يقين

ساعات من كتر تفاهة احلامنا بحس ليه مبتتحققش بس اللى اكتشفته ان احنا دايما بنتمسك ف الحاجات اللى بتأذينا في الحاجات اللى عمرها مكانت غير لينا ساعات تدعي دعوة انت بتتمناها من كل قلبك تيجي تاني يوم تلاقي الدعوة انت مبقتش عاوزها وربنا كشفلك فيها حاجات انت اول مرة تعرفها ف توقف مع نفسك اللى هو الحمدلله انه مستجابش خلى عندك دايما ثقه ويقين ب ربنا انه عمره ميتخسر فيك حاجه انت عاوزها بس هو شاف وعرف حاجات انت مشوفتهاش وعارف انها عمرها مهتكون خير ليك تيجي تبص حواليك اي دا بس ازاى ظبطت مع دول وانا لا ازاى دول نجحوا وانا لأ متبصش لغيرك عموما متقارنش نفسك بحد محدش بيظهر الوحش ف حياته كل واحد بيكون عاوز يظهر قد ايه هو مثالى انت مش عارف الشخص دا مر ب ايه ولا عاش اي يمكن الحاجه دى عمرها مكانت خير دعواتك ساعات بتستجاب بعدم استجابتهم 🤍

انا متاكدة مية في المية ان انا مش هفضل كده لسه قدامي وقت و سنين عشان اتغير و حياتي تتغير و اغير دايرة الناس الي حواليا انا متاكدة من ده متاكدة اني هقابل نفس الشخص تاني جوايا احساس كبير اوي زي ما يكون متاكدة منه اصلا و مفيش مره حسيت كده غير و كان حقيقي قدام عنيا انا فاقدة الامل مني و عارفة اني مش هغير حاجه ربنا الي هيغير و هيغرني للاحسن و هكون نسخة احسن مني انا اه عندي ١٧ سنه و الي فات اقل بكتير من الي جاي الحمد لله عديت شوط كبير من اهدافي الي انا كان نفسي اوصلها مش كلها اهداف حد يفهمها كانت اهداف او احلام بالنسبة ليا في طفولتي كنت شايفة انها سلاسل مقيداني السلاسل دي بدأت تتفك و اخيرا لسه هدفين بس و هوصلهم و كله مش بايدي كله بايد ربنا ان كان عليا فانا مش مستنية مني حاجه عمر ما كان في حاجه اسمها صدفة كل حاجه جديدة في حياتي و على غير العادي بوابة جديدة و حياة جديدة في حياتي ببدأ منها قصة انا هكون اساسها انت متاكدة من احساسي و عارفة ان في لقاء انا مش مستنياه انا متاكدة منه

مبسوطه بإن ربنا بيدينا فرص دايماً علشان نرجع ، ممكن تدعولي معاكم كتير الله يكرمكم وخصوصا بالتوفيق في الدعاء النهارده والاخلاص وحضور القلب والانشغال بالعباده وإن ربنا يفتح عليا وأقدر أدعي بكى اللي نفسي فيه ولكل اللي وصاني بالدعاء ويكون فيه بركه في وقتي ومتنسوش أهل غزه من دعائكم وكل المسلمين من دعواتكم . ونحاول نستغل اليوم النهارده علشان الله أعلم هيتكرر تاني ولا لاء ، نستغله في الأعمال الصالحه " الصلاه ع وقتها ، الذكر ، الأذكار ، الصدقه ، كثرة الإستغفار ، بر الوالدين، حسن الخلق " إلخ وخليكم طماعين وانتوا بتدعوا علشان إحنا بندعي رب كريم قادر ع كل شئ قادر إنه يغيرلك حياتك في لمح البصر محتاجين يكون عندنا يقين تام واحنا بندعي ومحتاجين نُقبل ع ربنا حتى لو مش قادرين أو مش حاسين عند ربنا كبيره والله فانحاول علشان منندمش .

“يمكن تعبنا شوية، ويمكن عدّى علينا وقت حسّينا فيه إن كل حاجة ماشية بالعكس… بس الحقيقة إن ربنا عمره ما بيقفل باب إلا وراه خير أكبر إحنا لسه مش شايفينه. كل تأخير ليه سبب، وكل وجع بيعدّي بيعلّمنا، وكل مرة كنا فاكرين إننا خلاص مش قادرين… قدرنا نكمّل. ف ليه نيأس؟ ما يمكن الأيام الحلوة جاية في الطريق دلوقتي، ويمكن الدعوة اللي بنقولها كل يوم ربنا بيحضّر لها وقت أجمل مما نتخيل. خلّوا عندكم يقين إن بعد التعب راحة، وبعد الضيقة فرج، وإن القلوب اللي بتصبر ربنا بيعوضها بطريقة تنسيها كل اللي فات.”

في لحظات بنضايق فيها جدًا من حاجة حصلت، ونفضل نسأل: ليه ده يحصل لي أنا؟ بس الحقيقة إن مش كل اللي بنشوفه شر بيكون شر فعلًا، أحيانًا بيكون هو الخير اللي جاي لك بس متغلف بشكل أنت مش فاهمه دلوقتي. ربنا قال: "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ" موقف ضايقك، يمكن كان بيبعدك عن حاجة كانت هتكسرك أكتر، تأخير حصل، يمكن كان بيحميك من توقيت غلط، خسارة وجعتك، يمكن كانت بداية لطريق أنضف وأريح، باب اتقفل في وشك، يمكن عشان باب أحسن منه يتفتح. الفكرة إنك مش شايف الصورة كاملة، لكن ربنا شايفها، وبيختار لك على أساسها، مش على أساس إحساسك اللحظي.

انا مش عارفه انا ليه باعمل البوست ده ومين ربنا سخرني ليه علشان يقراء الكلام دا... هو انت فاكر ان ربنا هيستخسر فيك الخير وقت وانت كنت فاكر ان الطريق اتقفل وان الدنيا بقت خلاص ضلمة حواليك ربنا كان بيحميك من طريق اخرته وجع اخرته وحشه اخرته انت ما كنتش هتحملها والحاجه اللى مشيت مره واحده مشيت تتدبير الهي عجيب ربنا عمي بصيرته عنك علشان النهايه كانت لازم تكون كده لانه لو كان خيرا لوقي 🤷🏻‍♀️... علي فكره ربنا مش بيستخسر فيك الخير ربنا شال عنك الاذي اللي لو انت كنت كملت كان هيصيبك بكره تعرف ان ربنا لو كان سابك الاختياراتك كنت غرقت مافيش حاجه خيير هتمشي من طريقك ابدااا اطمن ربنا عارف وسامع دقات قلبك وعارف اللي انت مخبيه ربنا هيعوضك وهينسيك كل ليه سالتها وانت محتار وهينسيك كل ليه سالتها وانت مش عارف ايه اجابتها وخلي اليقين ده في قلبك ديما عسى ان تكرهوا شيئا وهو خير لكم 🤍وعسى ان تحبوا شيئا وهو شر لكم🤍 ونكملها بقي. والله يعلم وانتم لا تعلمون 🤍🤍