انا شاب عندي ٣٠ سنه اتمني تقروا كلامي بتركيز وتقولوا رايكم ووجهة نظركم انا بشتغل في مجال الكمبيوتر واتولدت بظروف معينه ابتلاء من ربنا والحمد الله عليها من يوم ما اتولدت كان عندي تشوهات خلقيه مش معروف لها سبب ابويا جات له صدمه وحصل له زي شلل مؤقت وكان رافضني وكان عايز يتجوز علي امي علشان يجيب ولد تاني سليم مش عنده اعاقه وكانت امي قاعده بيا انا واخواتي في مصر وكان خلاني بيجو الشقه يباتو عندنا ويقعدو معانا في غياب والدي وكان والدي عارف فوالدي كتب شقته الاحنا قاعدين فيها باسم والدته علشان مياخدوهاش خلاني وامي ووالدي قبل زواجه بامي كان خاطب بنت ومكنش يعرف ان اخوها ذوي احتياجات خاصه وبتجي له نوبات صرع وصريخ وكان بينزل من فمه لعاب بكثره وفي مره من المرات وهو بيكلم خطيبته سمع صوت حد بيصرخ وسال مين وعرف انه اخوها وقفل معاها المكالمه وبعت لها دبلته وفسخ الخطوبه اعتراض علي اخوها ...وانا بستنتج ان ربنا ابتلا والدي بيا لرفضه اخو البنت الكان خاطبها ووالدي ديما معاملته معايا حاده وجافه ومفيش اي طيبه او حنيه ديما بنتخانق وديما بنزعق مع بعض وهو بيبقي عايز حاجه وانا ببقي عايز حاجه ومش بيعمل الانا عايزه وبيشوف ان هو صح وانا بشوف اني صح وداخلين مع بعض في عناد قوي ومن وانا طفل صغير مفيش بيني وبينه اي كلام عمره ماسألني عملت اي في المدرسه ولا حب يعرف حاجه عني كان بيوصلني المدرسه وبيرجع ياخدني وطول الطريق ساكتين وديما شايفني غلطان ومقصر ومش قد مسؤولية حاجه مهما عملت ولحد ما كبرت وعملت عمليات تجميل كتير جدا اكتر من 30 عمليه تجميل في خلال 23 سنه وهو بنفس الطريقه وبنفس المعامله مش بيتغير للاحسن وديما بيفضل اخواتي البنات عني وبيعاملهم كويس وبيضحك وبيهزر معاهم وبيسأل عليهم وبيهتم بيهم وطلباتهم اغلبها مجابه عمري في حياتي ما رفعت صوتي علي ابويا ولا قلت له لا علي حاجه حتي لو هعملها غصب عني ايوه يمكن سعات برفض اعمل حاجه او بعملها وانا متضرر بس بعملها زي مثلا ايام ما كان بيبني بيت كان بيبقي عايزني اروح معاه كل يوم علشان ارش الخرسانه مياه وكان عايزني ابقي واقف معاه من الساعه 6 الصبح لحد 6 بليل والعمال شغالين وبيقولي البيت ده انا بعمله لك مش ليا تعالي اقف وشوف الناس وخليك في ضهري انا كنت مش بروح كتير لاني مش شايف اي استفاده من المرواح والوقفه غير الفرهده والتعب ليا وله لان في مقاول المفروض مسؤول عن البناء من الاول للاخر ووالدي حتي ايام الدراسه كان مش بيذاكر لي خالص ولما ذاكر لي في مره ضربني وكسر لي دراعي ومره تانيه ضربني وعمل لي التهاب في القفص الصدري وشبه شرخ في ضلع القفص الصدري وكنا زمان لما بنروح لعمتي لحد من فتره قريبه كانت القعده كلها كلام عني بيعمل وبيخلي وبيسوي وكلها كلام سلبي وانتقاد مفيش حاجه ايجابيه لحد مؤخرا كنا عندها واتفتح موضوع