منذ 8 ساعاتيشعر بـ خجول
من ساعة ما حملت الapp مكنتش لاقية حاجة اشاركها و ده غريب لان دايما طول عمري شخص رغاي بس بطلت ده من فترة كان نوع رغي اللي هو مشاكل شخصية ادركت متاخر محدش ينفع يعرفها لكن جيت في فترة كدا و بطلت اتكلم لاحظت ان كلامي و خصوصا عن صدمات الطفولة بتاعتي كان سببه ان الللي اذوني في فترة اقنعوني بجد اني اوفر و بمثل و انهم ماذونيش و عشان كدا اي حد كنت بقابله كنت بحكيله عشان اشوف في عينيه حزن انا مكنتش بحب الفقة بس كنت عايزة حد يقولي اه انتي فعلا اتاذيتي و لكن مع الوقت الدنيا علمتني ان المشاعر لا تناقش و ان اللي انت حاسه هو الصح انا مبطلتش غير لما قلت لنفسي انا مصدقاكي و ده لوحده خلاني احس اني مش عايزة اقرار من حد ان مشاعري صح و مبقتش احس اني محتاجة اتكلم غير لو حاجة عايزة احلها و مش مع اي حد و بس دا اللي جه في دماغي اشاركه معاكم كاول حاجة