يمكن دا مش المكان الصح الي اسأل فيه عن الجانب دا بس هسأل عشان معرفش اسأل فين غير هنا اتعامل إزاي في الاجتماعيات يا جماعه بجد؟؟؟ يعني لما أكون معزومه على فرح أو اي مناسبه بقيت بتجنب إني احضر عشان بحس إني awkward أوي وبقول كلام غريب بجد سواء كنت لوحدي أو مع حد وكمان لما حد بيكون عنده حالة وفاه مش بعمل حاجه غير إني اعزيه في مسدچ حتى لو المفروض إننا قريبين نوعاً ما عمري ما حضرت عزا غير مره واحده وكانت تجربه وحشه جداً وعكيت الدنيا تقريباً فبقيت بتجنب كل الاجتماعيات سواء أفراح أو عزومات أو حفلات أو حتى خروجه عاديه أو رحله بفضل قاعده ساكته ولما حد بيوجهلي كلام برد ردود غريبه حتى مكالمات التيلفون بقيت بتجنبها على أد ما اقدر وحتى أبسط المواقف زي إني اطلب حاجه أو اشتري حاجه خصوصاً لو الي بيبع ولد أنا برتاح وأنا لوحدي جداً بس بيبقى نفسي يبقى عندي ذكريات واجرب حاجات جديده وابقى مش مهمشه ومنسيه دايما بين الناس كدا حتى صحابي، لما كنت في شله كانوا دايما ناسيين وجودي أصلا وبيتحركوا منغيري حتى لو أنا قاعده معاهم وفي الكلام بينسوني خالص ويهزروا كتير على سكوتي. وفي الجامعه عامة بسكت كتير وبضيع على نفسي فرص وأحياناً حقوقي أصلا قولولي المفروض اعمل ايه بجد عشان مبقاش كدا