قبل ما تحاولي تتعرفي على حد اعرفي نفسك كويس وثقي ف نفسك الل يعجبه يعجبه والل ميعجبوش ف داهيه هيجي غير والدنيا مبتقفش ع حد

بصي يصدقتي 🙂 أنا فاهمك جدًا وصدقيني مش عيب إنك بتتوتري أو خايفة من الكول أو الظهور 😶 صوتك وشكلك حلوين لأنهم بتوعك +ومين قال إن كل الناس لازم تحس بيهم بنفس الطريقة🤍 اللي يحبك بجد هيفهم إنك مش مرتاحة للكول وهيديكي وقتك من غير ضغط ❤️😇 جربي تتعاملي مع حد ترتاحي له الأول وتبدأي تدريجي حتى لو صديقة واحدة عشان تحسي بالأمان لو حد ضغط عليك أو مشىي عشان رفضتي حاجة، يبقى هو مش الشخص المناسب ليكي أصلاً ✨ أنتِ مميزة بطبيعتك، ومش محتاجة تثبتي نفسك لأي حد، اللي يستاهلك هتشوفه من غير ما تضغطي على نفسك ❤️ وبس كدا🗿❤️

ده رهاب اجتماعي عندي الحوار ده بس قل عن الاول انا كنت كدا زمان بس خف خالص ابدأي مع صحابك الأول انتي مش ناقصك حاجه ولابسه كويس ودنيتك فل خلاص مش لازم تمشي تكوني انجلينا جولي عشان الناس تحبك كفايه ان عندك صحاب دي نعمه لوحدها اخرجي معاهم واقتنعي انك تمام لانك كدا ومحدش بيبقى مهتم اصلا من الناس زي ما بيكون في تفكيرك

ومين قالك ان شكلك وصوتك وحش انتي واهمه نفسك ليه ؟؟ جربي يابنتي واخرجي مع صحاباتك وعيشي

اقراي كتب كتير والله هتساعدك كتير في طريقتك في الكلام عن تجربه

دي قلة ثقه ده غلط ايا كان سببها ايه ومين حضرتك احنا مخلوقين مختلفين عن بعض والي خلقنا حاطط كل حد فيه ميزه مختلفه عن التاني حبي نفسك عشان لما تحبي نفسك الناس هتحبك الجمال مبيبقاش جمال الشكل بس لا ف جمال الروح ساعات كده بنشوف حد جميل بس لما بنقرب بتلاقيه لا يطاق وساعات العكس وخلي بالك مفيش حد وحش الوحاشه بتبقا من جوه حضرتك من القلب مش من بره حبي صوتك حبي نفسك اعتقد انك لسه صغيره في السن حبي نفسك وحبك لنفسك هيطلع عليكي من الشكل الخارجي العام مفيش حد وحش مفيش حد وحش من بره اكررهالك الوحاشه بتبقا داخليه مش خارجيه

ممكن اساعدك

طلعي كل الافكار دي من دماغك خليكي واثقه من نفسك وبالنسبه لجو التعارف ده فدي حاجه حرام اصلا ويعتبر علاقه محرمه شرعا وربنا هيحاسبك عليها ركزي في مستقبلك عشان محدش فيهم هينفعك والله وربنا قال سبحانه وتعالى في القران ولقد خلقنا الانسان في أحسن تقويم يعني محدش بيختار شكله ولا صوته بيبقي عامل ازاي اكرفي لاي حد يقولك كلمه وحشه او يدايقك

انتي مش خايفة من صوتك ولا شكلك انتي مرعوبة من الاستحقاق المنخفض اللي جواكي ومحاصرة نفسك في زون الضحية عشان تهربي من المواجهة وتفضلي عايشة في خيال السوشيال ميديا اللي صانعة فيه صورة وهمية لنفسك والحقيقة إن الرفض اللي بتمارسيه ده مش قوة شخصية ده تدمير ذاتي عشان ترفضي الناس قبل ما يكتشفوا إنك معندكيش ثقة في قيمتك كأنثى وأي راجل عنده قيمة مش هيضيع وقته في مطاردة حد خايف من ظله ومستخبي ورا شاشة طول ما الفريم بتاعك هش كده هتفضلي تضيعي فرص حقيقية وتعيشي في الوحدة الآمنة اللي بتدمر مستقبلك الاجتماعي

مش لازم كله يتقبلك انتي مش احسن من رسولنا ﷺ لما كان له معارضين ومازال

كبري دماغك م نظرة الناس شوية وجربي تصاحبي نفسك وتحبيها

لا طبعا ثقي ف نفسك اهم حاجة نفسك انا كنت زيك بس شوفت أن مفيش حد اهم مني انا لقيت ان العكس بقا والناس بتحب الشخص الواثق ف نفسه اللي ميديهمش قيمة اوي

اسمعي صوتك الداخلي وبلاش تنفذي كلام اي حد