عناد قصص حقيقية - 2 تجارب، ونصائح، ودعم

والله العظيم تعبت واعصابى تعبت مبقتش مستحملة كدة اهل معندهمش وعى ولا تفميرهم محدود مفيش تفاهم ولا اسلوب كل اللى عايزينه يفرضوا سيطرة وبس ... طب طفل عنيد نكسره وبس واخوات بيكرهوا بعض كل ما بصلح من حتة تخرب تانى مبقتش حتى عارفة اقفل على نفسى واعمل مش سامعة بعد ما بقى مآمنلى ويجرى عليا لو حد زعله اخواتى صعبين انا عارفة بس هما اللى وصلوهم لكدة واحد عنييييد بقى كل همهم يكسرووه كل ما احاول اقولهم خلوا بينكم وبينه اتفاق عشان يسمع كلامهم فى الاخر هما اللى بيخلفوا الاتفاق ولما يعاند يزعقو ويضربوه بيصعب علياا لما اشوفه بيكش على نفسه لما ابى يقرب منه ويقعد يحلف كذب عشان خايف والتانى مستفز ومحدش قادرله وقااعد يجى على اخوه ومعدش فارق معاه حتى الضرب والاتنين بيكرهوا بعض كانوا كويسين وحنينين بس هما اللى وصلوهم لكدة اناا معدش عارفة اصلح حاجة ولا عارفة حتى اعيش وسطهم ولا مرتاحة فى البيت ولا عمرى حسيت انه مكانى زعيق طول الوقت وصريخ وضرب فى ولدين صغيرين عشان اهل معندهمش شوية صبر تقعد مع ولادها عيل عنده فرط حركة يتضرب عشان بيتنطط ويلعب ليييه تعبت والله وكل ما اتكلم يقولوا ملكيش دعوة وادخلى اوضتك يزعقولى حتى اخواتى على كل اللى بعمله والله اول ما يتعصبوا بتلبس فيا انا وانا اللى بشرب زعيق وعصبية من اول ما كنت ادافع عنهم كانوا الكبار يفضلوا يقولولى اول حد هييجوا عليه ويزعلوه انتى وكنت اقول فى نفسى لا ميعملوش كدة واقولهم حتى لو كدة هستحمل بس فعلا دة اللى حصل وانا مش قادرة استحمل كدة والله كتير اقسم بالله 24 ساعة صوت عالى وزعيق كل ما اقولهم اعصابى تعبت وتعبت يفضلوا يقولوا من ايه هو احنا بنموتك ودة من الدلع والله العظيم بيقولولى انتى اللى فيكى دة من الدلع عشان متتضربيش لو بتتضربى زيهم او زينا زمان ولا هيفرق معاكى بالنسبالهم الانسان السوى هو اللى يقبل الاهانة ويشربها عادى مدام من اهله اصل الاهل يكسروا عادى والمشكلة محدش بيعارض مهما حكيت كلهم نفس الوضع والنظام ولا حد احكيله ولا حد يأثر فيهم مفيش لله الامر والله العظيم