سبب وقوفك في مكانك

ان مفيش سبب يخليني اكمل خسرت كل حاجة و كل حاجة اتكسرت قصاد عيني احلامي و طموحاتي و كل اللي اتمنيته و اولهم صورتي قدام نفسي كنت فاكرة اني حد اما بيحط حاجة في دماغه بيعملها و حد كويس و مش مؤذي و متفوق دراسيا لقيت كل حاجة من دي اتهدت قدامي لقيت اني لما بحط حاجة قدامي عابزة اعملها غالبا بفشل فيها لقيت اني حد مؤذي لكل اللي حواليه حتى و انا ممكن اكون اكتر حد بيخاف انه يإذي الناس لقيت اني دراسيا مينفعش يطلق عليا لقب متفوقة دا ... انا اقل من كدا بكتير و كنت مخدوعة في نفسي و بكدب على نفسي او كنت خايفة اشوف حقيقتي مش عارفة احدد بس لقيت ان لو هحاول عشاني ... فانا مستاهلش و ما اسوء كره الذات للذات...!!

الرهاب الاجتماعي... شئ مقرف حرفيا و مانعني من حاجات كتير اوي الموضوع بقى صعب جدا مش عارفه اعيش على طبيعتي دايما فيك و دايما مستنيه رأي الناس فيا و في شخصيتي و كلامي من غيره بجد هكون مرتاحه جدااا

الحقيقة مش عارفة!! .. يمكن انا مكنتش عارفة أكمل ازاى إ كنت مستنية حاجة معينة تحصل عشان أعرف اكمل.. هو مكانش فيه حاجة من اختياري عشان أكملها. ولما بدأت أكبر وقالولى يلا اختاري خوفت معرفتش محدش عملنى او ادانى أدوات أكتر اتحرك بيها غير التشكيك ف تصرفاتى والخوف من اللوم.. يمكن حاجات بسيطة لو كانت حصلت كنت عرفت أبدأع الاقل ومكنتش وصلت لسن ٣١ سنة وانا لسه مش عارفالى طريق.. عارف لما الحاجات البسيطة متحصلكش كأنك متعاقب او كأنك اتنسيت او متنفعش ..الحياة ماشية بشكل ما إلا حياتك..

الحقيقه هو انا انا اول شخص هيتلام لا اهلى اللى غلطونى ولا لوموا عليا اول مغلطت فى اى حاجه فى حياتى ولا حتى الناس اللى كان وقتها مؤقت فى حياتى انا اللى هلوم نفسى انا اللى واقفه مكانى عشان مستسلمه وعارفه ومتاكده محدش هيطلعلنى من اللى انا فيه غير نفسى وبرده واقفه مكانى ومش بتحرك انا هبله وبضحك على نفسى وعارفه انى بضحك على نفسى

هوا اكيد مش مبرر بس انا ملقيتش دعم وساعات احباط وطبعا مش بخرج كتير طول الوقت على التلفون كل ماده دايره الصحاب تقل أو تكون سطحيه محاوله وتفشل محاوله اني اقوم وافشل لحد ما زهقت ومبقتش احاول ولو كنت بسمع تهزيق مره بقيت اسمه 100مره واكتشف أن سنين مرت من غير ما اعمل حياه وذكريات ومش بعرف اتكلم ولا اعبر أولا بسبب طاقتي وثانيا عدم ثقتي بنفسي ورهاب الاجتماعي

وفاة والدي .. عدم وجود دعم نفسي من اى حد حواليا ولا بنى آدم واحد كان شايفنى اصلا .. إحباطى من اللي المفروض قريبين بشكل متعمد ف اى حاجة و كل حاجة بعملها او بفكر بس انى اعملها .. كل ما بعافر كنت بلاقي مليون حاجة بتكسرنى لحد ما شبه اتجمدت فى مكانى لا بقيت حاسة باى حاجه كويسة او وحشة ولا بقا عندى طاقة انى اصلا اعوز اعمل اى حاجة في حياتي 💔 عايشة بتنفس بس و حتى ده بيضيق بسبب البانك 😂💔 سوداويات اوي معلش 😂