انا عندي مشكلة ان لما بعرف حد مثلا علاقته ب اهله مش قد كدا سواء بقا صحاب او حد من قرايب حكالي مشكلة ف بيته ببدأ انا كمان موريهوش الجانب الحلو ال علاقتي ب اهلي اوي يعني مش لجل فكرة حسد والله او كدا ب العكس تماما بحس اني م عايزة ابان احسن عشان ال قدامي ميحسش ب مضايقة اكتر يعني ع سبيل المثال لو واحدة صحبتي عندها مشكلة مع اهلها ف بيت مش هاجي بعد كام يوم اقولها دا انا خدت ماما ونزلنا خرجنا بحاول ابين ان بردو عندنا مشاكل ف البيت وان مفيش بيت كامل100% بس والله مش لجل حاجة وحشة بجد بس انا سعات ببدأ احس شوية اني منافقة مع ان والله بعمل دا عشان انا بجد بحبهم ومش بحب حد يحس ب مضايقة لجل حاجة مثلا موجودة عند غيره ومش عنده وخصوصا لو موضوع متعلق بيا انا وحد من حبايبي بحس م عايزة اكسرهم انا كدا صح ولا انا كدا اي لان موضوع د كل مدى م بيكبر جوايا اني بنافق نفسي وال حواليا....
انتي تحفه
بس بصي خبي دا طبيعي بس بلاش تدخلي في سكه الكدب انا عارفه انك مش كدا بس بقولك عموما
أعتقد دا ميتسماش نفاق لأننا بنعمل كدا علشان منجرحش مشاعرهم أو نحسسهم بفرق أو نقص
مش انتي لوحدك يا كوفي يا اختي ولكن الموضوع ده نسبة كبيرة منه صح إن الإنسان يبقى عنده دم واحساس وكدة وميذكرش الحاجة الحلوة قدام فاقدها حتى لو كان خوف من الحسد فده طبيعي إن الإنسان يخاف على اللي منه ولكن مش شرط نقعد نذكر مشاكل ونهول من حاجات بسيطة وكدة ممكن نكتفي بإننا منذكرش حاجة تخص الموضوع ده وخلاص وبرضه يبقي تحاولي تهوني عن الشخص اللي بيشتكي وتخففي عنه واشطا كدة