلك ومتبذليش مجهودك على ناس مش مقدراه ومعروف برضه اي حد بيكون بيبذل مجهود أو خايف على الدرجة الجروب كله بيرمي الحمل عليه جربي مرا تكوني باردة ومتعمليش حاجة هتلاقيهم اشتغلوا غصب عنهم