وحيد

الوحدة بجد شئ مميت مش هيعرفه غير اللي جربه بجد بمعنى انك تعيش لوحدك تماما في البيت .. مايبقاش فيه غير صوت نفسك انت بس انك ترجع تلاقي البيت مضلم وتاكل وتقوم وتنام لوحدك مفيش حد تشاركه تفاصيل يومك حد يلاحظ ارهاقك أو حتى فرحك مفيش الفضفضة ووقفة المطبخ مفيش اخد رأيك في لبسي قبل ما انزل مفيش حد يقلق عليك لما تتأخر حد تترمي في حضنه وتنزل من على كتافك هموم الدنيا عارفة ان فيه ناس وحيدة وسط أسرتها .. بس اللي بتكلم فيه مستوى تاني بجد ساعات كتير بحس اني ممكن اموت لوحدي ومرات كتير تعبت ودوخت ووقعت وكنت لوحدي ومش عارفة حتى اجيب كوباية مياه لنفسي وبعد ده كله الناس ساعات تقولك انتي اللي عملتي في نفسك كدة سواء بالتلميح أو صراحة.. بس هو والله قدر ونصيب مكتوب وربنا يصبرني عليه ويصبر أي حد عايشه

دخلت مدرسة حكومة ، أنا و 10صحابي كل واحد راح على فصل ، في ال راحو مع بعض في فصل واحد و الي راح لوحده بس كلهم في الفصول الي فوق الي هي انضف فصول الي هو كلهم كانوا في من اول 1/1 لحد 1/4، عملو صحاب بالكوم مع العيال من فصلهم ، بس أنا حظي جه في اوسخ فصل في المدرسة كله الي هو 13/1 ،عادي أنا مش هيفرق معايا فوق ولا تحت ، بس سبحان الله ،اول اسبوع اتخانقت مع عيل في الفصل ومن ساعتها ولا حد بيتكلم معايا بالخير ولا بالشر ، كل علاقاتي معاهم خناقات بس ، من الاخر معرفتش اطلع منهم بصاحب واحد ، كل يوم بروح لازم اتخانق مع حد ، نص الفصل متخانق معايا ،. النص التاني ميعرفوش اني معاهم اصلا عشان مليش صاحب واحد ، المشكلة اني متدبس معاهم سنتين اولى وتانية ثانوي

طب وبعدين سهرانين زهقانين ولا بنكلم حد ولا حد بيكلمنا قعدين نقلب فوجع قلب ونفتكر خيانه وخزلان وقلت اصل طب وبعدين هنفوق امتي ونرجع زاي مكنا الحد الي بيهزر ويضحك والكل بيحب يقعد معا مكفاية وجع قلب بقي احنا مكنش لينا دعوة بحب بجد

احساس غريب شويه لما تلاقي الكل ساكت كدا مره واحده ومتلاقيش حد تكلمة بتكون عايز تنزل تغير جو تتكلم مع حد كدا بنسبالي الموضوع غريب شويه تحس إن العالم كله أخد "هدنة" وإنت الوحيد اللي لسه صاحي أو محتاج تتكلم

هو ليه الواحد ممكن يحس بالوحدة وهو حواليه ناس كتير وبيحبوه يعني ساعات بدور علي صحاب جديدة وملاقيش بحس اني وحيد مع اني عندي صحاب وزي اخواتي كمان ساعات مش بفهمني والله لو حد زيي كدة وعارف السبب ياريت يشرح

عندي مشكله اني وحيد ومحتاج حد اتكلم معاه طول الوقت حد يكون موجود لما اقع ويكون موجود لما اقف على رجلي تاني ويساعدني كمان حد يستحملني ويكون جنبي حد اضمن وجودو

انا وحيد. اوي ومكتئب اوي اوي اوي مش عارف دا العيد. الكام الي يعدي عليا بس انا عارف ومتأكد ان بينهم حاجه مشتركه الوحده والاكتئاب ومحدش حاسس بيا، عارف ان دا. من شعائر الله ولازم. نعظمها ولكن انا بجد بكره اني ابقا الوحيد الي قاعد قي البيت علي تلفونه وكل الناس بتخرج. بره حتى امي او ابويا كل واحد عارف ناس واهله بيروح لهم انا الوحيد الي ببقا ساكت ونايم او قاعد بكره حياتي وكمان زاد الاكتئاب اكتئاب اني في تالتع ثانوي ومراكم زحياتي ادمرت مستقبلي كذلك

حاسس انى وحيد جدا ومليش حد افرح معاه او ازعل معاه او حتى اتخانق معاه حرفيا الوحده اكلتنى وبقيت حاسس انى هعيش وهم وت لوحدى يعنى كان نفسي يبقى ليا اهل يحبونى ونتجمع كل فترة ونقضى يوم مع بعض كان نفسي يبقى ليا صحاب ونخرج نفطر مع بعض او نتسحر مع بعض ولكن يبدو انه كتب على قلبى الوحده والفراق