السلام عليكم صعب علي راجل يقول كدا بس دي حقيقة او بالنسبالي انا بحب البنات اوي اوي اوي بحب اعرف كل يوم واحدة جديدة وكل واحده مختلفة عن التانية المهم تكون حلوة وبعد ما بكلمها بحس اني اكتفيت زهقت لا اشوف اللي بعده يعني بصراحه انا معرفش ليه والله وده المفروض يعني مش من شيم الرجال اني بحب اعجابهم بيا سوا شكل او جسم او طريقة مع اني عاادي جدا والله بس هوا انا كدا فاضي من جوا؟ يعني لما بشوف الإعجاب ده واتأكد اني مش مرفوض خلاص مبكلمش يعني هوا انا كدا بكمل نفسي بيهم اكيد لا طب انا بحب اعجابهم ايوا طب انا فعلا فاضي اوي ف حياتي للدرجة دي لا انا الحمدلله كل يوم بسعي ف حياتي وبصلي والله العظيم وبتوب كل يوم بس برجع الصبح زي الاول مع اني ممكن في يوم مصحاش نفسي اتوب ومرجعش ولا أوجع بنت ولا اعلق حد بيا كل ده غلط انا عارف والله مش فخور بحاجة من كل ده انا ندمان علي كل حاجه عملتها ربنا يتقبل توبتي وتوبتكم
اعتقد انك عايز تثبت لنفسك انك مرغوب
توب ي صحبي وربنا يصلح حالك
محدش هيفهمك قدي غالبا انت مدمن بدايات واطراء ودوبامينك بتاخده من اعجاب البنات ( وارد بسبب فترة كويلة كنت بتعاني فيها من قلة ثقة او خجل ) حلك بمنتهى البساطة تدور ع دوبامين تاني بانك يومك يبقى زحمة لدرجة مش لاقي وقت لده وتعمل نجاحات
ربنا عالم بندمك ده وافتكر حاجه واحده أنها ممكن في يوم تترد في حد من قرايبك حط دي نصب عينيك انا مش بقفلك لا توب توبه نصوحه انك مترجعش تاني في الطريق ده
أنا مقدر اللى انت فيه بس من الاخر لازم تعرف حاجه هو الذنب بيجيب ذنب كل مره هتزهق تشوف حد تاني لأنها دوامه مش بتخلص اقفل على نفسك لحد كده خلي بالك افتكرها مني هيجي يوم هتتأذى جامد حاول تخلص من الموضوع ده لانك هتيجي في مره هتتأذي هتاخد وقت عقبال ما ترجع كويس الحل اشغل نفسك علاقتك بربنا تمام حاول تشتغل أو تركز في دراستك دور على حاجه تعرف تنجح فيها لان موضوع العلاقات ده عامل زي الإدمان مش هتشبع مهما حصل فأخرج منه حاول
حضرتك عندك عقدة نفسية عندك نقص دخلك عايز دائما تثبت انك مرغوب وكل البنات حوليك وعايزينك .. حضرتك يمكن ماكنتش تتشاف من والدتك أو بنت كانت مميزة عندك وما عطتك الاهتمام لكنت عايزو .. لازم تتشفى اولا لكنه مرض نفسي و مش راح يخليك مستقر ولا راح تكتفي طول ما دخلك فارغ .. وثانيا كل علاقة جديد ذنب جديد .. "شوف دكتور نفسي وداه مش عيب". انا حاولت احكي بلهجة مفهومة اتمنى تكون واضحة
اقسم بالله ما فخر باللي عملته كدا كدا محدش يعرفني بس انا كلمت جنسيات مختلفه وطبقات مختلفة و اعمار من اول سبعتاشر ل التلتينات فا هوا انا هفضل كدا؟
ربنا يصلح الحال
اكيد بس هوا كل اللي عرفتهم صحوبية وارتباط او او وماثبتش لنفسي؟