منذ 21 أياميشعر بـ عادي
هحححححححح اتخنقت فجاه مع اني كنت بادئ اليوم كويس ومحضر للفجر والدنيا فل دخلت اصلي وكانت نبرة صوتي تحفه واغرمت بيها اتلخبطت في الركعه الاولى وردوني قبل السجده مره وبعد السجده مره !!! اول مره تحصل ان حد يردني والحمدلله والركعه التانيه تمام وتخيل بقا ان ابويا كان بيصلي ورايا لاول مره ف حياتي في راجل سلم عليا بعد الصلاه بيقولي يعني مش جاي تغلط الا لما ابوك ييجي يااااه عارف اني كرفت لموضوع علاج التعفن الدماغي بس مضغوط في شغل وامتحانات ومذاكره والدنيا بايظه ف ادعولي ب اي دعوه تيجي على بالك ولك بالمثل يارب دمتم في امان الله
بص يصاحبى احنا يعتبر زى بعض انت أغرمت بصوتك ف كان العقاب من ربنا انك غلطت وشكلك بقا مش احسن حاجه ف دايما لو جالك الاعجاب دا رد ع نفسك ع طول وافتكر انه من ربنا وعشان تؤدى بيه الرسالة اللى ربنا عايزها تؤدى من خلالك مش اكتر ولا أقل
نا كنت زيك كدا بس الناحيه التانيه خالص لما حد يقولي انت خرجتنا من الدنيا أو صوت جميل بحس أنه الحمد لله يارب دا كتير عليا وافتح تلفوني الاقي اغاني وريلز فنا مش تقي زي ما انتوا فاكرين بس ربنا ساترني
العجب دا سبب المشاكل انك بتعمل حاجه لنفسك وحظ نفسك مع أن الموضوع كله المفروض يبقي لله ونتسي نفسك خاالص كانك مش موجود ربنا بيستعمللك ف بلاش عجب
ربنا يعينك ويصلح حالك ويوفقك لما يحب ويرضى💙
عاااادى مافيش حاجه حصلت الصحابه اتردو ف الامامه انتا حساس شويه وواخدها بحساسية وابوك فخور بيك والراجل اللى قال لك كده بينكشك ماتبقاش حساس بزيادة أوى وتدى الموضوع اكبر من حجمه عارف الإشكالية فين مش ف انك غلطت الإشكالية انك كنت عاوز نورى باباك حاجه معينه فا ده كان تركيزك وعلشان كده حصل اللى. حصل صلح علاقتك بباك Solo Quill
انا بروح الجامع متأخر قاصد عشان ميدخلونيش اصلي عشان الجامع مفهوش حد كويس وانا بقرا كويس
يمكن عشان اغرمت بنبرة صوتك؟ سبحان الله الانسان ضعيف وناقص وكل حاجه بتبقى من توفيق ربنا مش شطارتنا ربنا يوفقك ويعينك ع شغلك وامتحاناتك