منذ 5 ساعاتيشعر بـ مكسور القلب
انا كنت مرتبطة بزميلي في الجامعة انا كنت رافصة فكرة الارتباط بس احنا كنا في السنة الاخيرة وقالي انو لما نتخرج هيجي يتقدملي بس كانت بتحصل بينا مشاكل دايما في جزء الغيرة والتحكم رغم اني كنت بحاول اسمع كلام في كل حاجة المهم بعد التخرج حصلتله مشكلة وهو ان بعض الاوراق كان عايز يطلعها و كان في مشكلة وكان بيتعامل معايا وحش جدا و متجاهلني و كان بيتعامل مع بنات كتير وانا مستحملة انها فترة وهتعدي راح قالي انو بيحبني بس مش عارفين نتعامل ونسيب بعض الموضوع دا حصل من ٦ شعور وانا مش قادرة افهم هل هو كان بيتسلي وبيخلع كدة ولا دا حقيقي لاني كنت بحس بوعوده ليا حقيقية انو هيحارب كل الظروف وعمره ما هيسبني وكدة
ياريت كنت اقدر ارجع المشكله اللي انتي فيها دلوقت ضيعت عمري بسأل اسئله اجابتها محسومه لحد ما بقيت ام و متجوزه بنفس الطريقه اعرفي انتي مين و مين اللي يناسبك اكتبي عنك و عنه ف ورقه كل يوم لحد ما تعرفي انتي عايزه ايه و تستاهلي ايه
اللي بيحب بجد بيبان وقت الضغط، مش وقت الكلام الحلو… وتصرفاته لما احتاجتيه كانت أهم من وعوده. الغيرة والتحكم + التجاهل والعلاقات مع بنات تانية إشارات مش صح لعلاقة مستقرة. غالبًا هو كان متردد أو مش جاهز، مش شرط كان “بيتسلى” بس أكيد ماكانش ثابت ولا واضح. ركزي على كرامتك وراحتك، واللي مناسبك هييجي وهو واضح من غير ما تتعبي نفسك في فهمه.