في شب بحبني كتير وانا بحبو كمان شخص متفهم والنا حوالي ٣ شهور منعرف بعض بعرف انها مش كافية ولكن خلالهم كان جدا داعم ومحترم واي مشكلة بتصير منحكي ومنتناقش فيها ولا بخليني انام زعلانة يوم واحد وهو حاكي لاهلو عني وهم بحبوني جدا مع انو لسا ماقعدت معهم اضافة انو اول ماحكاني راح حكي مع والدتي عشان ماينفهم انو متخبي او عم يتسلا ولكن هي رفضتو ووالدي كمان رفضو والأسباب انو هو اصغر مني بكم سنة وكمان انو مش دارس جامعة ف شافوا انو مش رح بكون في تفاهم ورح يقلل مني وحيبان علي الكبر وافترضوا اشياء كتير وهمي مصممين ع رفضهم ولكن هو قلي رح بحاول مرة وتنين وعشرة بس انا بقلو انو يبني اشي لحالو ياسس اشي الو اول وهو مقتنع ولكن ناطر اشارة مني ليرجع يجرب مع اهلي انا شخصيا من تصرفاتو وتعاملو وحنون علي شفتو مناسب ولكن بخاف يكون معاهم حق ويتغير مع الزمن عشان الإختلافات هي....بتمنى نصيحة من الاشخاص الي مرو باشي زي تجربتي