منذ يوميشعر بـ عادي
مرحبا بكم. سؤال مهم ويمكن يفني ويفيدكم انتو كمان لو جابتوا عليهم. لو انت في حالة دلوقتي مش مستقرة. بيقول لك عقلك الباطن دايما يا اما بيحاول يطلع لقدام وينسى الوضع اللي انت فيه. يا اما بيرجع لاخر شخصية قوية انت كنت عليها. فانت تفضل تستفيد من اللي حصل اه وتكمل بشخصيتك المهمشة دي وتحاول تعيد بناءها ما تنساش اي حاجة حصلت تفضل معلقة كل حاجة في دماغك وتستفيد منها وتدوس عليها وتبني شخصيتك من الحطام ده ولا تبتكر اه اقرب شخصية كنت فيها وسط من نفسك وحبيبها بجد وتتبع نفس أسلوبها النهجة. ايهم هيكون افضل? وايهم هيكون اسهل لك? وفي اختلاف ما بين السؤالين يا ريت تجاوبين عليهم.
وفيه حل تالت العقل احيانا بيطرحه نوع من انواع التسكين بيشوف اكتر شخص كنت مبسوط معاه حتي لو توكسيك او نوع ادمان قديم كنت بتتخلص منه بيفكرك بيه.. اما عن سؤالك فحختار نسختي الحاليه اللي وصلتلها وحفهمها اكتر واعرف المشكله فين وعشان افهمها اكتر محتاج اجرد كل اللي جوايا علي ورق واكتب واكتب لحد مفهمني علي فكره دي خطوه صعبه جدا بس لابد منها عشان اعرف مشكلتي فين وابتدي اشتغل عليها لاني النسخه القديمه القوية مني لو كنت وصلتلها بوعي وادراك مكنتش رجعت تاني لشخصيتي المهمشه
ايه فايدة اللي انا مريت بيه لو مضيفتوش لشخصيتي؟ ازاي ارجع لما قبل الحادثه وكأنها لم تكن وتسيب أثرها السلبي فقط؟ دا افضل ، لكن الاسهل انك تتناساها كأنها لم تكن طبعا
مش قادره اغير اي حاجه مهما عملت فلا ارادياً بكمل بالشخصية المهمشه انا حتى مش بكمل انا نايمه في الخط لا قادره اتحسن ولا ارحم نفسي من التفكير مفيش قدامي خيار تاني