معين ابويا طلع نفسه منه وجاب الغلط والتقصير والاهمال عندي مش عنده هو ولما امي واجهته قال لها انا مش فاكر اني رفضت ليه وبراء نفسه ابويا شايفني غير مؤهل للجواز مع العلم اني مؤهل الحمد لله صحيا وجسديا ونفسيا وماديا ناقصني بس اشتغل شغل ثابت والاقي بنت الحلال واتجوزها وهو ديما فاكر ان مفيش حاجه اسمها لما تاخد خطوة الجواز ربنا هيكرمك ويرزقك انت لازم تبقي جاهز 100% علشان تقول هتجوز طيب انا عندي شقتي وعندي فلوس تجوزني وعندي خبره في شغل معين بقدر اشتغله وديما بيشوفني اني لازم ابقي فاهم وعارف كل حاجه مينفعش اقول لا او معرفش او مقدرش علي حاجه ولو حاجه معرفتهاش يقولي روح دور وذاكر لحد ما تحلها طيب الحاجه دي اصلا ملهاش حل لا هو ميقتنعش بحاجه زي دي ولما اخواتي البنات بداء يجي لهم عرسان ابويا قال اني مقعدش معاهم علشان ميرفضوهمش علشاني واول مره يكون الجاي واختي لوحده ولو في قبول ابقي اطلع في المره التانيه او الثالثه واختي بتقول ان لو رفضها علشاني فهو ميلزمهاش ودي حاجه مفرحاني وده الصح وابويا عمره ما اخدني ف حضنه ولا قالي انت دراعي اليمين مع العلم اني الولد الوحيد علي البنات ولما اتكلمت مؤخرا اني محتاج فلوسي اجيب بيها حاجه ليا تكون مصدر دخل رفض وقال لا وقال لوالدتي خليني ساكت احسن دي مش فلوسه صاحب الشغل مش بيزودني ومطلع لابنك فلوس زي راتب شهري وبيزوده وبيزود الناس المعايا وانا مش بيزودني ف دي مش فلوسه ورافض اني اعمل اي حاجه وعايزني اعيش تحت رحمته في كل حاجه وممنوع اتصرف في اي حاجه او اعمل اي حاجه غير العلي مزاجه وبس وكأني مليش شخصيه ولا كلمه ولا راي حتي والناس الحوالينا لما بتشوفني معاه بتشكر فيا وبتتكلم عني حلو قدامه وحتي معاملتهم بتكون كويسه معايا عكس ابويا ونفس الكلام معاملة ابويا لاي حد غريب بيقعد يتكلم ويضحك ويهزر ويسأله ف حجات ويجي عندي انا لا مفيش الكلام ده وكأني من الشارع وكلام كتير اوي ومواقف كتير فاكرها للاسف مش كويسه اعتقد حتي ان مفيش موقف كويس افتكره له غير انه عالجني وبس وديما من واحنا صغيرين كنت بطلب حاجه مكانتش بتيجي وكان الرد مش قد امكانياتي ولا ظروفي وطيب بعدين وان شاء الله ولو جات بيبقي بحرق دم وسم بدن وتقطيم واكتر حاجه ابويا بيحب يعملها انه يجمعني انا واخواتي ويقعد يقطم فيا ويحرق دمي ويسم بدني ويزعلني ويضايقني سواء علي الاكل واحنا بناكل او حتي لو قاعدين كلنا في البيت بيجمعنا كلنا في مكان واحد وكل القعده بيبقي الكلام عليا وحجات كتير جدا بتحصل شبيهه بكل الكلام القلته ده وبصراحه الموضوع تعبني نفسيا وكمان والدتي قالت لي انت عايز تروح لدكتور نفسي طيب هنوديك ونشوف مين فينا محتاج يتعالج انت ولا احنا وفي شخص قريب مني اوي عارف كل الكلام ده واكتر وقالي انت لو حصلك حاجه هيبقي بسببهم وهم العاملين فيك كده .. التكمله تحت 👇👇