لا مش هيبقى مناسب ليكي، دوري على منفصل من غير اولاد و معندوش عقد عادي بتحصل بيكون كويس وهي كويسة بس مش مناسبين لبعض. و خليكي ناضجة واعرفي انتي بتختاري ايه ومحتاجة ايه من العلاقة وتقدري تقدمي ايه

بصي مش كل الناس زي بعض ممكن تقعدي معاه وتتكلمي وتفهمي دماغه كذا قعدة وبعدين تقرري مش شرط يكون نفس اللي قبله ومش شرط يكون كان في مشاكل كبيرة توصل لعقد وصلتهم للطلاق بس مش اكتر ف جربي تاني

إنتي عندك 33 سنة يعني في عز نضجك وعقلك ومن حقك مليون في المية إنك تختاري الراحة لقلبك فكرة إنك جربتي قبل كده وطلعت تجربة معقدة ده يخليكي تاخدي حذرك أضعاف وده مش عيب ولا تجني على حد. موضوع إنه مطلق ومعاه ولاد محتاج قلب كبير أوي وقدرة على الاستيعاب لأنك مش هتكوني في حياة الراجل لوحده إنتي هتكوني شريكة في حياة بنته كمان لان اكيد مش هيمتنع عن بنته وانتِ كمان متقبليش على نفسك دَ فالبتالي مش هتقبليه عليها وده وضع مش سهل ومحتاج حد يكون مستعد له نفسياً 100%. لو حاسة إنك لسه بتتعافي أو إنك عاوزة بداية جديدة وصفحة بيضة من غير مسؤوليات قديمة يبقى بلاش تظلمي نفسك وتظلمي الطفلة معاكي كمان موضوع بيت العيلة وطبيعة شغله اللي فيها غياب طويل محتاجين تفكير بالعقل.. هل إنتي هتقدري تسدي وتستحملي المسؤولية لوحدك وإنتي وسط أهله؟ نصيحتي ليكي متوافقيش تحت ضغط السن أو كلام الناس ولا ترفضي لمجرد الخوف.. صلي استخارة مرة واتنين وتلاته ي اما هتحسي براحه او بخوف لو الراجل ده لقطة وشخصية محترمة وهيعوضك اقعدي معاه وشوفي راحة قلبك لكن لو من أولها قلقانة وحاسة إن الحكاية فيها عقد شبه اللي فات يبقى استني رزقك اللي يريحك

انا عاوزة اوضح حاجه اصلا اتربيت بعيد عن ابويا وامى لانهم اتطلقوا من قبل ما اتولد فاتمرمطت بصراحه وعانيت فانا مش حمل معاناه تانى وف مجمتعنا مرات الاب هتفضل مرات اب مهما عملت وانا حرفيا خايفه جدا و ف نفس الوقت عاوزة حياة الى حد ما تكون هاديه شويه كده كده الدنيا كلها ابتلاءات ومشاكل الله المستعان بس اهله بياكده ان العيال هيفضلوا مع جدتهم ام ابوهم اللى هى حماتى فالموضوع مش مريحنى والله

هو انا تحت ضغط فمش عارفه افكر كمان القعده بتقى مرة واحد قولتى اه خطوبه وجواز ع طول مفيش فترة خطوبه